بسك يا بنت عمي عناد وطاوعيني

41

لا اله الا الله.. :)

دخلت على عمتها بعد ما دقت الباب ..
و مشت لها مبتسمه ..

ام طلال: يا هلا بالزين .
ساره بابتسامه حلوه: مشكوره خالتي انتي الزين كله.

يلست عدالها بهدوئ و عيونها على الكنب الي مقابلها ..

بعد شوي تكلمت،

ساره بصوت واطي : خالتي.. ممكن طلب؟!

ابتسمت لها ام طلال: سمي..

حطت عينها بعين ام طلال: خالتي تكفين ابغيكي تساعديني تكفين بس في هذي..!!!

اعطتها نظرات الحنان و الراحه و بهدوئ: اطلبي يا حبيبتي لو بغيتي الي بغيتيه ..

ابتسمت ساره تعاند وضعها: ا ا .. وشافت تحت متهربه ..

ام طلال: انا حاسه انكم مش متفقين صح ؟!

رفعت راسها و عينها تلمع بدمعه عنيده و هز راسها بمعنى .هيه..

ابتسمت لها و قالت لها تقرب وضمتها بقوه لصدرها ، حست بشيء دافي يسري بجسمها ماقدرت تمنع عبراتها ولا دمعها .. مسحتهم ام طلال

و بحنان قالت: اعتبريني امك و انتي بنتي وقولي لي انشاء الله اساعدت!!

و باختصار قالت لها انها بتقابل موظف كان عند يشتغل عندهم و انه ضروري و لازم ما يعرف راشد ،..

ابتسمت ام طلال: بس كذا!

ساره تنهدت: هيه خالتي بس انا ما اعرف كيف اطلع من دون ما ينتبهون علي و غير كذا انا محتاجه مساعدت اوصل لذاك المكان ..

و بمكان ثاني ...
تحديداً عند سالم !

و باجتماع في الشركه بحضور مدرائ الاقسام ..

رتب بخفه و ابتسم لهم
وقف بثقه وعيونه على كرسي محمد الفاضي و ابتسم بألم : بهذا الاجتماع حبيت اعرفكم على شخص بيكون مرتبته معاي يعني.. هو المدير الثاني ..
بنظم شركنين بوحده عشان يكبر الدخل و .... سكت شوي و تذكر كلام محمد قبل وقت
"ابوي ، لو تضم شركته بشركتنا و يكثر الربح و غير كذا بيكون ابو تركي قريب لنا كلامه ما يستهان به ، لازم نضم الشركه بأسرع وقت و هذا حلاله يتيمه الكل عينه عليه لا تنسى".

كمل وعينه على الباب :
تفضل يا بو تركي ..
دخل ابو تركي بهيبه لا تقل عن سالم و

بصوت عالي: السلام عليكم و الرحمه.
ابتسم سالم و سلم عليه و كملو الاجتماع..

بعد ساعه من المناقشات الجاده تم الاتفاق و باقي بس توقيع منها..

بعد الاجتماع.. بمكتب سالم..

ابو تركي يشرب قهوته: انا عارف مستحيل ترفض هذا الانفاق.

ابتسم سالم: انا متأكد بأذن الله هذا حقها حتى لو رفضت.

و على الظهر كان موعد ابو تركي و ساره.

بسياره كانت خايفه لكن بوجود ام طلال حست بشويت امان.. واضح عليها التوتر

حطت يدها على يد ساره: اهدي لا تتوترين انا معات.

ابتسمت لها ساره بشعور غريب: مشكوره خالتي و الله بدونك ما اعرف شو اسوي.

اعرف قصير لكن تعبانه شوي
انشاء الله اعوضكم بالي اطول
اسفه على التأخير