احكينا الصباح للمواطن الليبي ......
عاد المواطنة الليبية السموحة الله يحفظها ويفكنا من لسانها
كان متزوجة اهو تنوض على صوت عياطات الصغار وهى رابطة راسها بمحرمة طبعا من عادات المجتمع الليبي ان بعد 5 صغار تبدا تربط راسها علاش باش ماتجيهاش شقيقة ههههههه يلا ماعلينا
تستاقض وهى تتعود من الشيطان مرات تلحق تغسل وجهها ومرات لا باش يفطروا وتوتى روحها كان عندها مدرسة
استفسار استفسار علاش قلت مدرسة
لان المجتمع الليبي وحسب الاحصايات الامم المتقربعة ان نسبة التدريس يفوق الطلاب بى كل طالب 7 مدرسات ونقول تانى ماعلينا ياستى توتى باش تمشى العيادة
وفى عاد العائلات الكبيرة قصدى الشيابين والعزايز ينوض هداكا الشيبانى لى اولاده العزاره نوض انت وياه واحد منكم يجيب خبزة ولا حياة من تنادى واحد يحدف لتانى لن هو يمشى يتبرع بروحه يسخن هاديكا القرجوبة ويجيبهالهم والعزيز عاد ماترضاش فيهم قريب ترحيهالهم وتحطها فى فمهم .
ورغم معاناة المواطنة الليبية الا انها تتمتع بالجمال الطبيعي اهو توا بنحاول نرقع باش ماتنوضيش فيا انتى وياها
تمشى تنطلق الى كوجينة تدور شن بتحطلهم والصغار بحداها يتعايطوا كان هاديين وكلامى غلط صدقينى معناها بوسى يدك وجه وقفا على النعمة
يلا كثرتها وخثرتها الدوة بس شن بندير فى ناس تحب التفاصيل وين وصلنا ايوة هنالك طبقة اخرى من طبقات المجتمع الصباحى باش ماننسوهمش عاد الطبقة الراقية لان الى حكينا عليهم طبقة القادحة المسحونة هو مش عارفة كيف بنحكى على صباح الطبقة الراقية لان ماحضرتاش بعينى بس على حسب مانشوف فى عالفيس اهو بنقول.....
