أحمر شفاه
قصه جديده 🌹
قلم .....سوزان المندلاوي ...شهرزاد
الجزء الاول
اني عمار عمري نهايه الثلاثينات ..درست قانون .... متزوج وعندي اطفال اثنين ..ولد ....شكلي مقبول..خمري ..جسمي رياضي ..ملامحي عاديه .. ..جنت معيد..جامعي ..
بعد هاي الاحداث التي مرت بيها البلاد تركت هاي المهنه .و.قررت اسافر ..واني الحمدلله حالتي المادية جيدة ..جدا.....املك محلات ...بيوت ..داخل العراق ...سافرت وعشت في احد الدول الجوار ..اني وعائلتي . ...ومارست هوايتي ..العزف ...وكدرت افتح ...معهد لتعليم العزف .......
علاقتي بزوجتي عادية زوج وزوجه واطفال ..وعلاقتي وي اطفالي حلوة ...
بس تبقى الوالدة مقبلت تطلع من العراق ...ومصرة ..تعيش بلبيت ...تكول ريحه ابوكم بي ..ماطلع .. اخويه الي اصغر مني عايش وياها ..ومأمن عليها ..اكو احد يمها ..وبين فترة ..وفترة اروح اطمئن عليها ...
اني عايش هنا بين بيت ..والمعهد . واصدقائي والكهوة .و اطفالي وزوجتي يعني مرتاح ...ماكو شي يعكر مزاجي..ويومي ...
اطفالي الاول طالب ...بلابتدائية ...والثاني روضه ...زوجتي تحبني ..بس حالنه من حال المزوجيين نمر بمشاكل . سبب هاي المشاكل ..الاهمال المستمر ..ودائما تكون الحجج الاطفال ..او ماكو واهس وكبرنه ....بس احاول الهي روحي بين المعهد والاصداقاء نلتقي بلكهوة العراقيه ..ونلعب طاولي ..ودومنه ..واركيله ..وتكضي ... الايام وتكرر روحها بنفس التفاصيل ....
فديوم خابرني اخويه ..
.هلاو عمار شلونك ..شخبارك ...
والله حبي مهند سلامتك لاجديد ..
انتو شلونكم ..اخباركم ..الجهال امي ..
والله الحمدلله ...زينين
ولك تعال هنا فد يوم يومين اتونس وارجع
والله ياعمري مخابرك بموضوع
اني كمت فزيت ..
ولك خوما امي بيها شي
لا عموري حبي غير سالفه
احجي ولك ..تريد تزوج
هههههه يمعود الي عندي مخبلتني شزوج
دحجي لا تشلع
كلبي ...اريد شغله المحل الي بشارع النهر ..
ي شبي
اريد ابيعه
وليش تبيعه ولك
والله ياخوي محتاج كم فلس
شسوي بين بس اريد اعرف
رجعنه للسفر والدياحه ..
شبيك انت شوكت يصير براسك خير جهالك بطولك
اهووو خوما اخابرك ترزلني
لا مهند حبي مو هيج اني غير اخوك وانصحك
ههوة احنه شكد بس اني وانت ..واختك مسافرة ..وامي الله يحفظها ....
يعني شعندي غيركم لا تهتم اجي ويصير خير ..
فدوة لعمرك شوكت ..تجي
براس الشهر ان شاء الله
لا اسرع تعال حاول بهل يومين
هسه غير افتهم شكو
تجي واحجي مو مال تليفون
ولك لا تخبلني
ماكو شي والله شغله دين وفلوس
عرفت ...!!!!!
يلا اني اروح سلملي ..اهلك
وانت هم سلملي..وبوسلي الحجيه .
حبي
ختمتها ويا ..وضليت حاير
بله هذا يوميه يريد فلوس شيسوي بيها بيت وعندة وسيارة وعندة ومزوج لو اعرف وين يوديها ..ارتاح ..اروح ويصير خير شسوي اسحبله فلوس وانطي ولا يضل...مديون و يوميه مخبلني ....
كمت فتريت بلبيت ..كلها نايمه ..ساعه 12
اووف عفيه مرة من ساعه 10 تنام وين اوديج بعد للهند وتسهرين وياي ..شغلت التي في ..وكعدت اكلب ..مليت ..
طفيته ...ردت اعزف بس مو وكت عزف كلها نايمه ...
فتحت النت وكعدت اكلب ..بلفيس ..موضوع اتعس من موضوع لو طائفيه ..لو عركه ...لو فضايح ...
خلص الباكيت الجكاير واني منايم ....واكلب بلنت
صارت بلاربعه ..وع هلسهر
نمت ع القنفه ومحسيت ع روحي .الا.احس الصبح الجهال يضحكون يم راسي ..ماما شوفي بابا شون نايم
اني ..سويت روحي نايم ...همه فوك راسي ...
وفجاءة ..سويت هوووووو هههههههههن كلها كمزت
بابا خرعتنه ....باسوني وامهم صاحت
... عوفو نايم اكيد للفجر سهران ..
