سهر ...
ركضت وصلت يمها مسافه قريبه بينه ...
سهر ...هيه ..صافنه بوجهي ...
والي بصفها تحاجيها ...منو هذا احجي ..
كتلها نزلي ...
عماار ...لحضة ..
انزلي لا اسحلج والله ..
عمار لحضه ..بلا عصبيه ..افهمك ..والله
جريتها من اديها ..اوكف فدوة بس اسمع ..
قمر قمر ماما تعاي ..
اني وكفت درت وجهي للطفلة ..تبجي ...
معقولة هاي بنتي ...
جرت بتها ..وهذيج ضلت تحجي شكو ..منو هذا تعالي ..
سهر اشرت الها روحي ...
اخذتها جوة للمطعم طببتها ..من الباب الجانبيه ..جوة هيه والطفله ..وقفلت الباب ...تفقت وي المحاسب يكمل شغل ..ويقفل المطعم ويرجع لان شغله ضرورية صارت ...
رجعت ..رحت غسلت وجهي احس نار بي ...
اجاني واحد من العمال استاذ شبيك ترجف ..
كتله تعال ...
اخذته للغرفه فتحت الباب ..
كتله شدشوف .
..اندار عليه ..
شكو استاذ ...
احجي شدشوف ...
كال مرة ..وبنيه ...
اني من كال هيج ..يمكن قطرة دم مضلت بيه ..
كعدت بلكاع ...
استاذ شكو شبيك ...
منو هاي ..
راح جاب مي وغسل وجهي ...
كتله سد الباب واقفلها ......
لو منو يجي لا المرة تطلع ولا احد يطب عليها ...
اريد اوكف ماكدر رجلي صارن خيوط ...قفل الباب واخذت المفتاح ..ضميته بجيبي
..ماكدر اسوق ولا اطلع ..
سهر لا حجت ولا كالت شي ...
ساكته والطفله بحضنها ...تبجي ..
دكيت ع مهند ...
ارجف مرتين يوكع مني الفون
جاوب ..
ها حب
تعال ...
شنو عمار ...
تعال مهند ..
كوة لازم روحي اخاف اوكع ...
دقايق وجوي العمال فوك راسي ..
يحاجوني ...
والمحاسب هم ..
بس صوتهم ماسمعه بدة يروح ويختفي عني ...
وحتى الشكل ....
احس روحي طايفه ...فوك ماعرف ..وين ...
ثواني ..وفزيت ...
اشوف ...بس مغوش ...
أشر ع الغرفه ..
يكولون شبيها ...
لساني ثكيل ..
ماكدر احجي ولا احرك ايدي ..
العمال يصيحون ويحجون ...
بس كلش مو واضح ..
ماعرف شون اجه ...واحد يم راسي ...
بهلسرعه ...
وضربني ابرة ...
هذا الي احسه اما الباقي ماذكرهه ابد ...
كعدت ...
حسيت ع روحي ...
نايم بغرفه العمال ...
ومهند والكل يمي ...
عمار يمعود شبيك ...
متنه عليك ..
اني حلكي يابس كتله مي ...
شربني مي ..وغسل وجهي
كوة كعدت ولزمت روحي ...
كتله سهر ...
كال شنو ...
كتله سهر ..
شبيها ...
ضل ..يحجي رجعنه ..لسالفه دهر ..
طلعت المفتاح من جيبي ...
وكمت كوة ..
اكعد شبيك ...
عمار رجعت لخبالك ....
كومني ..كومني ..كمت انتجيت عليه
.كوة امشي رجلي ثكيلة...
مهند يحجي عليه ...
شجاك شرجعك ..وفكرت بيها مو خلصنه ...
فتحت الباب ..كتله شوف ...
تجيت ع الباب ...
مهند طب جوة ..
كلي هاي منو ..
كتله ..
سهر ...
كمت ابجي
دموعي ماوكفت ..لان رب العالمين طلع حقي ...واخيرا ..نصفني
مهند انصدم ...
راح عليها ...
انتي ...منو ..
تباوع عليه ...
كتلها احجي ...
كالت سهر ..بس ..والله....اسمعو ..
اسكتي ..ماسمع شي منج
مهند راح يمها ..
انتي سهر ..
ولج ...
اعدمج العافيه ..اليوم ..
