يالله قداش ما الكلمة هادى تريح
وعارفة ان هدا الاحساس كل واحد قراها , هو منعرفش من اخترعها بس الباين ان كان ليبي وفاد من القصقصه
على سيرة القصقصه لو يقراها حد برانى علينا يحسابها جهاز اعدام ههههه
منعرفش بس اغلب الليبين
عندهم عالطبع هدا
يمكن لان يحبوا المعرفه والاطلاع
مصيبة ماياخدوا غير الحاجة المقومة كان يقراله كتاب خيرلا
شن كتاب معقوله نقول هك بعدين يطلعونى موضة قديمة ولابسة نظارات
بس يفضل ان يتلاقى مع حد سامع عليه حاجة ويطيحلك عاد فى الاسئلة لن صاحبنا يتمنى لو سيارة خاطمة تعفس عليه
بالنسبة لنساوين ييييييييييييييه مايقتنعوش بكلمة مانعرفش لان عندهم معناها داسه عليا ولا تحسابينى بنعاودها وتنتشر
لالا حاشاها وهى احتمال حاتقولها حتى لدول المجاورة
فا يااخونا الليبي قدر هالكلمة الى تريح المواطن والمواطنة فى ظل هده المعاناة ولو حد قال منعرفش كأن قالك مادخلكش .
