طلعت ....وصلت للباب ..نزلو الجهال للباص ..ودعتهم وراحو .. ضليت حاير ..اوف شداسوي بروحي ...ذبيت الجنطه ..دخنت جكارة ..وذبيتها واخذت نفس عميق ...وكتله ربي طلع سهر من بالي ..ورجعت للبيت ..فتحت الباب طبيت ...جانت ..زينه بلمطبخ تحجي ..وي اهلها ...
طبيت كعدت ..
جت ام ادهم ...
اسم الله عمار ..شكو..شرجعك
..كتلها..
تعبان تعبان ..زينه ..
شكو احجي ...
ردت ابجي بلضياع الي بي بس كبريائي مسمحلي ...
كتلها مهند متعبني ..تعالي ..كعدي ..
كعدت كتلها يحب وحدة ..
واهاي استبرق خطية شون ..
صفنت ..كالت والله يابو ادهم ..
استبرق عوجت بحلكها ...
شبيها
مابيها
.بس مهند كم يوم وينسى
..هاي نزوة ..يمعود ...ليش شايل هم ...
وليش اجلت سفرتك . يمعود روح منو عدهم غيرك ...
زينه والحل شنو ...
اذا هوة هيج خلي يزوجها ..مو الشرع حلل اربعه ...
اني ضحكت ..كتلها ترضين ازوج عليج ..
كامت ..كالت اني ..
ي انتي عكسيها عليج ...
لا طبعا ...ماقبل ..
لعد شون رضيتيها ..لستبراق ..
الصراحه ...اني لومنها ..
الزم مهند اكوله ازوج ع شرط ...بيت ..وراتب باسمي ..
ع الاقل يخونها كدامها ..مو بظهرها ...
صدك تحجين ...
والله ام الاطفال هيج تفكر ...وهذا شرع شنو اللعب بي اني ..
روح وشوفه اذا صدك يحبها ..اخطبها اله ...
واذا نزوة لا اكفخه وكافي لعب جهال ...
هزيت براسي اي اي ...
كالت
اوف نسيت الجدر ع النار ..
وضلت من بعيد تحاجيني ..شراح تسوي ...
كتلها راح اروح ...ادعيلي ...
اجت ...حضنتني ...وكالت مودع بالله ..ابو ادهم ...
اني وراك اجي يومين ويمك ..لا تفكر بينه ...
ودعتها وطلعت ...
راسي فتر شسوي هسة ...الطريق كله ..الف موضوع براسي من صعدت الطيارة لحد مانزلت اني ..عقلي موالي ...شسوي ولك اصحى انت وين ...شدسوي بروحك شغلك واهلك ووحلمك ..تخبلت عمار اي تخبلت ...جاي لبغداد شنو ..علمود سهر ..وينها سهر...
كملت الاجراءت ...وشفت صديق الي ضابط مشاها بسرعه ..وطلعت اخذت تكسي ..والطريق كله صافن ...
وضل ابو التكسي يسولفلي ..ع الانفجار صار وشون ابن عمه استشهد .وعاف كومه جهال ...وساعه يكولي ...ع البيوت التجاوز .....موتني علما وصلت ..اذاني كامت تون ..وكل شويه اطلع الفون وادك ع سهر ماكو ...
خابرت مهند كتله اني بغداد ..
ولك شكو ..خير ..
ماكو عندي شغله ..
اسويها هنا وارجع ..
خاف دك زينة كولو امي مالها خلك ..
عمار شكو ...شصاير انت وين بلطريق ..
راح اوصل ..اجي وافهمك ..
خوش انتظرك ترة قلقت عليك ..
لا لا ماكو شي ..مع السلامه ..
الله وياك ..
بله شكوله هذا ..ضليت افكر كلت ..اكوله صاحبي واكع بشدة واريد اداينه فلوس احسن حل ...
وصلت للبيت ...
طبيت الكل موجود ..
سلمت ع امي وبوستها وضليت حاضنها اريد اكولها داضيع يايمه تعباان تعبااان ..اريد حل ..لزمت نفسي
سلمت ع استبرق واخويه ..
وكعدت صعدو غراضي فوك وحجيت الهم ع صاحبي عود ..واكع بشدة وخابر يتوسل ..
مهند مقبل كال خاف جذاب وميرجعها ومن هلحجي ..
اخر شي قنعته ...
خابرت ام ادهم طمنتها وصلت ..وحاجت امي ..وفهمتها شتكول ..ههههه امي تحجي وتغمز ..وتحجي بصوت عالي ها زين هيج اكول ....
ضلينه نضحك....على اسوالف امي ..بس زين ام ادهم مافهمت شي
صبو غدة وتغدينه ...وكضيناها سوالف ..لليل ...واني سهر تروح وترجع ابالي ...شون اوصل الها ...شون ...
نمت لان صدك تعبان ...
