ضليت كاعد بلكاع ...
جتي امي ..
يمه كوم ..حقك علينه ..بس شريد نحجي ..ميفيد ..احنه خبلناك ..ضلت تكوم بيه ..كوم يمه كوم ربك مايتسى عبد خالقه ...
رفعت راسي مهند كاعد كبالي ..وخال ايدة ع راسه ومدنج ...
كمت اخذت نفس عميق ...
كمت غسلت وجهي ....
رجعت ...
كتلهم شسوي هسة ...
مهند كام..كال عمار ..اني اسف ...
كتله عوف الاسف هسة ...
لا لازم تسمعني ...
رفعت عيني عليه ..
كال والله والله ..ابد مايوم فكرت الي عشته حقيقه ...
صح اشوفك طبيعي ..بس كلت ..يجوز تمرض ...
كتله كافي ..عتاب ..ميفيد لا حجي ولا اسف ..
اني هم شكيت بروحي ...
امي كالت يمه هلطفله فحطت بجي ..راح ادخل اله ماي ..شي ياكلو ...
كتلها ..لا ماي ولا اكل اريدهن يموتن كدامي ....
ولحد ينقهر عليهم ..
لا هيه ولا بتها ...
يمه مو هيج ...
مالكم دخل والله الي ..يدخل عليها ويحاجيها ..لا احرك روحي واحركها ...واصير صدك مخبل ..
مهند أشر لامي عوفي ...
رد كال شراح تسوي ...
سلمها للشرطه ...
ضحكت ..هههههههه بعلو حسي ضليت اضحك
كتلهم القانون لا يحمي المغفلين ...واني اكبر زوج ومغفل ...
هسة عوفوها ...وحدها وباجر ...
افتهم منها ...
يمه ..اذا هيه موخوش ادميه الطفله مالها ذنب ...شوفها بس تصرخ ..
خوما تريد تذبحهن ...
ضليت ساكت ...
كتلها تعاي ..يمه ..
رحت فتحت الباب ..كامت سهر ...
والطفله تبجي ..
كتلها جيبي الطفله ..اشمرها بشارع ..
كامت حضنتها حيل ..وركضت وكعت ع رجل امي ..
خاله دخيلج ..ودخيل اهلج ...
موتوني وعوفو بنتي ...
جريتها كتلها هلحركات مال ..تمسكن مو عليه
يمه عمار عوف الصغيرة لخاطري يوم ...
ربي دخيلك ...شديصير بينه ..
عمار ..اسمعني والله مالها ذنب بكلشي ..هاي انظف شي بحياتي ...
اني...جان ابالي اخذها اخليها يم مهند الطفله ..لان مالها ذنب صدك ...
جريت الصغيرة ..مجلبة بأمها ..وتصرخ ...جريتها كوة ...
سهر كامت تصيح ...مهند طب ...
عمار هاي بنتك والله هاي قمر ..مالهاردخل بوصاختي.والي سويته وياك حسابك ويايه عوفها ..عمار.....
وكعت ع رجلي تبوس ..دفعتها ..يمه راح اموت ..بس،اسمعني ..كامت تحجي بصوت عالي اني هم ضحيه مو بس انت ..اني هم نخدعت والله ...اسمعني ....اني حبيتك صدك ..
من كالت هلكلمه حسيتها شيطانه كدامي ....
رحت عليها سديت حلكها بأيدي ...ودفعتها ع الحايط اسكتي لا اموتج جوة ايدي هسة ..اسكتي ...ضليت خانكها ..وعيونها كامت ادمع ...
جر ايدي مهند ...
وامي ضلت تعيط ..
وخرت...عنها ..
كتلها بعدنه باولها ....
وكعت سهر بلكاع ..
كتلهم يلا طلعو ...
ضلت امي تتوسل ...
بس يغسلون يايمة ..مو من البجي عيونهم طمست. ..
سكتت ..طلعت للهول ..ورثت جكارة وضليت ..كاعد..
امي مطلعتها ..للحمام ..ومنطيتها مي ...
رحت مكمله ...
قفلت الباب ..
وكتله مهند روح ..لبيتك ..
كال عمار متسوه ضيع روحك علمودها ...
هزيت براسي ا ي ...
ضل يوصي بيه ويحجي كوة
راح مهند
وبقيت بس اني وامي ...
امي بيومها منامت ولا اني نمت ضليت افكر ..
بس ماكدر اروح واسمعها ..ماكدر اسمع جذب بعد ..
