رحمه لاهلك ...لا تخبلني ...متاكد جانو عايشين بي ..عالم..
عمي روح منا جنك انت واحد نصاب وجاي تاخذ .البيت ..مدري ارهابي ...
ضليت اجادل ويااا ..
خليت ايدي ع. راسي وكعدت ع الرصيف...
شنو الي صار ...اباع ع رجال راح ..سد الباب وضل يفر بيدة ....
رد طلع رووح منا لا ابلغ الشرطه عليك ...وركع الباب حيل
مهتميت اله ..ضليت كاعد ع الرصيف ..
وين اروح وشسوي ..وين راحت سهر ..عقلي وكف ..شنو جنت احلم ...
ماكو غير حل واحد ...اروح اسلم روحي للشرطه ...
ييي اكيد هذا جاسم مامات وكام باك البيت ..وخطف سهر ..لو كتلها ..
لو احد بلغ عليها ...اروح للشرطه احسن حل ...ماكو غيره ..اذا سهر بسجن اطلعها واني اعترف كتلته لجاسم ..
وين اروح وين ابلغ ..ماعرف ماعرف ..شكلهم اني كتلت ..
ي واطلع سهر ..منو يكول ماات ..
جريت الفون ..اريد اخابر ع مهند ..لكيته طاافي ..مخلص شحن
اروح لاهلي ..لا شسوي هناك . اريد سهر ..وين اختفت وعافتني وحدي ....
ارووح اسلم نفسي ...معقوله سهر ..باكتني ..لا لا واكعه بشدة ...مسويها .
.اريد اكوم احس رجلي ثكيلة ...كوة امشي طلعت ع الشارع ..اخذت تكسي لاقرب مركز .....
احس اعصابي ..ماتت كل احساس مات عندي ميهم شي بعد ....
وصلت للمركز بدون تردد ..طبيت ...
سألت عن الضابط ..
دلوني الغرفه ...
انتظرت شوية ودخلت ...
جان كاعد ضابط ..مو جبير بلعمر ....كلي تفضل شعندك ...
كتله اريد ابلغ ع جريمه قتل ...
عدل نفسه ...
..دك جرس يمه دخل حارس
كال جيبو جاي
ي كمل ..منو قاتل منو مقتول ..
كتله اني القاتل ..
شنو كام وكف ا.نت .كمل كمل
اسمك هويتك ..
اسمي عمار ...وهذا الجواز ..
كلب بيهن ....
هويه اريد ...
بلبيت ...
كمل ...المن قتلت وشنو الدافع ...
قتلت جاسم ..
جاسم منو ..
طليق زوجتي ..
.اهاااا زوجتك منو ..
سهر ...
احجي .....سهر وين ..
ماعرف يمكن جاسم كتلها ..
لا تخبط وحدة وحدة
شلون قتلتة والجثه وين ..
قتلته بيتي ..ودفنت جثته بلحديقه ...
حلو ..منو وياك ...بلجريمه ..
وحدي ..شنو السبب ..
ماعرف ..تعاركنه ومتحملت ..وضربته طلقتين ..
وين السلاح ....
ماعرف ...لا ذبيته بلشط ...
ياشط ..ع الجسر شمرته ...
شلون خططت وحدك لو احد وياك ..
مخططت اجه يتعارك ويايه ..وقتلته ...
ضل يهز براسه ...بهلسهوله ...وجاي تعترف
اي ....
هه شنو حاس بذنب لو شنو فلمك ...كلامك ممعقول ابد ولا واقعي ...
ابقى ....
دقايق .طبو اثنين ..خلو بأيدي كلبجات ...
وكال امشي ...
مشيت بلممر ..وصعدوني ..بسيارة والضابط ..ويانه ووجنود ..عرفت كشف دلالة ..
وصلنه للبيت ...كال يلا شوفني شسويت ..بس مكلت سهر جانت ..موجودة ..شرحت اله الي صار ...
وراها كتله هنا دفنته ..
ضلو يحفرون الحديقه كلشي ملكو ...
اني نصدمت ..تخبلت انهاريت ..
ماعرفت احجي شي ...
ضلو الجنود يحجون ..انت لو مخبل لو هاي ...تلعب علينه ..ولك ..مطلعنه بهل برد. .امشي عتوني ..وجروني ..
ضابط صاح عوفو ...رجعو دورو ..
شوفو دلليل
دورو البيت كله ...
ماكو وين راح جاسم..
لا جاسم ..ولا سهر ..ولا اكو شي بلبيت غير الحياطين ..
رجعنه للمركز ذبوني بسجن ...
بقيت وحدي ماعرف الي صار شنو ...
رجعو عليه ..اخذوني ..كلي الضابط ..
