العرس الشىء المشترك الى فى عالم ليه عادات وتقاليد وفرحة للعائلة والناس والجيران
بنسبة لعينة فى ليبيا وخصوصا فى 2017 بدى حالة غم ونكد وبلاء اسود على راس اليهود
العروس قبلها بااسبوعين واعطوها موعد العرس مش تبتسم وتغنى وييياااى وووويووو وتكلم خطيبها والناس تفرح معاها
رجعوووووا معاى الشريط !!!!
وجها ينقلب اصفر زى البزار وتجيها ليا تقول الا نافس وتشبح شريط اسبوع عرسها كيف راح يفوت
انها اميرة زى قصص الخيال ولا صور الفيس والفيلوا من افخم الماركات باش الناس مايضحكوش عليها
وفى وسط خيالها تستاقض على صوت صياح فى وذنها
هيا سقدى روحك اغسلى الديار شن تحسابى كان عروس بترقدى
تنوض من صباحات ربى نيتها مسدودة تمشى محلات وقبلها توقف ساعه على طابور عالمصرف وتدور واسطة وتشحت باش تقدر تاخد فلوسها من المصرف تسمع الصدمة الاولى مافيش سيولة بكل الى نهائيات كاس اوروبا
والى تساله تبى فلوس تسمع نفس الكلمة
مااااااااااااعنديش وماحصلتش
مافيش الا انك تدورى بالشيك
والشيك زيادة انتى وحظك يعنى دبل
بالسيف ترضى تحط الى عندها واحتمال تبيع شلاتيتها القدم وتزيد عليهم باش تشرى جديد
تنزل محلات وتشبح الاسعار تقول عليها سافرت باريس
والى معاها يعيطوا عليها خودى هادى وهادى وهى تهز وتخمم شن بيخلص هذا كله
حتى فلوس الكسوة معادش تجيب حتى شخشير
توا معقولة براد شاهى بى 65 علاش شن يطبخ ويصب بروحه
حتى ملاية الصلاة بى 100 شورها تصلى بيك ولا فيها بوصلة اتجاه القبله مرات حتى تاذن 😂😂😂
وووووه هم يبكي ويضحك
البلاد هادى تشجع عالعزوبية
ياريت قعدنازى ايام حناى نسكنوا فى براريك وردوات باصمة
وما حد يتجكتر على حد كلها زى بعضها وراضية
غير دعوتها ناس اتغيرت والعالم اتغير والفلوس مهناش
باش واحد يدير زى الناس
هو مش مجبورة ندير زيهم على قد سيقانك مد بساطك ولا معادش بدى يقولوله بساط اووه كاربيت
اوووه لا لا نو نو يقولوا عليا شلافطية 🙄
باهى حتى كان شلافطية شن بنحصل جائزة الاوسكار
ولا بيعشونى على حسابهم ماهو فى حالتين بيقرموا العرس
لهذا نديره بسيط
علاش بسيط هو ليلة فى العمر
لالا نديره بسيط وندس باقى الفلوس للعازة بالك مرارتى تفيض ومانلقاش باش نحيها
نقعد ملوحة فى الطبي يزن عليا الذبان
وناس تضحك يقولوا فلوسها كلهم حطتها فى العرس
وسى الباشا بالك هو يخلص عليا
مرات حتى هو مريش احرف منى 😂😂😂
منين بيلقاهم شن بوه السراج وعنده سيولة
🤔🤔
والله كرهت العرس وسيرته
وقف الشريط على صوت البنات هما ينخصوا فيا
ها شنوا شريتى عمبمبر
عبمبر 😒 لا بنحطلكم كعك يابس باش تحذفونى بيه يوم العرس
ترا برى ارقصى انتى وياها وجهى مش وجه فرح خل نكمل حساباتى ورايا ديون اكثر من ديون ليبيا للامم المتحدة 😭
