...الكاتبه ......سوزان المندلاوي
كعدت الصبح ...غسلت .وبدلت
نزلت ..جوة امي كاعدة
تعال تريك يمه ...
لا مامشتهي ..
عزة من الصبح جكاير شجاك ..
امي ماكو شي
وين رايح ..
شغله ...وي اصدقائي ...
كوة فلتت منها ...
شغلت السيارة وطلعت ..
خابرتها..
صباح الخير حبي انتي وين ...
يسعد صباحك اني بلبيت داكل ...
ساعه بيش دوامج
9 ليش
عوفي اكلج هسه جاي ناكل سوهه بمطعم ..
والله
ي
يلا بسرعه واكمل ..
الطريق كله نسيت كلشي او تناسيت كلشي ...
وصلت دكيت عليها ...
دقايق يمك ..
اجتي ...لوما اجتي احسن شعلت نار بيه ...
هلكد ماحلوة استحي اباع عليها ...
لابسه فستان طويل اسود..وبي وردي فاتح وفاتحه شعرها ..وكعب وتفاصيل اناقه من صبغ الاظافر للعطر ..
صدت كعدت بصفي ..
شغلت اغاني ومشيت بس سيارة بيد مهند واغاني كلها طربك ..
كالت شنو هاي عمار راح اسمعك شي يخبل ..
وهاي ضليت ابجي عليها من عفتني ..
كتلها ماعاش الي يبجيج بعد ..
نسمع ..او ماريد اسمع ..اريد اسمعج الج ..
شتسمع ...اغني ..هههه.
ي
احبك احبك ..احبك
الله شنو هلصوت ...
جوعانه وين ناكل ..
ماعرف ..
بربك عفت ..الكيمر وتكولي ماعرف. .
والله ماعرف ..
دلتني مطعم حلو وهادئ والاكل بوفي مفتوح ..
ضلينه ناكل..ونسولف ..
بس سهر حلوة والعين عليها ضجت ..
بس اريد اطلع ...
كالت شبيك مامرتاح ...
لا ماكو شي ..بس اخاف اخرج ع شغلج ..
مومهم
سولفي عنج ..انتي ..
ذبت الاكل وجابت شعرها ع جهه...
كالت اني ابويه ميت ..اجيت لدنيا ..ومات وراها امي زوجت .وصار عدها 2 اطفال ..
وزوج امي موزين ويانه كلنه ..
لهذا اضطريت اشتغل ..حتى اعيش نفسي واشارك باجار البيت والمصرف ..
ي ..كملي ..
ليش مزوجتي ..اووو سالفه طويله هاي بعدين اسولفها الك ..
عمورة شلك بهل سوالف احجيلي انت عن نفسك ..
كتلها مزوج وباقي التفاصيل ..
كملنه كالت يلا نروح ...
رحت وصلتها ع شركه ..
جانت شركه اهليه ..
وكتلها اجي اخذج الظهر ..
وعفتها ورحت ..
رجعت للبيت ...
تلكتني امي ها شصار
شكو ليش ..
يمه وضعك ميعجبني ..
هايمه حولتي عليه ..
لا بس مدري شبيك ..
لو صافن ..لو لازم هذا تليفونك ..لو طالع ..
شبيك يايمه ..
ماكو شي ..
راح اصعد ..
تريكت
اي ..
ضلت تفر باديها ودردم ..علينه ..
صعدت بدلت وكعدت دكيت ع سهر ..
سولفت وياها كتلها خابريني قبل لا طلعين اجيج ..
خابرت زينه ..كالت حجزت بعد يومين اجي ..
رجعت لعقلي مرتك جايه ابو ادهم شسوي ..
اهووو خلي اعيش هلومين والله كريم ..
والله ..ضليت مدد مدة وراها ضجت
كمت سبحت ..وزينت ..لحيتي وتعطرت ..وكعدت انتظر ..دك ...اذا انزل امي تستلمني ..فكاعد..اسلم من الستجواب..ضليت كاعد اكلب بلنت فوك ...مليت ...