عمار انت صاحي بيك شي ...
ماكو جريمه والاسماء الي نطيته ...
مموجودة ..لا سهر ..ولا جاسم ..ولا عبدلله ..ولا امل .
كلشي ماكو ...الاسماء وهميه ...
الي عرفته منك انت استاذ وتعبان ع نفسك ...
شلك بهل فلم منو دافعك ...تعترف ع نفسك
اريد احد من اهلك ..انت طبيعي لو مريض ..
اني من كال هيج ...كمت ماسمع كلامة ....
شديكول هذا ..بس احس شفايفه تتحرك ..
كعدت ...راسي يفتر ..ماعرف الي صار شنو ..
ومنو شنو ماكو سهر. .لعد اني ويامن عشت ...
والي قتله منو ....سهرمنو ..لعد ..
عمار...انطيني رقم احد من اهلك ..جريت الفون بدون وعي ..
من يمه جان ع المكتب ...جان شويه شاحنه حتى اكدر اطلع ..الارقام ...
لساني ثكيل ..وحلكي يرجف ...
فتحته رديت رقم ..مهند ...
اخذو ....
الضابط جان كلش متعاطف ويايه ....
اخذوني رجعت للسجن ....السجن متروس عالم ..
اخذت ..ركن كعدت بي وخليت راسي بين رجلي ...
وافكر ..معقوله اني داحلم ..معقوله ..
لو شنو ...اني معقوله ..فلم من سهر ..عليه حتى تاخذ الفلوس ..لا لا ..
ليش هيج سوت لو جاية عليه رايدة فلوس انطيها ...
ضليت كاعد واضرب راسي بلحايط ..اريد افصل من الحياه ...جوي كم واحد عليه ..
رفعت راسي عليهم ..
خالو منو وياك شبيك ..
مجاوبت ..
رد كال ..هذا جنه مخبل ..
لا ولك شمخبل شوفه مرتب ...
خالي عدك جكارة شي ..
هزيت راسي لا ..
احجي كول شنو سالفتك ..
كتلهم رحمه لاجدادكم ..
عوفوني ...
طلعت باكيت اخذت جكارة ..ونطيته الهم ..
ايييي هسة انت عيني ..
ارجع ..اضرب راسك شعلينه احنه ..
ويضحكون ..مخبل هذا ..امشي شعلينه بي
شويه وكعد الثاني بصفي ..اريد جكارة ..نداريت عليه ..ماعندي والله ..اذا تنطيني انطيك مكاني ساعه مدد ونام بي ..ها شتكول ..ماعندي والله ...عافني ..ورجع مدد
مداصدك ...
هذا حالي ..ولك شسويت بروحك ..عمار ...ماذكر نمت او لا بس السجن ماكو مجال تمد جسمك ..الي ينام هوة وكاعد ..لو يكوم احد وتنام بداله ...دقايق ..ويعيطون بيك ..مر اليوم بسواد الليل عليه ..
ثاني يوم دزو علية .اخذوني بغرفه ..واجه مهند ..
مواجهه ...
كال عمار شصار ..
حجيت اله .....
ضل يدك ع راسه ...
عمار نصبو عليك ...
ولك المن كتلت ...
ولك شسويت بروحك ...
انت صدك زوجت لو لا ..
لا عقد لا صورة انت وياها ..
عمار ..ماعرف شسوي ..
ميفيد الحجي ...
كال اوكل محامي ..
اني دارس قانون بس ماكو شي بدماغي ابد ...فارغ ماكدر اجمع واحد زائد واحد ...
مرت علية ايام بسجن ماشفت مثلها ...
اني مخبل يجوز ..وماكو سهر ..لا عقد ..اكو ولا صورة للزواج ..البيت فارغ ..لا اسمها صح ..ولا اهلها ..يمكن اني عشت ..هلشي ماكو ..هنا كام عقلي ..ميفكر ..بقيت ع هلحال ..لا اكل ولا اشرب ..بس يادوب حته اعيش ..اريد بس اطلع ..اريد اعرف سهر منو ..هاي اذا موجودة ......................
جانو اهلي يدزون اكل .وجكاير ..ومي ..كلشي يدزون .صبح ولليل ..
واني اوزع الهم ...
حتى اخلص منهم ...بلسجن ..
قضايا متنحجي ابد ...
بقيت شهر كامل علما صعدت اوراقي للمحكمه ..وحولوني للمستشفى الامراض العقلية ....وفحص
وتبرئت ..من..الجريمه .ماكو شي يثبت ..هلجريمه ..واصلا ماموجودة...جريمه وهميه ..الاسماء وهمية . لا قاتل ولا مقتول ....
طلعت ...
واوراقي تقره مختل عقليا .....انفصام بلشخصية ...
