اقتل ....لا شي مستحيل وهذا جنون ..اني حيوان ماقتل اقتل بشر ......
عمار ..هوة حيوان لا تحسبهه بشر ...
سهر انسي وشيلي هلفكرة من بالج ...
عمار اذا مو انت اني اقتله واخلص منه ...
سهر لا تخبليني هذا مو حجي ..انسان عاقل شبقيتي للمتخلف الي مدارس ...واي فلس بعد مانطي لو شيريد يسوي ..
عمار ..واني انفضح ..
سهر ..قرار صعب وماكدر ماكدر ...
عافتني وراحت ...للغرفه ..اكتل منو اني ..ههه لا يستحيل ..
بس سهر شون ..انطي فلوس احسن ...لا مبلغ جبير مو من حقي اسحب هلكد ..ياربي شسوي ..هسة ...
دك ...جاسم ..كمت ..ضليت اروح واجي ..طلعت برة ..نكطع ..دقيقه ورجع اتصل ..
نعم ..
شوف لك ..انت والساقطه اليمك اشهركم شهر بيت اهلك بهيج منطقه هذا العنوان ومرتك هذا مكانه وعنوانها ..واصدقائك ..هذا عنوانهم لكل واحد ادز فيديو واكلهم هااي مرت الاستاذ عمار...استاذ القانون ..والفن ..
اني سكتت ..سديته بوجهه ..
دك هااا خالي شتكول ..
انطي مجال منا لباجر ...
وارد الك خبر ..
تدلل ابو ادهم ..اخوك مهند شونه ..
اسمع والله اذا واحد من اهلي شعره ...من شعر راسه . انلزمت اندمك ..وضليت اغلط عليه ..
اعصابك ...ههههه شوف مرتك دزيتلك خوش لقطات ..
ساقط منحط ...طوط..طوط ..
سدة بوجهي
دخنت جكارة بس ماحسها تبرد كلبي ..جسمي كله يرجف ..اعصاب ماعندي ..
اذا وصلو لاهلي شكول شحجي ..رفعت راسي للسما ..كتله ربي لاتورطني اكثر ...اني احبها ..مو جريمه حبيت ...
طبيت كتلها سهر ..راسي راح يطك ...
اسم الله عليك حبي ...
جابت دوة وشربته وسوتلي عصير ليمون ...
ضلت تفرك براسي ....
عمار ...نخلص منه هذا بلوة ...حتة رب العالمين ..ميحاسبنه..هذا اذيه للبشر .... نكتله ونسافر ..
نداريت عليها ...سهر سدي الموضوع ...
لليل كله منمت ..فتحت الفون ..شفت صورتين ...تخبلت ...
بدون مااكلها حتة لا اقهرها حذفتهن ...
رحت عليها نايمه ..مددة .كتلها ..يلا ..شون نكتله ..
كامت..كالت باجر اندز عليه ...ونكتله ..شون ...اجيب سلاح من زوج امي ...ولج مسؤلية ..
عود نباك ونذبه بلمي ..
سهر لا لا ..ماكدر
اسمع وراها نكتله ...
وندفنه بلحديقه ..
ونسافر ..
والبيت متروك محد يحس ...
ضليت افكر ميلج هلخطه ..مرة شفتها بفلم ...
سهر ..اخاف ...اجتي كعدت بحضني ولزمت وجهي لا تخاف اني ..وجرت ايدي خلتها ع بطنها ..وقمر وياك ..ونعيش ..نسافر لاي دوله ...ونخلص ..وراها نسحب ولدك ..واني اعيشهم ..وننسة كلشي ..
سهر..اششش باستني ....ونمنه ........
اني مانمت ...ضليت افكر .
شلون شسوي ..اتشجع واكتله ..ماريد اخسرها ....
ساعه وكامت ..كالت عمار ..عوفني ...فدوة اروح الك والله احبك عوفني رووح اطلع وانساني ...
سهر ماكدر ماكدر لو بيدي اعوفج صعب ..خسرت مرتي واهلي وعائلتي ويمج ..اجيت ..الي تريدي يصير ...المهم ابقى وياج ..
عمار اريدك تنسى كلشي وتروح ..
اسكتي ..اخابرهه الصبح ..
حاولت اعوفها بس اني مكدرت ...
كالت اول شي تروح تحجز ..وراها تسحب فلوس من البنك ..وراها نكتله ...انت سافر ..اول شي واني اطلع وراك ثاني يوم ...
ليش موسوه
احسن حتى نبعد الشبهه ..
ياشبهه..
اذا صار شي انت ماكو اتاكد ماكو شي واجي وراك بلميت يومين ...
زين ...
اي
وراها نرتاح ..
اي
عمار شبيك ..
مابيه
سهر هاي الفلوس مو الي ماكدر كلها اخذها ...
احنه راح نروح عوف الهم كل الاملاك ..
سهر ايجار سنه كامل ...
معناها شون يصرفون ...
لعد شلون ..
ماعرف ...
اكولك انت اذا تروح تسحبها كلها خاف يكولون لاخوك لامك ..
انطيني شيك ..بدون رصيد واني اسحب وانت بس وقع ..
ورة يومين اسحبهن ..واحول الك نص ..والباقي اجيبه ويايه حتى لحد يحس متكدر انت كلها تسحبها
واذا سالو كول اني موهنا..وراها نسافر ..حاول تخربطها عليهم . .
ي خوش فكرة
نامت بحضني ..بس اني منمت ..ابد ..
صار الصبح كالت يلا ...
كوم احجز رحت حجزت سفرتي العصر ..
رجعت امشي ..واني مصاحي ع روحي ..اجيت للبيت . محضرهه السلاح ...
شلون ومين ..
معليك دبرته ..
سهر خوما احد يدري
لا اني اخذته ...
محد حس بشي ..
اخابرهه ا
اي
شكوله