يندار عليه ولك هاي صدك مو جذب ..
جر.من .شعرها ..
كلها والله موتج بيدي ..بت ال......
كوة احجي كتله عوفها ...
الطفله تصرخ ...
وهيه ساكته ماحجت ...
غير عمارر ..اسمع ..
عوفها مهند ..عوفها ..
طلعنه وقفلت الباب ..رحت كعدت ..كتله شصار ..
كلي ..ارتفع ضغطك لوما ربك اكو مضمد هنا جان انجلطت ..
كلي ..شراح تسوي بهلساقطه ...
ماعرف ...
راح اجيبها ..
وانت وصلني للبيت ..
يابيت ...
اهلي غير. ..
شسوي بيها ..ماعرف جيبها ..هسة ......
كمت ..رحت فتحت الباب كتلها كومي ..
عمااار فدوة شراح تسوي بيه ..موتني وعوف بنتي ..
كومي ..
كامت وصلت يمي ..نزلت ع ايدي ..
ابوس ايدك ..
دفعتها ..امشي راح نطلع ..تمشين عدل ..
اي حركه..زايدة راسج افلشه ..
اخذتها وطلعتها من الباب الجانبي ..
صعدتها ..وصعدت ..كتله قفل البوب ..
هاي شيطانه ...
الطريق كله تبجي ..وتتوسل نعوف الطفله ..
اني ساكت ...ماعرف اضحك ...مدري ابجي ...
معقوله ...واخيرا ظهر الحق ...
مهند يفشر .يغلط عليها ..
سنين اخويه الضاعن اطلعها من عيونج ..
ولج شيخلصج منه ..
الطفله ماسكتت ..
من امها تبجي ..هيه تزيد بجي ...
وصلنه للبيت ...
نزلت ..ونزلتها ...
لزمتها ..
اني فتحت الباب ..
امي صارت بوجهيي
ها يمه منو هاي ...
طبيت ماحجيت شي ..
وصلت لغرفه ..مهند القديمه ..طببتها ..وقفلت الباب ..
رديت فتحتها ..كتله ولج ..فون عدج ..كالت لا والله مو جريتني وعفت جنطتي ..
عمار اسمعني ...
سديت الباب عليها ...
رحت كعدت ..بلهول
اجت امي ومهند ..
يمه صدك هااي سهر ..
هزيت براسي اي ..
امي كامت تبجي وتضرب ع وجهها ..
سودة بوجهي ...خبلناك ..
يايمه ..ماصدكنه بيك ...
هسة هاي سهر ...
اي يمه ..
مهند كال هل طفله بنتك ..
كتله ماعرف ..ماعرف ...
شراح تسوي ..
مهند مادري ..
تريد اطب عليها ..اكسرها ..
مهند شبيك انت ..اكعد ..
مو هسة حسابها ..يبدي ..
المهم اني مو مخبل ...زين ..سنين وشاك بروحي ..ولكم حته الاكل الي اكله اسجلة واكتبه ....اكول يجوز مريض ..وانسى واتخايل ..كمت حتى ماصدك بكلش يمر عليه ..سنين اتعذب ولا واحد بيكم صدك بيه ...ولكم قهر بكلبي ..اطلعه اليوم ..كمت اضرب ع صدري حيل ...
جرني مهند ..
عمار كافي ..
موكافي ..نسيت شون توكف وتكولي مريض ..تخبلت ..
لو مرتك تكولك اخاف منه وتتهزم مني ...نسيتو..هاي سهر..مو جذب ...
يمه نسيتوا سنين ..مخبل ..مخبل ..لحد ماصدكت روحي مريض ..وكلت ..تخبلت ..
وزينه الحقيرة ...طلكت مني ..مريض نفسي ..هم باكت فلوسي واخذت اطفالي بحجة ...مختل عقليا ...
نسيتو وتكولون اسكت كافي ..مو كافي ..ولا اسكت ...
والفلوس وين وديتها ...والدكتور والعلاج ..نسيتو ..خبلتوني ولا واحد بيكم صدكني هااي سهر حقيقه مو جذب ..
اني مو مخبل مو مخبل ..اعيط بعلو حسي ...
موووووو مخبل ...
كعدت بلكاع والله مو مخبل والله مو مخبل ...
