تــــدري !! ... أتـــعبــتــنــي
ألقى نظره سريعة على صاحبة .. وبتساؤل : أوف كل هذا عشان نسيت ثوبك .. يعني ثوبي مو زين
تجهم وجهه وتفحص ثوبه بضيق : ثوبك وسيع وقصير ..
بنقد لاذع وبنظرة من طرف عينة : يا صاحبي .. مقاسك نفس مقاسي فأكيد .. مو وسيع .. و لا حتى قصير !!.. من المفترض الثوب للكعب .. وهذا أطول .. لكن أنت ثيابك تسحب سحب .. زين بعد ما فكرت تلبس شي من ملابسك .. اللي تخدش النظر من تناقض ألوانها ....
بنفس الضيق : هذا الثوب غير كنت مفصلة مخصوص .. له دقة عجيبة مصممة خصيصا لي .. شي يليق بأخ وصاحب وشبيه العريس
تفحص صاحبة : يليق بأخ العريس !! .... قول شي يفشل العريس .. الحمد لله نسيته .. جعل من نساك للتوفيق .... منقود عند البدو ثوبك المحبوب
ياسر بترفع : من راقب الناس ما تهنا .. ذكرتني .. عندي لك نصايح .. تعرف أنا رجال عندي خبرة ..
بــمــزح من غير نفس وكأنة رايح لــعــزا : أطربني يا زوج الثنتين ..
ياسر بجدية معلم محــتــرف : شوف يا أخوك .. الحريم بشكل عام .. لحوحات وعندهم كثر الزن يفك لحام .. فخلها في بالك .. كلمتك وحدة مهما زنت وقامت وقعدت أثبت عليها .. حتى لو كانت خطاء .. مو كل ما قلت يا مناف نقزت و قلت : لبيه .. خلك قوي شخصية ... و إذا غلطت في حقك حتى لو ما تقصد الــعــن رابع جد لها .. ولو تعطيها كفين يكون أفضل .. إذا محتاج منها شي .. قردنها بالكلمة الحلوة وهدية بسيطة لو حتى وردة وحده .. يعني مو شرط تكون الهدية غالية هذا الرومانصية و غير المادية .. الماديات صنف ثاني امسح بكرامتها الأرض ثم طيب خاطرها بخاتم أو عقد أو ساعة ..
سكت وهو يحاول يتذكر شي نساه : من الأخير .. عقولهم صغيره قد الزيتونة ... ويمكن أصغر ... بسياسة تاخذ كل شي .. فطول بالك .. وهي بعد فتره قصيرة ترمي حالها عند رجلك
مناف .. كان مرتدي لنظارة شمسية مخفية لنظرة الصدمة للعيون الملونة البراقة : يا صاحبي مشكور ع النصيحة .. لكن ما قلت .. استخلصت النصيحة الأثيرة من إي زوجة الأولى أو الثانية
بتفاخر : من الأولى و ما قبل !! .. الثانية في طور التجربة ..
مناف بصوت حنون : تدري ياسر .. عليك أفكار تشيب .. والله خوفتني عليك ..
ياسر : ليه تخاف ؟
مناف : أتعبني التفكير في مشاكلك الكثيرة .. وطريقة تفكيرك الغريبة .. وبذات ردود فعلك تخوف صراحة ..
تبسم وتناسى ثوبه وأستمتع باهتمام صاحبه ..نظر صاحبه بفخر الشبة بينهم مستحيل لدرجة غير معقولة .. يمكن التوائم يكون بينهم اختلاف أكبر ... شبة مستحيل حتى بين إخوان الدم .. ورغم عدم وجود أي صلة دم بينهم واختلاف البيئة إلا إن الشبة يمتد من الجسد الخارجي إلى الأحاسيس والمشاعر .. اهتمام وحماية متبادل .. كان مناف أكبر بسنة من ياسر .. ومع ذالك كان ياسر أكثر تجربة وحنكة على قول مناف بجملة ركزت في عقلة مسبوقة بكلمة مناف المميزة " يا صاحبي "
: يا صاحبي أنت صفعتك الدنيا مع احترامي الشديد لأنك تستاهل ..
