ماكدرت انام...واني ميت تعب ....غفيت اشوية...تعلمت انام بلهول لان دائما الاطفال ينامون بصف امهم ....
كعدت اول واحد تعبان ..مابيه حيل ..كلشي ..ولازم اباشر بلدوام ..سويت جاي ..وكعدت ...بلبالكون..دنيا صبح ..توها العالم تتحرك وتمشي ...كمت جبت ..الكمان ..وبديت ..اعزف ...وغمضت ..عيوني..وسرحت بسهر ....احاول اطلعها من بالي مكدرت ...ذبيت الكمان ..واخذت الفون ودكيت عليها بعد متاكدت زينه نايمه ..ساعه ..8 الصبح ...جاوبت ..الو
هلاو سهر ..
خرب وينك الليل كله منايمه افكر بيك ...عمار ليش متصلت
سكتت ماعرف شجاوبها ..
كتلها التهيت بعائلتي ..
هااا صح..بس كتلك اتصل ..
متت والله وانت ماكو ..
اسم الله عليج سهر ..
عمار ..
نعم ..
عمار ..
سهر كولي ..
كلبي كام يرجف ...
اموت عليك ..
سهر ..
هاا ..
صدك تحجين اي حب هذا بيومين واني مزوج وماكدر ابادلج الحب ...
سكتت.ماعرف بس حبيتك ..شفت بيك الاب ..والاخ ..والحبيب...
ماعرف شجاوبها ...
سهر بابا ...
شنو بابا شوف نفسك ..يروحلك فدوة ابو العشرين ...
ههههه سهر لا تعبيني وتعبين نفسج ..
لازم اروح هسة عندي دوام ..
عمار مو تكطع انتظرك عفيه ..
خوش ...
سديته ..ماعرف شسوي ..رحت فتحت الباب ..غرفه زينه شفتها نايمة ..والجهال يمها ضليت صافن عليها ...سديتها ع كيف ..ورجعت ..ذكرت اليوم جمعه وماكو دوام ..حتى المعهد عطله.
كعدت ورايه زينه ...خيرك عمار شو كاعد من وكت
لا حبي ماكو شي بس دا ألف لحن جديد ...
مرت ايام واني كرهت كلشي فكري مشتت ..احاول اطلع من البيت حتى احجي وي سهر ...واطلع عذر بزينه حتى اقنع روحي بلخيانة .....
لااكدر اركز ابشغلي ..ولا بيتي ..ولا اطفالي ..بديت اضيع ..
لحد مايوم ..خابرت سهر ..كتلها كلشي انتهى .وطلعي من حياتي ماكدر اكمل هيج وياج اعيش الخيانه ..
عمار بدر شي مني اذيتك ...
لا بس تعبت ...ماكدر اكمل بعد ..عندي حياتي ..ماكدر اخربها ..
واني ...
انتي شابه وبداية حياتج ...الف واحد يتمناج ..
بس اني احبك ..والله ....وكامت تبجي ..
داخلي يكول...موبيدي اتمنى ابقى ةياج ..وعقلي يكولها انتهى ماكو خط رجعه ..
اني اسف ..دخلتج بحياتي غلط ...وصلتج لهيج موقف ..اسف
راحت ...رجعت للبيت ..شفت زينه تحجي بلفون وي اهلها ..اباع عليها رجعت هامله نفسها ...وحايرة بيت وجهال ةاهلها ...
كعدت بلهول وورثت جكارة ..
كملت جتي يمي ...
ابو ادهم اروح انام ..عشاك بلاوفن ..
شنو ..هذا الي عدج اكل وشرب وبس ...
شكو مفهمت شي ..
لا تفهمين ولا تفتهمين ضلي هيج ..
اني وين حقوقي ةياج ..
ردت شي مني وماسويته ..
لا اسف لازم اتوسل بيج وابوس الايد..اهتمي بروحج وبيه ..اني ممقصرة بشي عمار ..
عله صوتي مقصرة ويايه بكلشي ..شوفي نفسج ..صار شكد مامتقرب الج ..بسبب اهمالج انتي حسي بيه اني انسان مو طفل وتوكليها بس...
عمار شبيك عفيه ...
مابيه ...مابية ...روحي نامي ..
عفتها وطلعت امشي ..
شداسوي اصحى عمار ..هاي ام ادهم ..واذا ام ادهم ..شو اول يومين مكيجت ولبست وراها رجعت اتعس ...
