كعدت الصبح نفس الشي ..اودي سهر وارجع انتظرها ..ارجعها ..للبيت ..احلى ايام عشت
بس هنا قلبي يفور ع زينة لا خابرت ولا سالت ..
وهيه الزعلانه ..
كلت ارجع سهر... واروح اخذ الجهال ...
ليش هيج تسوي ويايه ..علمود فقير وياها ومادور مشاكل ..لو محترمها زايد ...يعني رجعت يم اهلها ورجعت المشاكل ...
احس راسي بي نار ..
نزلت حتى
ماكعدت يم امي بس تحجي اعصب وماريدها تطلع بيها ..
وصلت لشغل سهر انتظرها ماكو ..تاخرت نزلت ..طبيت جوة ...
رحت يمها ..تفاجئت بيه ...
عمار اكو شي
لا ماكو بس شغل زايد عليه لازم اخلص هذول ..
شبيج حبي ..
مابيه ..
بس المدير ضوجني ..
دقايق وطب المدير ..
شكله ابد مو مريح وضل يحجي عليها ..
عبالك خدامه يمه
..وندار عليه ..رجاءا مكان عمل هذا ..تفضل برة ..
اني امي منا وزينه ..لزمته من ياخته ودفعته حيل ع الحايط ..وضربته
كتله والله والله لو مدير لا اسحلك ..للباب ..البرة
ضل اخي رجاءا ..شنو هل تصرف ..
راح اشتكي ...واندمك
..كامت سهر جر بيه ..
عوفه لخاطري التمت العالم وخرته مني
جريت سهر وطلعت ..كتلها امشي اذا رجلج خطت باب الشغل اكسرها ..عمار شبيك اوكف غراضي ..جابت غراضها ..
طلعت قبلها كعدت بسيارة جريت جكارة دخنت ..صعدت كعدت يمي ..محجت شي ..
كالت عمار..
كتلها خلص انسي شعلج هنا شنو هلمذله من هذا التافهه يتحكم بيج ..
كامت تبجي ..عمار ..عفيه ..هذا باب رزق وكلنه عايشين عليه ..
طلعت حتى الراتب بعد كم يوم ..كال مانطي الج انتي مرفودة ...
سهر شكد راتبج ..كالت المبلغ ..كتلها كل شهر يمج ..ولا طلعين من البيت ..ولا شغل ولا هم ..
لا عمار ماقبلها ..ابد اني مو هيج ..شوفلي غير شغل ..
ماكو شغل سهر ..سدي الموضوع الي تريدي يوصل الج ..
اخذتها كعدنه بمطعم ..عافتتي راحت غسلت ....وكعدت ..
كلت الها حبي سمعي ..ماتحمل احد يحجي وياج ولج انتي روحي ..واغار عليج ...اريدج بس الي و.راتبج منكطع وكل شهر يمج ..ماتحمل احد يضوجج
ماقلبها هيج ..
عمار ..ماكدر اخذ شي منك ...
معليج ....عوفي هلموضوع..
يلا طلبي اكل ..
اووف بقه واهس اكل
ليش حبي ..
ماكو ياقلبي
الي تريدة يصير الك..
كولي موتي اموت والله ..
اسم الله عليج..اريدج الج بس ..
صالحني ..يلا ..
ههه شصالحج ..
معليه اطلبك بوسه ..
وهسة صارت بوستين ..
تعاي ابوسج هههههههه
لا يمعود مو هنا هه
لعد بوسه وبوسه يلا وينج ..
لو بس لسان
يمه فدوة اروح الك ...
ضلينه نضحك ونسولف ..
واكلنه ..
راحت غسلت ..طلعت فلوس..اكثر من راتبها وخليتها بلجنطه ورجعتها بمكانها..
طلعنه وديتها ..للبيت ...
قبل لاتنزل خلت راسها بحضني. وباستني من خدي ..
.
وراحت ..
رجعت للبيت ...طبيت ..
هلفترة مهند ومرته ..كمت ماهتم الهم ..ولا احس بنقص ..داخل روحي من اشوف استبرق ادلل ..بي لان اكو من عوضني ....سهر
كعدت يم امي شوية ..وصعدت للغرفة
ماكو اقل الساعه وخابرت
وضلت تحجي شنو هلفلوس ...
وليش وبس اشوفك ارجعها ...
ي ميخالف رجعيها ..بس شغل ماكو مشي روحج بيهن اني سبب طردج من الشغل ..
عمار احسك ممرتاح اكو شي ..
لاحبي ماكو شي ..