وكعدت الصبح خابرت امجد سلمت عليه ..طبعا ماكطعت اتصال ويا دائما اخابرهه...
سلمت ع ادهم ..وكتله راح اجيك ..للشغل ..كال عطلنه ..اني نصدمت شسوي هسة ..ضليت اتحايل عليه بلكلام ..وكتله نطلع العصر ....وختمتها ويا ..وتفقنه ع طلعه ...اخذت السيارة ..وطلعت و
لتقينه العصر ..بمطعم وكضيناها سوالف لليل وتعشينه ..
اخر شي كتله امجد اريد اسألك سؤال ..
كول عمار ..
اكو طالبه وياك ..
اي شيبيها ...
وصتني ع شغل خطيه ..وهسة لكيت خوش شغل ..
منو عمار ..
سهر ..
ياسهر الحلوة
اي هيه ..
ها اشوفها باخر امتحان سالت عليك ..
كلبي رجف ..
شكالت
سالت عليك ..والله وكلت الها بعدة مجاي ..
عدك رقمها شي اتواصل وياها ...
لحضة ..
ماعرف المن خابر ..
بس كال سجل ..
سجلت الرقم ..
كلي دك عليها
خوش بنيه طبعا تشتغل وتدرس ومعيشه اهلها ..
دكيت ..والله غير رقم ودك ...
جاوبت ...
كمت من يم امجد ..
حاجيتها ..
كتلها ..وين رحتي..
كالت انت مو ردت هيج ..
سهر بعدين افهمج ...
انتظرك عمار ..
رجعت يم امجد وكتله كتلها وفرحت ..وغيرت موضوع ..
وبقينه نسوالف واني بس اريد يروح حته اخابرها براحتي ..
طلعنه ..اني وامجد ..والحمدلله ما شك بشي ...
صعدت بسيارة ...
وخابرت ..سهر ..كتلها تعبان لابيه ابقى وياج ولا بيه اعوفج ..
كامت تبجي ..اني متت بلاياك حته الرقم غيرته وكسرته حتى لا اطلع رقمك ..واخابرك ..عمار ..شسوي ...
سهر ..ماعرف ..
انت وين ..
بشارع
اريد اشوفك ..
وين ..
راح ادليك ..بيتنه تعال ...
ههههه ولج شيجيبني ..واهلج ..
لا مالك دخل اطلعلك بمكان اريد اشوفك عفيه ..
دلتني المكان ورحت ولا ابالي شي بس اشوفها ..
صلت ..خابرتها دلتني بلافرع ..لكيتها واكفه ..
صعدت حضنتني وضلت تبجي
عمار احبك انت ابويه امي اخوية
لا تعوفني اروحلك فدوة احبك ...
اني ماعرفت اكولها شي ..اول مرة انسانه تاخذني بغير عالم ..بس مسحت دموعها وكتلها
ماعوفج لا تبجين سهر ..لخاطري لا تبجين دموعج تأذيني
وضلت تشاقه وتضحك ..
وتشوفني طالعه ..بلنعال ..
وتضحك ..واضحك ع كلامها
واصفن بجمالها وجمال روحها
وترجع وتكول ..دمرت بدونك ..
كتلها سهر ..اني ضايع بينج وبين مرتي ..تعبت ..
عائلتي بجفه ..وانتي بجفه ..هذا عشك الشيب ..دمرني
اني هم احبج ..وماكدر بدونج ...
كالت ..عوفني وارجع لبيتك ..اني ماكدر ابني سعادتي ع خراب بيتك ...
سهر عوفي هلكلام وخليها وين متوصل توصل ...
بسسس
اششش ماريد بس
وكالت رجعني ..
رجعتها ..وكتلها سهر ..اوصل واخابرج ..
ضلت تدلع ..
عمار
عمار
عمار
ها
نعم
كولي
عمااار
اموت عليك
ههههه ضحكت ونزلت
رجعت للبيت فرحان ..مقهور..مسطور ..ماعرف كلها التمت بيه ..
طبيت امي كاعدة ..
واستلمتني اخوك واخوك ..
واني بالي مو يمها ..
هنوب عافت اخويه
مرتك بلجذب متسال ولا تكول ..الا مريضه وتخابر ..
عافتها اشتغلت استبرق ..
واني احاول اجاريها ..
كتلها اريد انام ..
اجه مهند ...
وسالني شصار كتله انطيت فلوس وهيج ..
وبقينه نسولف وعقلي يروح ..بكلمه احبك ..
لحد ماكتله راح انام تعبان حبي ...
صعدت ..واتصلت بسهر ..دقايق دكت ام ادهم
حاجيتها وحاجيت الجهال ...وختمتها وياها..
وارجع لتأنيب الضمير ...والحيرة ....بس من اتصل بسهر انسى كلشي حتى اسمي ..واتفقت وياها باجر اوديها لشغلها..الصبح
وللحكاية بقية
