بسك يا بنت عمي عناد وطاوعيني

Part52

الحمدالله كثيراً
،
،
،
"رواية : بسك يا بنت عمي عناد و طاوعيني"
،
،
،

الساعه عشر صباحاً

بصوت واطي بعد ما فتحت لها الشغاله : وين ماما ؟

الشغاله : في فوق قبل شوي هي في روح.

نزلة عباتها على الكنب و شيله و رجعت قالت للشغاله الي تدخل شنطتها : هنوده وين ؟

الشغاله تمتمت : في داخل غرفه.

راحت بسرعه لغرفة هند و فتحت الباب بقوه و هي تعلي صوتها : ياااااا الدوووبهه مس يو.

هند بصدمه : سلاااميييي.
نطت من السرير وهي تمسح دموعها و ضمتها بقوه.

سلامي بضحك : ههههههههه شخبارج يالقاطعه.

هند مسحت ويها و رجعت للسرير وهي تلم شعرها على طرف..

سلامي : اماااا هنوودتي تبكي افا افا كل هذا عشاني خلاص برجع عيل.

هند تربعت على السرير و عطتها نظره : من زود الشوق و حياتج يعني بالله لا تزودينها عليي.

قربت سلامي وهي تعبس و ضربتها بخفيف على كتفها : مالت عليج و على الي يرجع لج و بعد على استقبالج الي يشبهج.

هند بضحك : ههههههههههه ول ول بشويش لا يطق عرق وراج عرس ترى.

سلامي تتهرب من هذا الموضوع : اقول خلي عنج العرس الحين ليه البكي ؟

هند تتنهد : اخ يختي بموت صدق.

سلامي بشهقه : بسم الله عليج من شو ؟

هند تاخذ المخده الصغيره و تضمها تقاوم الدموع ..

: افف شفيج خوفتيني !!

تاخذ نفس : تخيلي مات و خلاها ...

سلامي التفتت على يسارهم و شافت اللاب مفتوح على روايه : اماااانه لا لا لاا تقولي تبكين عشان روايهه!!

هند بعبره : حقيراا وليه ما ابكي صار لي اسبوعين عايشه معاهم على الحلوه و المره و ما ابكي ...

سلامي بضحك: ههههههههههههههههههههههه مينونه و ربي.

دخلت على صوت ضحكها امها : حي الله بالعروس نورتيي.

و قامت تسلم عليها بحراره : فديتج يا ام العروس انتي ..... ما شفتي بنتج تبكي على روايه.