بسك يا بنت عمي عناد وطاوعيني

Part 1 [لقاك]

لا اله الا الله :)
،
،
،
"بسك يا بنت عمي عناد و طاوعيني"
،
،
،

في مستشفى في احد الغرف.........

ساره ماسكه في يده وتبكي : ابوي لا تخليني ابوي دخيلك لا تخليني للزمن مالي غيرك.

ابو ساره بصوت مبحوح : سامحيني يا ساره سامحيني.

ساره: والله مسامح بس لا تتركني.

وقف عمها و سندها و طلعو لبرا..

عم ساره: يا ساره هذا مكتوب له لا تصعبينها عليه ريحيه تراه مأمني عليك.

ساره : عمي ابغيه هو اخر من بقى لي مالي احد بعده.

عمها حزنه وضمها وهو يمسح على راسها وشوي سمع صوت الاجهزه و الممرضات ارفعت راسها و شافتهم متجمعين في الغرفه و الدكاتر و الممرضات فتحت اعيونها وحاولة تبعد عن عمها لكنه ضمها اكثر وهو يكرر انا لله وانا له لراجعون الله يرحمك يا محمد و عيونه ادمع.

ساره تضربه على صدره تحاول تبعد : لا لا ابوي ما مات لا اااااه ابووووي اااه.

اختفى صوتها وتنفسها انتظم ..

رفع راسها و شافها مغماي عليها شلها و دخلها في غرفه و بلغ الممرضات وطلع للدكتور

الدكتور: عظم الله اجرك يا سالم.

عم ساره سالم : اجرنا واجرك ونزل الصفره ولفها لكتفه.

الدكتور : نبغيك اتوقع على اوراق و تستلم الجثه.

سالم : خلاص يله.

بعد مرور ساعه و كانت الساعه سبع فليل رفع الجوال..

سالم: اللو محمد.

محمد: هلا امر

سالم : تعال مستشفى ....... في دبي.

محمد : كيف ؟؟في دبي.

سالم: ابغيك باكر تكون موجود عمك محمد عطاك عمره توفى وبنته ساره مالها حد غيرنا ابغيك في موضوع ، تحرك ولا تخبر حد يله.

محمد منصدم ولا قال كلمه ... يعرف عمه محمد بس اول مره يعرف انه عنده بنت عم واسمها ساره !!!!

طلب عم ساره ينمونها عندهم وبكره تطلع استلم اغراض اخوه و شاف ورقه من بينهن ومكتوب له فتحه وقرا و انصدم
سالم: كيف يا خوي تطلب مني اقسم الورث علينا وهو لبنتك   الله يرحمك يا محمد وطلع لغرفة ساره ومسح شعرها