ساعة 3 فى الليل بعد 20 يوم حجر .....
مقعمزة فى صالة والضى هارب حاطة شمعة ومطلعة جبنة وهريسة وخبزة وعصير وتشبس وببسي وشكلاته وسامنسا
صراحة من كساد جعت هو نهار كله فات فى ماكلة ونوم وحتى النت مهناش رصيد كمل وماعنديش كيف نعبي
وتلفزيون انحرق من كثر هروب الضى
حاسة روحى طالعه من القرن الثالث عشر ناقصنى نكتب شعر ودواوين بس 😧😧😧
عالاقل ايامات فاتت كنت نعرف من النت ان فى حالات جديدة او لا
مرات احسن شن بنحصل منهم غير وجع راس ولا كلهم منزلين طيبنا بكبكنا بدى الفيس كوجينا
والصرعة الجديدة الرجاله خشت عالتطييب وينزلوا فى صورهم على صفحة ميلاد معتوق
🙄🙄 زعمه شهر تانى ويخشوا عالمكياج زى ادم
عالم كله رجاله ونساوين يطيبوا وحياتهم عادية الا احنا ركبولنا الفرق وبدينا نشوفوا الراجل لو قام بوكسر متاعه وحطه فى سله يبدا انجاز
عندى كدس قصص من النت عيونى بيحولاوا ومليت هما شن بنوته شيخ شدتها عالحب وبنت جعفرى تعرفهاش قصة ولا لغز
وقصص عربية تانية نقعد شزى اكثر نبدا زى راديو كل مره بلغة
والالعاب 😖😖😖 مافيش الا لعبة harvestmoon
حلوة بس طويلة هلبا وقصة تقلب البطن
باهى شن ندير ياهمى اغبر خلاص فديت جتنى حاله نفسية على اساس قبل ماتحبيش طلوع اهو عالاقل قبل بمزاجى منبيش مش مفروض عليا
بس الغريب ان عالم كله حالاتهم هلبا والميتين هلبا اشمعنى احنا حالاتنا كلها سالبة 🙄
بديت نشك زعمه احنا فضائيين صراحة ايه لان حياتنا خليقة وعكس عالم مرات يصير
حتى نوم عيييت منه قريب تجينى تسلخات
🙄 وجيران عراكات فى بعضهم رجاله الى عمرى ماسمعتلهم صوت توا طلعت مواهب وتلعليع عالصغار
يستاهلوا خل يعرفوا مساكين نساوينهم قداش تاعبات
🙄 سمعت ان الحجر بيمددوه لشهر 5
انا اشك ان الليبين مش راح يموتوا بالفيروس لا راح يلقوا حرائم القتل فى عائلات اكثر من العدد العالمى
زعمه ايامات زمان لما كان يجيهم وباء شن كانوا يديروا 😯
نتوقع شادين العشش وحكايات وخراريف ام بسيسي 😖😖
شكلى بنوض ناكل وخلاص ياربي مليت حاسه راح يتم الحجر متاعى فى مستشفى قرقارش اهو عالاقل مهبله يديرولك جو
