....بقلم ...سوزان المندلاوي ....
طبينه ..للبيت ..اول مطبت ...حضنتني حييل ..
كالت حلم عمري تحقق بيك ..
حبي راح اطب اسبح متت من التسريحه ...
كتلها طبي ...
بين ماسبحت ...رحت جبت عشا ..واشياء ..
مطولت هوايه ..اجيت اشوف البيت كله شموع ..ونفاخات ..
اني تفاجئت شبسرعه سوتهن ...
صحت سهر. سهر ..وينج ..
هم حضنتني من ظهري ..وخرعتني ..
.امشي وتمشي ويايه ..جيت اوكع .
.سهر وخري حبي
مااه شيلني ..هيج ع ظهرك ..
سهر ..وخري راح اوكع ..ماااه ..
ولج وخري ..شيلني ...
هههه ولج جهال احنه شدسوين ..
تعالي داشوفج ..جريتها ..
وكفت كبالي ..
كتلها سهر انتي احلى هدية من رب العالمين الي ..
وماريد اخسرج بيوم ...واتمنى متخليني بيوم ..اكرهج ..او يقل حبي الج اعشقج ..والله ..
لا ماكو خسارة ويايه...امووت عليك
.يلا جوعانه ..
اباع ع حركاتها طفله جبيرة ....
كعدنه ناكل ..تضحك وتوكلني بيدها ...
وتخلي قطعه صغيرة ..بحلكها من الاكل ..
وتخليها بحلكي ...حتى المي تخلي بحلكها وتشربة الي ...
اني رجعت طفل وياها وبين اديها ...متخيلت راح اعيش هيج بيوم ..اني مو بلكاع ..اني بلجنه ...كل شي بيها حلو .....افكر بزينة واكول ليش ..جانت ويايه جافه بتعاملها
وترجع هيه بحركاتها ترجعني ...يمها
كملنه الاكل ..وكعدنه ...كالت هسة اجي ..
اني كاعد بلهول ...اجتي جايبه اوراق ..معرفت شنو ...
كالت عمار .. قبل لا نبدي حياتنه الزوجيه ..
اكو سر لازم تعرفه ..
شكو سهر مو كت لعبج هذا ...
والله مو لعب شفتها تحجي جديات ..
كعدت يم رجلي وخلت راسها بحضني ...
وانطتني الاوراق ..
كالت اقره ..
شقرة ..
اقرهه ..عقد زواج بين سهر ..وجاسم ..
اني نصدمت ...شنو هاي سهر ..
قريت الثاني عقد طلاق...بين سهر وجاسم ..
كامت تبجي ..اني احبك وماريد اخسرك ..
اني كمت ..كتلها شنو هاي سهر .
ليش احنه مابدينه حياتنه الزوجية ..وتكولين قبل لا تبدي ..هاي شنو .
اشرحي الي ..
تبجي ..تذكر من سالتني ليش مزوجتي ..كتلك قصة طويلة
ي كملي ..
اني جنت مزوجه قبلك ..وبقيت وياه سنه .
.اييي
وطلكت جان يشرب ..ودربه مو خوش درب ويضربني..حتى ممنوعات يتعاطى ..مو غريب ابن عمي هوة ..واذا مصدك اوديك ع اهله
احس راسي نار ..ويمكن ضغطي علك ...
كتلها ليش ضميتي ...
تقربت مني ..لزمتني ...
كتلها وخري فهميني ...
ليش محجيتي بصوت عالي ..يعني ..اني ..زوج هسة ...
ليش كذبتي علية ...
والله احبك وماريد اخسرك ..
لا لا موعذر هذا ..سهر ..
انتي كذبتي ...وستغفلتيني ..
عمار مو هيج والله ..احبك ..
خفت تعوفني ...
ليش اعوفج اذا صارحتيني ...
ليش ..
عمار احبك ..اموت اذا تتركني ..
وخري عني ...
ابوس ايدك اروحلك فدوة اسمع ...
