طلعت من السجن مريض صحتي تعبت كلش شهر ماضكت طعم النوم
اخذني مهند بس سلم عليه ومحجه شي ويايه الطريق كله ساكت اني هم ساكت وصلت للبيت خجلان من امي خجلان من نفسي طلعت تلكتني حمد الله ع سلامتك يمه طلعت تبوس بيه اني وكعت على رجلها ابوس بيه كومتني وتبجي طبيت توقعت الكه لجهال وزينه بس ماكو بس استبرق سلمت عليهم وكتلهم اريد اسبح طبيت كبل للحمام سبحت وزينت اشوف نفسي بلمرايه هذه مو اني ...صاير بيه ...الشيب تارس لحيتي وشعري ووجهي صاير اصفر وازرك جوه عيني ووجهي تعبان كملت وطلعت ...
كله ساكته
صبو الغدا اكلت شويه وكمت
كلها ساكته بس امي كل شوي تكلي حمد لله ع سلامتك وتبوسني كتله يمه تعبان اريد انام بغرفتج طبيت للغرفه ...طبت ورايه نمت على الفراش صعدت يمي مدت ايدها على راسي وكامت تقره ايات اني دنجت راسي وكمت ابجي
ابجي بصوت عالي وانحب مثل لنسوان ...
اسم الله شجاك يوم
كوم ربي يشافيك
عين وصابتك يمه
يايمه يايمه اريد اموت اني ضعت احس كلبي يريد يطك اريد اموت يمه
... احجي يابعد روح امك
مااكدر مخنوك
ضلت تقره على راسي
سكتت من البجي
ضلت تمسد ع راسي
غفيت خمس دقايق وافز
وارد اغفه وافز
امي .. اسم الله شجاك يوم .. نام وارتاح
صاحت يمه مهند الولد رح يروح من ادينه طب مهند
شبي شسويله هو راح بعد ضيع فلوسنه وعمره وبيته وشغله شسوي عوفي يبجي بلكي يرجع اله عقله
ولك لاتحجي هيج ع اخوك
هذه اخوك مااقبل تشمت بي
اخوك مريض
... لو بس اعرف لفلوس وين وداه جان ارتاحيت ..
انعل ابو الفلوس
عوفه مريض
عمار : كمت كتلهم اني مو مريض مابيه شي والله مابيه
.. اي يمه هاي زينه خبلتك هلكد متنك براسك
يمه والله مابيه شي اني ليش متصدكون
مهند كال عمار ماكو سهر ولا اي احد كلت عليه
حته اثاث ماكو بلبيت شون عشت بي بلكاع
اني اثثته وانباك
مهند: رجعنه .....
يمه اريد اشوف جهالي .. دزو ع جهالي
اشوف امي تباوع ع مهند ومهند يباوع عليه
احجو جهالي وين لو اطلع اصلا ممخلف
لا يمه مو هيج بس مرتك رفعت عليك قضيه طلاق
شنوو 👿 ليش ...... وشصار
منعرف اتوقع خلع .. لان تقاريرك تكول انت مريض شو موصل شي الي
جان اهنا يوصل لبلاغ
خابرها مهند اريد احاجيها
عوفها ....
لا مااعوفه ...
اريد بس جهالي اشوفهم
عوفهم كافي الي سويته بيهم
شسويت ....... مهند كال شنو شسويت
عمار انت محاس ع نفسك لظاهر
زين مين الهم فلوس شلون عاشو