اووف ياربي شديصير بيه داضيع اضيع ..مشيت ومشيت ..تعبت .ورجعت للبيت ..
كلها نايمه ...نمت مثل كل يوم ع القنفه ...
كعدت ثاني يوم هيه الزعلانه ...تعلمت اصالحها وادللها بكلشي ..بس بدلت وطلعت لشغلي ..بس امشي وبداخلي حرب بين سهر وام ادهم ...
سهر اختفت ماحاولت تتصل ...
وزينه مطنكرة ..
مرت ايام ...وبديت اتناحس ع كلشي ..
حتى من صوت الاطفال اضوج لو اعزف لو طالع ..
وحتى لو اطلع وي اصدقائي ..بالي بسهر ..
ماكدر ...عرفت اني احبها اي احبها ..اعشقها واعشق كلشي بيها ....تصلت بيها لان تعبت بدونها ضعت ..ادك مغلق ..مغلق مغلق ..تخبلت ...وينها وين راحت يوم ويومين مغلق ..ادخل لحسابها مقفل ..اكيد غيرت كلشي بسببي وين الكاها...
رجعت للبيت ..متخبل اول مطبيت ..زينه جانت طالعه يم بيت خالتها ..انتظرتها تجي ..
بهاوكت ادك ع سهر ماكو ..مغلق ..
جتي زينه ها عمار جاي من وكت ..
مجاوبت
عمار اسوي عشا ..
كتلها باجر رايح لبغداد ..
شكو خير
ماكو شي امي مالها خلك ..
ادري يوميه بغداد ..
كتلها انتي يوميه اهلي ويا خالتي شوماحجيت شي ولا يوم حاسبتج ..كفرتيني باهلج ...اهلي اهلي ..
عمار شصاير بيك مطيق مني كلمه ..
لان انتي غلط كلج غلط ..
مالج دخل اروح لاهلي لا
روح روح وعافتني وطبت للغرفه ...
والجهال بقو مصدومين اني من النوع هادء..بس ماعرف شبيه ..اخذتهم وطلعت ..
فريتهم ..وشتريت الهم العاب وحلويات ...
وذكرت اغنيه ..تغمض عيوني شوكت وارتاح منك ...
اسمعها وتخلص واعيدها ..حسيت راح اطك ...
وادك عليها ماكو مغلق ...
ياربي شسوي ..داخسر كلشي ..بتصرفي هذا...شفت مكتب سفر مفتح ..طبيت حجزت ...والسفرة باجر ..بليل ..ردتها اقرب اريد اعرف سهر وين ولا ابالي زينه ولا اي احد ..اخذت التذكرة ..ورجعت للبيت بعد ماجبت عشا الي وللجهال ..
طبيت زينه كلعادة كالبه الخلقه وتنتظر اصالخها ...
عفتها وجهزت جنطتي ..من داكلب بلجنطه شفت الكلينكس ...اخ ..عبالك سهر كدامي ..طلعته وبقيت اشم بي ..وعيت ع روحي ..ضميته وحضرت جنطتي ..وجريتها للهول ...
وتعشيت وي الجهال ...
وكضيتها اللعب وياهم ..وزينه عافتني وراحت خابرت اهلها ..اكيد تحجي ...الي صار ...خلص اليوم واني اشرب جكاير وسهر حتى شكلي تغير ....
كعدت الصبح ..
ع صوت الجهال ..غسلت بوستهم ..ولعبت وياهم ..
وماحجي وي زينه ...
بس كالت ..
عمار خليها ع اسبوع الجاي حتى اجي وياك ..وهم اشوف اهلي واهلك ...
بعد حجزت ماكدر اغير ...
هههه انت شنو متفرق وياك الفلوس ..هيه يومين يكملون الامتحانات
لا ..اروح وانتي تعاي ورايه ...
ميهم عمار ميهم ..بعصبيه ..وضلت دردم ..ماكدر للجهال وحدي ومطار ...
بس اني قافل ماتحمل بعد ...شون اعوف مرتي وجهالي واروح لو انتظرهم هيه يومين ..بس احس نفسي كاعد ع نار ماتحمل بعد ...
تريكت لكمه خفيفه ..وكلت الها تعالي ورايه مو اول مرة تجين وحدج ...انتظرج ودعتهم ..وطلعت ..وادك ع سهر ماكو ....
