فى كل العالم تلقى الناس عندهم ديانات مختلفة
او فى منهم فيها جميع الديانات
اما ليبيا معروفة ان كلها دولة مسلمة
وياريت يطبقوا فيه الاسلام , مشكلتنا ان الاسلام هنا بالفطرة يعنى تلقانا مسلمين ومرات فيهم مايصلوش
ولا مسلم وجميع اخلاقيات مش فيه , الغريب فى الموضوع ان الليبين كلهم شيوخ وماعندناش مفتى واحد
الشعب كله يفتى ويحلل ويحرم , واحتمال حتى يقابلك حد يلقاك لابس الساعة فى رجلك يقولك كافر
التكفير هنا عندنا زى صباح الخير ولا تقول الجنة يوزعوا فيها هما
تلاقى الام والاب مدايرين الحرام كله والرباء ومجرد ما ولدهم يتنرفز يكسر صوانى تقوله امه انت بتمشى لجهنم
فى نوع تان من الدين عندنا والله اعلم فى منهم او لا الى يتظاهروا بالتقوى عاد توا كيف بنحللوها
تلقاه شكله يوحى ان راجل ملتزم ويخاف الله فكونا مش لازم يكون لحية وسرواله فوق لركبة مرات لابس هركة عربية
خل نكمل مهم هدا الراجل تشوفه تقول هدا تشع منا الايمان وماسك محل او تاجر وين تتعامل معاه يفتى ويحلل ويحرم وهو ينقص فى ميزان وبضاعته مغشوشة ويضحك على الناس
وفى عاد من بنات الى تاخد الدين ستره على فعايلها مش كل احنا قاعدين نحكوا على ناس معينة تستعمل فى دين حجة وهاديكا البنت لابسة خمار وشادتها تنسريف باش مايعرفوهاش
الايمان والاسلام بالاخلاق اول شىء بعدين المظهر اما احنا كل شيء بالمقلوب ......
