اسفة عالتعبير بس خلاص جت حدها 🙄
احنا عايشين مع بشر يحاسبوك كانك ملايكة
ويقيموك على اساس انك عايش قبل وميت ثلاث مرات ومتوقعين منك ان اختياراتك فى حياة تكون صح
ماهوا انا لو عندى الخريطة راهوا ماقعدتش نضرب اخماس فى اسداس تى حياتى كلها مبنية عالعشوائية راه 😖😖
وفيه الى يبي يختار فى مكانك ويعيش حياتك بالمره باهى اتعالوا تنفسوا بدالى وخلاص ونهار تتقربع على راسك تلقى غير الى يلوموا فيك ويطلعوا ان اختياراتك غلط
شن نسيتوا مش انتم اخترتوا معاى
فامن اخير كل شىء يخص حياتك اختاريه انتى وحددى مصيرك انتى واضربيهم عالحيط والله حتى لو درتى شنو يبو منك بالتفصيل مش راح ترتاحى منهم
لان هدفهم الوحيد انهم يشوفوك فاشلة والغريب انهم فرحانين هلبا
🙄 عالاقل لو اخترتى شى تحسي روحك انتى تتحملى مسئولية قرارك
بس اجنا كا مجتمع ذكورى معفن صعب ان البنت تقرر تى اغلب حياتنا سيرونا فيها زى العنز مانعرفش نتيجتها غير بعدين نستاقض على روحى انا شن درت علاش سمعت كلامهم
لما تشوفيلهم بنظرة تعمق هو هيرنى انا قلبت عالفصحى
تلقيهم الى ينصحوا فيك ويبوا منك ان تصرفاتك تكون كلها صح هما بالاساس معوجين
غير صلحوا روحكم خيركم لاهيين بيا لا احنا خلاص خربنا وفات وقتنا نبو نعوضوا بحياتك
اى ماهوا زريبة مفتوحة خاشين طالعين فيها
اطلقونى فى حالى انا نبي نغلط نبي نتعلم نبي نصحح لروحى نبي نحس بالغلط مالكم ومالى