خابرتها ..كالت ساعه ويخلص ..كتلها راح اطلع
ازدحام وهيج ...
طلعت
امي ورايه وين شكو منو
مجاوبت ..
شغلت السيارة ورحت ..
انتظر برة لازدحام ولا شي بس اريد اشوفها ..
ضليت كاعد وانتظرها تطلع ..
دكو عليه اصدقائي بلمعهد ..
فهمتهم وتعذرت منهم امي مريضه ..والشغل يمشي واي شي يحتاجون منا اكدر ادز فلوس او اي شي ..بين ماداحجي
طلعت ..قمري ..وملاكي ..سديته منهم و
اخذتها تغدينه برة ..
مرت اليومين ..يوميه نتريك ونتغدة سوة والليل كلة نسولف ..
قبل متجي مرتي بيوم بليل امي لازمه اخويه ومسويه عليه ..مصبيه ..اعرف سوالفها ..
لزمني مهند سين وجيم ومرتك وجهالك ووووووو
بس ماحجيت شي ..غير شغل ومشغول ..
اريد اصفي دماغي ماريد شي يزعجني وندم وخوف
عشت اجمل يومين من عمري ...
ثاني يوم رحت جبت ام ادهم والاطفال من المطار ...
اخذتهم ..ودروح لاهلي ..
بس مقبلت زينه مشتاقه لاهلي واهلي ..
كتلها زينه امي من الصبح تحضر بلاكل ..
لا تفشليني ..
ماقبلت ضجت كلش ..
ساعه متاثر ع اهلج ..
مو اهلي هم مسوين
عود نروح بس نتغدة يم امي ..
كوة قنعت..
اخذتها سلمت عليهم وكعدت ..
وضلت كالبه خلقتها ..
وامي شبيها خير منعجب..
شيحاجوها كوة اجاوب
واني صابر انتظر تاليها
صح جان تصرفها محلو
ولاكأنما اهلي هذول ..
وخبلتني يلا ويلا
حتى ماكلت ..شي ..عفنه الاكل ..
اخذتها وطلعت ..
كتلها ..كافي زينه ..لهنا وبس ..
اي احترم متحترمين ..
شكو
انتي لاضلين جفصين وصيحين شكو
شفتي نفسج بيت اهلي
خير ودارت راسها ع الجامه ..
لا ماكو شي بس طبيتي وطلعتي كلمه حلوة مكلتي ..
بربج سؤال جايبه صوغه لاهلج ..
ضاجت ..
شلك بيها هاي ..
سؤال جاوبي
اي طبعا جبت ..
زين واهلي ..
اوي همه اهلي لو اهلك
اها هيج صارت ..
ي هيج ..لان بلجذب عطر ..شال لامي مجبتي ..
ادري اهلي لو اهلك ما انت جيب ..الهم اني شعليه
شتعرفيني اعرف بهلسوالف ..
ضلينه هيج لحد ماوصلنه لبيت اهلها ..
وكفت ..تعال سلم ..
كتلها ماسلم ..وانزلي راح اخذ الجهال يمي ..
شنو هاي عمار ..اهلي مشتاقين الهم ..
زينه سؤال
اهوو كضاها عليه اساله ..
لا من توصل يم اهلج كلشي يتغير بيج ..
صار شكد من سافرت 10 ايام
معرفتي تكولين ابقى يم رجلي وباجر اجيكم مشتاقه اله ..
لو شنو اني مجرد الة ذب فلوس الج ..
عمار شجاك نهديت بيه ..
مابيه ام ادهم ..
شوفي نفسج وشوفيني ..ماعرف حبج شونه ويايه ..
اذا ع الهدايا باجر اشتري منا ..