ضلينه نسولف
سديته منها ...و
مرت الايام..بين سهر ..واهلي .و
بقت زينه متسال ..واني مشتاق للجهال ..
شسوي تعبت منها ومن سوالفها ..رجعت يم اهلها
ونفس المشاكل ..ونفس الزعل
خابرتها ..
جاوبت ..سلمت عليها
كتلها حضري الجهال اخذهم ..ميخالف..بس محتاجه فلوس دزلي ...
سهله ..
..تفقت. وياها بوقت اخذهم ..
رحت اخذتهم يم اهلي لليل ورجعتهم بس ادهم بقى يمي لان ضل يبجي ..
اخذته يمي بقى ..فترة
ضليت افكر تالي وياها ..انضل هيج اكو مرة هيج مهمله بحق زوجها ..تعبت ..منا اشوف سهر ولهفتها عليه وحبها ..ومنا ام اطفالي زينة ..بقيت مقهور ..
بين امي وسوالفها هنوب مهند عليه ..والتحقيق مالته ..وزادتها زينه ....
لازم اخذ قرار ..اول شي ارجع ..لبيتي وشغلي واعوفها هنا تشبع من اهلها دام ساكته معناها راضيه ..
هناك وسهر تجي ابالي تبرد اعصابي ..مجرد لون الحمرة والعطر يخدر اعصابي وروحي ...
بس ماكدر اضل هيج ..بين نارين
اني هم من حقي ارتاح وي مرة
خوما اضل هيج واني ممقصر ويا زينه ..
صار الليل رجعت ادهم ..ودزيت بيدة فلوس بس
ولا كلفت روحها ولا طلعت ولا سالت ...
رجعت حجزت اسافر ..
وخابرت سهر وكلت الها ..راح اسافر ..مدة وارجع واخلي كلشي بمكانه ...رادت تفتهم ..كتلها لا تستعجلين ..بس
جانت ابد متسال عن زوجتي ....وتفاصيل حياتنه
واني ارتاح لان متسال ..
صارت راحتي سهر موجودة اضحك ..ماكو اعصب ..يعني اليوم 24 ساعه ..يمكن بس من انام ماعرف شي عنها ..
حبيتها..اي حبيتها بجنون عشك الشيب يذبح
..لا هيه نزوة ونتضرتها تروح ولا هيه لعبه واكول اشبع منها ...
صارت روحي بيها واكثر من روحي ..
خابرت زينه ..تحجي ويايه معلك ..
كتلها باجر اسافر تجين ..
سكتت لا ماجي ..
ليش ...
بعدني مشبعانه من اهلي ..جاوبت بحديه ..انت مو يوميه يم اهلك منعتك من شي ..او..منهم اني
عوفني ارتاح ..
زينة ..نعم ..واني ..
شبيك انت ..
شوكت تحسين بيه ..
اهوو راح تتعارك ..
لاام ادهم ماتعارك اني راجع وبيتي مفتوح الج ..
اي راح ابقى ارتاح تعبانه ..
من شنو تعبج
من البيت والجهال اهنا اهلي ويايه محاسه بيهم ..
سهله ..
شنو سهله ..
سلامتج انتظرج ترجعين ...
سديته وراجعت نفسي السبب مني سنين وياها ..
اعذرها بكلشي..بنشغالها باهلها ..الى الاطفال ..اني وين بين ذولي ..الا ان علمتني عليها ..تزعل واصلح ..مو ضعف مني بس ماحب مشاكل الدنيا متسوة هيه مرة بلعمر ونكضيها زعل وهم ..واكول تكضي ..ماتبقى هيج ..
بس لا قدرت ولا اهتمت الي ولا اهلي .
عمر كامل اعذرها ووفرت كلشي وزايد ..صح ام بيت ممتازة ..بس زوجه مهمله الا احجي يلا تسوي يومين وترجع نفس الشي ...مليت وتعبت ..دائما اسمع الرجل منه السبب .لا لا زوجتي السبب بيها ..
حتى وجودسهربحياتي هيه السبب ..
سافرت ورجعت ..لشغلي وللبيت .وللعزف .زينه تخابر تسال وتسلم وتروح ..اما سهر عالم ..ثاني ..اعيشه وحدي ..واحلم بي ..وافرح بي ..واضحك..بي ..وقلبي يدك بي ..
هنا قررت ازوج سهر ..والي يصير يصير ..بيت راتب بلسان زينه..انطتني الحل ...اوفر الها ..واعيش حياتي وي سهر ...ازوجها وتصير ملكي وحلالي الي بس ..اليوم اكولها ..لسهر .
