بسك يا بنت عمي عناد وطاوعيني

Part3

لا اله الا الله :)
،
،
،
"بسك يا بنت عمي عناد و طاوعيني"
،
،
،

يحاول يخلق موضوع : اخبارك ساره؟

ساره بصوت شبه مسموع: بخير الحمد لله و انت؟

محمد ابتسم: اووو انا بخير يوم عرفتت.

التفتت له ساره فاتحه اعيونها.

محمد: ههههههههههه الشاي فار ...

راحت له و طفت الغاز رفعته ويوم جت بتصب كان البخار حار على يدها وقفت تبغي تحطه ما اقدرت و انتبه لها وراح وشله عنها.

محمد حطه وقف قدامه ومسك يدها يشوفها و هي خلاص طاح قلبها من كف يده الكبيره وزاد دقات قلبها يوم قرب يده ينفخ على يدها وهي اطالعه

محمد: يوو تعالي قعدي.

بدون شعور اتبعته و قعدت على الكرسي و راح و ياب كريم الي فوق الثلاجه بسله مخصصه للادويه و قعد قدامها و مسك يدها ورفع الكندوره لفوق وهي بسرعه اسحبت يدها كردت فعل وطالعت فيه كان و جهها ادخن من حرارته و اخدودها حمر

محمد ابتسم لها ورد سحب يدها مره ثانيه : بحط كريم ما بكلك .

ساره: هههههه .

رفع راسه متعجب

يبغي يحرجها : اتجنن ضحكة.

ساره وقفت وهي طالعه وكان مره واقف قدامها مابينهم شيء.

ساره طالعته اطول منها وكتوفه عريض وشكله ايجنن حلو ماقدرت تتحرك ونزلة راسها وشوي حست فيه ويفعها من مكانها و يحطها على الطاوله وهي منصدمه من حركته

يحاول يبين ان كل شي طبيعي : تدرين في خاطري اصير دكتور لا تتحركين .

وراح و جاب شنطة الاسعافات و ابتسم لها ايشوفها خايفه

محمد: هاتي يدك .

ساره بصوت خايف : خلاص مافيها شيء .

محمد : هههههههههه قولي انت خايفه .

ساره تنرفزت : منو قالك خايفه.

محمد عرف انها تتنرفز بسرعه: عيل هاتي يدك.

ساره مدتها : هاك.
استانس محمد وتم يلفها و مره يبطلها وهو يسولف لها

محمد: عاده تدرين احسك غير.

ساره: في شو.