ضجت كتلها شبيج شنو اهلي محتاجين هدايا
كافي سدي الموضوع حجيج يغث كله ..
نزلت ونزلت وياها سلمت عليهم ..وكتلهم اخذ الجهال وبعدين اجيبهم وطلعت ..
ضلت تغمز وتنخزر ..بس ماهتميت .
بلاصل ماعندي علاقه باهلها ..لان يسون مشاكل ومن سافرت خلصت عود ..
رجعنه للبيت ..
وامي مسويه عزة بلا ميت كالبه الدنيا
مرتك ومرتك
اسمع واكول ي
اخذت الجهال استبرق ..وراحت بغرفتها تلعبهم ..
وضلت
تحجي اعرف حقها بس شسوي اني هسة
بقت لحد ما..صيحت كتلها كافي يامي تعبتيني موتيني مرتك مرتك ...شسوي هسة ..
لا مسوي ابد اني امك ..وهيه مرتك ..
اربي وامسح ايدي بلحايط ..
يمه ميكون خاطرج الا طيب
الي تريدي اسوي
هنوب رجعت اصالح بيها ..
علما رضت ابو سهر طلع من راسي ...
من زمان امي ومرتي مشاكل ..امي تنك ومرتي تضوج او وحدة تحب تسيطر ع الثانيه متوالمن ابد ..
بس هسه سبب زينه ..
صحت الجهال ..
طلعت استبرق كالت بدلت الهم ديلعبون ..
طلعلي ادهم ضل يبوس بية ومشتاق الك بابا
اريدك طلعنه ماريد اروح بيت هذاك جدو يضلون يحجون عليك ..
كتله اسكت لا بيبي تسمعك ..
وين نروح
للحيوانات ..
والله اخذت جهالي وجهال اخويه ووديتهم للزوراء لليل يلا رجعت
زينه ادك ماجاوب
سهر مختفيه بس ملتهي ماكدر اغفل عنهم ..
صار الليل رجعتهم لبيت جدهم
ادهم ماقبل راد يبقة يمي ..بس ايهم ميفتهم ومهتم
كوة راضيته وفهمته باجر اخذها .. دكيت هورن طلعت زينة من الباب ..اخذتهم ...تاكدت امهم طببتهم ..
رحت
ضليت مقهور بجذب لا اجت ولا حجت ويايه يعني هيه ام الراهي وتعال صالح بيها وراضيها ...اوف منج زينة اووف ..شوكت تتغيرين تعبتيني ..باهمالج وبرودج وسوالفج هاي ...
شغلت اغنيتي المفضله ...
وضليت سارح بيها ..
ذكرت سهر ..اي اخابرها شويه تبرد اعصابي
دكيت ع سهر ..
جاوبت بس معقوجه شكو ..
ماكو
احجي
ماكو
احجي ..
وينك اليوم لا سالت ولا كلت عدله ميته ..
كتلها مو تعرفين اليوم مرتي جتي .وسولفت الها اخذت الجهال وطلعت ..
اني زعلانه مااه مااه
شون اراضيج ..
ماعرف مااه
تسوي صوتها مال اطفال ..
هسة لو يمي ..ابوسج واصالحج ..
ضحكت ايييييي صالحني ..
اريد بوسة مااه ماااة
مااه اريد صالحني هسة لا ابجي
سهر ..كافي فدوة لا تلعبين باعصابي ..
حبيبي احبك احبك احبك لو تصير جدو ...
اني هم احبج والله
سهر حبي وصلت للبيت اصعد واحاجيج ..
خوش
طبيت ..بوست امي من ايدها وراسها ..
مهند جرتي
عمار كل الدروب اعرفهن وربك ..بس دليني اخاف طيح ..انت فقير ..
ههههه ولك مجوز مني ..
وراك وراك الكفك ..
دحير بروحك ..
خوش روميو شوف نفسك
عفته وصعدت ..وخابرت سهر للفجر انسولف ..