عفتها وطلعت ..امشي وين اروح ..هاي شسويت بروحي اني ...ليش كذبت عليه ..هذا حلمي تبخر وياها ..ضليت امشي ماعرف وين واحس روحي نضربت ع راسي ..
شافوني حرس وكفوني ..
ها ابو شباب وين رايح ..
اتمشى ..خويه ساعه فوك ال 12 وين تتمشى ..
عطت بيهم شنو ممنوع
يكوله لصاحبه سكران هذا ..مطوط
كتله لا سكران ولا شي ..طلعت مخنوك ..محتصر
حرام ..اطلع ...
خويه ارجع هنا مقر امني او روح اشتم هوى بغير مكان ...
علما قنعتهم اني مشارب ..
حتى تفكير مضل براسي ...
رجعت للبيت ..سهر كاعدة بلهول تبجي ..
عفتها وطبيت للغرفه نمت ..
اجت ورايه ..
عمار
كتلها
سهر ماريد اسمع شي ..
عوفيني ..
عماار عفيه ..مو قصدي ..
سهر تعبان اريد انام ..
بدلت ونمت ..
غطيت راسي ..
طفت الاضويه واحسها جتي يمي ...
بس لا اني نمت ولا هيه نامت ..بس تبجي
اني بديت افكر ليش وليش كذبت ليش مكالت ..
اريد اخذ قرار...
لو اعوفها لو اسامحها ..
ماكدر اسوي شي احس روحي مربوط ..بحبها ..صعب عليه اعوفها ...
حسيتها سكتت ...رفعت راسي نايمه
.كمت دخنت جكارة...
كملتها وافكر ..صار الفجر ...
وعيوني ماغمضت ...
رحت للفراش ..
وجهه عليه اباع عليها ..اصفن ..
اكول سامحها ..هيه بشر..وكلنه نغلط .. ومسوت شي حرام ..
بحلال الله زوجت ..ومتفقت وي..رجلها وطلكت
..وارجع واكول لا كذبت عليه ...
ليش مكالت ..اذا من اولها كذب ..تاليها شلون
اباع ع ملامحها ..الطفوليه ..اريد اكعدها ..
اكولها سهر احبج ..ميهمني الي الراح ..
وارجع واكول لا بقيت للصبح هيج ...
منمت ..
احسها كعدت ..ضلت بلفراش وراها ...
كامت غسلت ..شويه واجتي كعدتني ..
اني مسوي روحي نايم وحاط مخدة ع راسي ..
كالت عمار كوم تريك ..
كتلها ماريد ..
عمار عفيه لا تسوي هيج ..
كتلها ماريد مجوعان ...
عمار فدوة اسمع ..والله عمري كله كضيته قهر بقهر وضيم . وانت وحدك الي حسيت وياك بأمان ...وحسيت روحي انسانه وياك ..سامحني ..لخاطر الله ..انطيني فرصه
لزمت ايدي جرتها ضلت تبوس بيها ..
اسفه سامحني ..راح اموت راح اطك ..
اخ الله سهر ..ماتحمل كلبي راح يطك ..بداخلي احجي ..
كتلها عوفيني ابرد ...
بقينه يومين هيج ماحجي وياها ..بس ع كد الاكل ..وضلت ..تتوسل ..بيه اسامحها ....بس جنت مقهور منها ...وماكدرت اتقبل كذبتها ..بسهوله ..
بهلايام ام ادهم تخابر ..وكلت الها طلعت للشمال سفرة وشغل اجيب ..ادوات مناك ...ومحجت شي .يوميه اخابرهم .واحجي وي الجهال واسولف واضحك ..واخابر اهلي ...وسمعت اشكال حجي ..بس ماهتميت لشي ..
سهر موجودة متحجي شي ...من اخابرهم ..او اضحك واسولف ...بس احسها مقهورة ..
اني بداخلي اريدها ...بس عقلي يكول لا تسامحها ...
ولا تستعجل استعجلت بزواجك وياها ..
ارتاح ..وفكر
