£ حيــــــــوا الجــــــــمــــــــيلــــة £
أماني
كنت خائفة مرعوبة ... صدرت صرخة رعب أنثوية مجهولة المصدر .. يمكن مني أو من الشبح ... حسب معلوماتي أنا في لحظات الرعب حتى فمي ما قدر افتحه .. بعد لحظات طويلة .. تشجعت ورفعت طرف البطانية وكانت الأشباح السوداء مختفية إلا القزم مازال واقف .. شجعت نفسي وتحركت رجولي وجريت ببطانيتي متجهة لغرفة فيصل .. دخلت و يا لدهشة فيصل مستيقظ وفي يده جوالة ونظرة استغراب في عينة .. تكلمت بخوف وأنا أشر باتجاه الصالة : فيصل .. فيصل الحق .. فيه ثلاثة أشياء سودا تمشي .. ومعهم قزم .. يمه أرعبوني .. بسم الله الفيلا مسكونة .. والله مسكونة
قطعني وهو يمسك يدي ويحاول يهدي فيني : هذول أخواتي وأمهم
ما كنت مصدقة : كانوا أشباح فيهم قزم .. قصير .. أسود .. عيونه رمادية
قطعني للمرة الثانية : هذي أم طارق .. أخواتي ثنتين والشغالة وأم طارق
اختفى الخوف وحل محلة غضب مدمر : هذا مو بيت هذا شارع .. كل ماطرا لأحد فيهم يدخل .. حتى بدون يدق الباب أو يتصل يخبرنا .. أقتحم المكان .. إذا صرت مجنونة فهذا من وراء راس إخوانك البله عديمين الذوق
" وفكرت جديا في تغيير أقفال الفيلا .. وجع هذول ما عندهم أدب وقحين وما يفهمون إلا بالوقاحة "
¤¤¤ ¤¤¤ ¤¤¤ ¤¤¤ ¤¤¤ ¤¤¤ ¤¤¤ ¤¤¤ ¤¤¤
ابتسام
أوف .. أكيد أوف .. ملل نزلت اليوم ووجدت خالت زوجي أم هادي " للمعلومة فقط أسم ولدها عبدالهادي لكن تصغير للاسم يسمونه هادي .. رغم أن اسم عبدالهادي أجمل "
بعد جلوسي بفترة تفاجأ بعمتي تقول بثقة : لو جابت ابتسام بنت ... نزوجها هادي
ردت امة بضحكة : وإحنا نلقى احلي من بنت عناد وابتسام
تنرفزت يزوجون بنتي لولدهم ثقيل الدم والطينة لا و بعد كبير عليها فرق تسع سنين أو أكثر .. هذا غير انه كلام سابق لأوانه .. ههة شكلهم زوجوا عناد بنفس الطريقة .. قلت لعلي اقطع عليهم الطريق : زوجوه عيوش قريبة من عمرة وبنت عمة
قطعتني عمتي معصبة : عيوش أخته من الرضاع .. الفرق بينهم شهر ورضعتهم أم هادي الاثنين
الحين هالبزر الملسون عمرة سبع سنين .. هذا اكبر مني
°• . •° ¤ °• . •° ¤ °• . •° ¤ °• . •° ¤ °• . •° ¤ °• . •° ¤ °• . •° ¤ °• . •°
فاديه
: يمكن يكون فراش في المستشفى
قطعتني ليلى بتفكير : كل شي وارد .. دكتور ويضرب زوجته .. أصلا البلاوي حاليا تطلع من المتعلمين و المثقفين