بقيت ع هلحال ..لنص الليل ..
امي نامت ...بعد ماحجت كومه ويايه ..حرام ..لو ذبها ..لو سلمها لشرطه..مالها دخل الطفلة ..لو رجال حاسبه ..وماكدر اشوف هيج بعيني عمار ...ليش ضيع نفسك من وراها ..
ضليت رايح جاي ...
فتحت الباب شفت امي ذابه الهم فراش ....وسهر مددةومنومه الطفله بحضنها ....
سهر كامت ...بس فتحت الباب ..
راسا حضنت بتها ...
كعدت كبالها ..
كتلها اسمع احجي ...
عدلت روحها شربت مي ...
كالت عمار والله جبروني ..
كتلها اختصري ...
جاسم وين ..
كالت مات ..
هههه منو موته اني ...
لا لا وراك بسنه كتلو ..
تريدين اصدكج هسة ..
احجي وين ...
والله مات ..
انتي شسمج ...الحقيقي ...
رغد ..رجعنه لجذب ..والله رغد ...
عوفي الله ...
عمار شون احجي وانت مصدك بشي ...
كملي ست رغد ...
منو لعب هلعبه ..
امجد...
يا امجد ..
استاذ الموسيقى ...
وامجد شجابة عليج ..
امجد..يصير رجل ..مرت ابويه ...
اوكفي اوكفي ...
كعدت زين اريد استوعب ...
كملي ..سهر ...
منو مرت ابوج ...
امل الي عود هيه امي..
بس بلاصل مرت ابويه ..واني ..من مات ابويه عشت يمها ..ورة فترة تعرفت ع امجد وزوجته بس هيج زواج ورق ...
..ورثت جكارة ...
كملي ...
وجاسم هوة بلاصل ..اسمه ..علاء ...
ي ..
يصير ..ابن اخو لامجد ..
وعبدلله منو رجل امج ..مدري مرت ابوج ..
ماعرفه ..هذا مجرد ..تمثيل ..
جابه امجد...
كمت اصفك ..حلو ..حلو..
كعدت بتها ...راحت نومتها ...
كالت عمار ...عفية ...ماريد شي بس الطفله ماتت جوع ..
وغراضي كلها بسيارة ..مالها ذنب بيه ...اذا اكو حليب ..بس اشربها ..ابوس ايدك ..
مجاوبتها ..طلعت ..دورت شفت حليب سائل بثلاجه ...
خليتة بكلاص ..وكعدت شرب بيها .وتشرب سهر هم ... ..شربت الطفله..اني كمت دورت بثلاجه شي شفت كيك وجبت باقي الحليب ..اكلت سهر وبتها . ..بس ..الطفلة...
عيونها كلها خوف مني ..صح تأشر عليه ..وماعرف شتكول ..
بس داخل نفسي مقهور ع الطفلة لان عدها هيج ام ..قذرة ..
كملي ...
اني انجبرت والله ...عمار ..بلبدايه ..عادي ..
اجه علينه امجد كال شون صيدة شفت بيها كل الفلوس ...
بس اريدج رغد ..تفتحين دماغج ويايه ..
فهمني..
انت فنان ..وعدك فلوس ..وطيب ...وفقير ..ومزوج زواج تقليدي ..وكال بس يوكع انتي باقي التفاصيل عرفيها ..
كال اريدج توكعي ..لان هذا من زمان جنه انام براسه ..
انطلع كم فلس .منه وعوفي ....
شمرني بطريقك ..امجد ..
اني بس صافن ..على كلامها ..مكدرت احجي شي
امجد جان عندة دورة ..مدة شهر ..بلمعهد
وسجلني ..بيها ..وشفتك..
واطورت العلاقه بيناتنه ..وصارت زواج ..اني هنا حاولت انسحب ..بس مكدرت ابد ..جانو يهددوني بيك ..يكتلوك ..
فكرت اني وياك ننهزم منهم ..بس هددوني . باهلك ..ونجبرت والله ..تذكر من جنت اكولك رووح رووح عوفني صدك ....مافيدك قصدتها ..لان حبيتك والله ..ومردت اذيك ..بس ..
ونجبرت بكلشي ...
بربج ..هسة تردين اصدك هلخرابيط ..اني ..
والله ماكذب ..
جتي قريبه يمي ..
قربت وجهها يم وجهي ..
كالت ليش اكذب تريد تموتني
تقربت اكثر شفايفه طخت بشفافي
موتني ..موتني ..
اني بين ايدك ....
