الوضع فى ليبيا اكثر مازايد للاسوأ
حتى لو ناس ناكره , ومدايره روحها عايشة , وتمثل ف السعادة
الوضع خلاص يخلى الواحد يفكر فى باان يشرب من ميه البلديه, اعود بالله شن هالافكار السوده
لالا عارفه فى ناس توا بتطلع وبتقولى متشائمة
وناس من منظمات الامل والتفائل حاتفتحلى قصة على قوس قزح
بس بالنسبة ليا خلاص فديت , يمكن الشباب عندهم فرصة ان يهاجروا
باهى والبنت شن دير , لافلوس فيه , اكيد حاتقولولى طماعه ومش سادها شى , ياناس حتى المصاريف الخاصة معادش محصلينها
انا نحكى عالناس البسيطة , الى عنده فلوس يوقف بعيد ويتفرج علينا
الحل شنو , انا دماغى صفر معادش ف حلول
على اساس يعنى حتى لو عندى حل بنحل ولا نربط مالقيته لروحى
باهى شن نخشوا عالحرام
حتى لو خشينا مش حاننفعوا فيه لان مش متعودين عليه
انا مش ساكته لن تقولولى شن الحل
الحل هو اليأس , ايوة اليأس حايطلعلى حد ويقولى ماتيأسيش من رحمة ربى
انا يأست من العباد , توا بس عرفت ان هادى دنيا , وان حق الجنة مش بالساهل .
