سبأ

النهاية.

.
.
.

بعد ساعتين من مصالحتي للحياة ، ماكان الهدوء هو الطاغي على المكان ، كانت أنفاسنا

أنتهى بي الامر على صدر نورة .. لما كانت تعيد ترتيب شعري..

كان لازم أخذ الغفران منها قبل أخطي ، لأن عبدالعزيز خالها .. ولأن لازم..

كسرت سكون الغرفه لما سألتها
: لأي حد ممكن تغفرين لي؟
أرتفع صدرها و أنخفض لما أخذت نفس عميق.. تسائلت أي اجابه ثقيله راح أسمعها؟
لكنها ماكانت إجابه : لاي حد ممكن تسيئين لي؟

فهمت الحيره اللي خلتها تأخذ نفس قبل ترد.. لما عكست السؤال علي..
بالنسبة لي ، مبررات العالم ما تكفي للإساءة لنوره..
حتى لو غفرت هي ، أنا ما راح أغفر لنفسي..

قلت : مو شرط لك ، لغيرك.. لكنه خطأ، وكبير جداً..
: يضرك؟
: لا ، يريحني
: ليه أحس ان كلامك تمهيد لشي راح يصير؟

بعدت عنها ، جلست تاركتها ورى ظهري العاري..
جلست هي و قربت مني .. مازالت وراي لما جمعت شعري بيدها وحطته على كتفي ، باست حرق قديم بمقدمة ظهري، ثم قالت
: ما أبي أغفر لك ، أبي أخطي معك..
ابتسمت و غمضت عيوني من تأثير الرعشه اللي سببتها قُبلتها اللطيفه..
قلت : صدقيني ما تبين
: قولي لي وش تفكرين فيه
: عشان تمنعيني؟
: اذا يضرك؟ ايوه..
: قلتلك بيريحني
: وهذا أكثر شي يضرك!
: الراحه تضر؟
لفت يديها حول خصري ، ضمتني من الخلف وهمست في أذني..
: أنتي تشوفين الراحه بلون أسود
: صح ، الموت وعيونك لونهم أسود..
مازالت هاديه ، بالرغم من ذكري للموت اللي تكره أي طاري له..
قالت : تفكرين بالموت؟
مارديت عليها ، نزلت رأسي وأحس بالسوء بداخلي..

فكت يدينها من خصري ، وبعدت عني بمسافه قصيره جداً .. للحد اللي أحس بأنفاسها تلفح ظهري..
قالت بعد ما طال سكوتنا ..
: بتقتلينه؟

استمر صمتي ، مازالت عيوني متعلقه بيديني المتشابكه بتشتت واضح ..
وقفت و جت قدامي ، جلست على الارض مقابلي..
قالت وهي تبعد أصابعي عن بعضهم
: ما تستحق هذي اليدين تتلطخ بدمه..
: عنده فرصه يعترف..
ناظرتني وبعيونها رجاء كبير
: بس أنا ماعندي فرصه أفرط فيك!

بعدت عيوني عنها ، كمحاولة للهرب من جاذبية الثقب الأسود في عيونها..
أو بالأصح ، ماكنت أهرب .. الهروب خوف ، كنت أقاوم.. والمقاومه هي المرحلة الأخيرة قبل الإستسلام..

كان استسلامي لما قلت..
: لا تناظريني كذا مره ثانية..
رفعت راسي بيدها ، ثبتت عيونها بعيوني وقالت
: أوعديني ما تسوين له شيء! إتفقنا نقنعه يعترف وبس..

تسائلت بنفسي ، أي تأثير لها علي؟ كيف تنسف كل جهودي بالبقاء على قيد الوعي بنظره بس..
أنا أعاني ، لازم تتوقف عن كونها فتنه لهذا الحد..