مرت ايام واني ضايع ....تخبلت ..بديت اشك ..حتى بنفسي ..وخسرت روحي ..و
لا حضيت بمرتي واطفالي ..ولا بحياتي ومستقبلي ...ولابحبي سهر ..وبنتي ...
الكل تركني مهند ..زينه ..سهر ...بس امي يمي ...
عايش وياها ..وتواسي بيه ...صحتي راحت من للقهر ...
والجكاير ..والشرب ...صح ماكو دلليل يثبت وجودها بس اني متاكد منها موجودة ..وهيه سبب دماري
بعد ماخسرت كلشي ...كعدت وي نفسي ....واقتنعت سهر نصابه ..وباكتني ..ونهزمت ...بابشع واقذر لعبه مرت بحياتي وماسامع بيها قبل ...كمت اكرهها ..كل ماذكرها ..ينعصر كلبي ويزيد كرهي الها ..
الي جنت اسميها ملاكي ..طلعت شيطانة ..
الي سميتها قمري ..طلعت ظلام..اسود ...
ووكعت بي اني ...
كلما اذكر شون حبيتها ..اكرهها اكثر ..واكرهه نفسي ...الحب تحول الى كرهه وحقد ..
ضيعتني ..ضيعت اسمي ..عقلي ...عمري ..حياتي كلها ضاعت ..
كرهت نفسي وضعفي وحبي الها ..كرهت كلشي جمعني بيها ...اليوم والساعه والمكان ....انسانه وصلتتي للجنون ..بين اهلي ..حتى وي نفسي ...ايام هوايه اريد اقنع روحي سهر وهم ..بس ماكدرت ..عرفت لعبة وملعوب عليه ..واني الضحيه..ضحيه حبي الها ..وطيبتي ..العميه الها ...
بس اريد اربط شون وليش ..هيج سوت ...مكدرت
ميفيد الكلام ولا الندم ...
قررت اطوي صفحه ..مو صفحة عمر كامل من عمري ...
وابلش حياتي من جديد ..بعيد عن جنس حواء ...
مرت سنين ..
كدرت ارجع ولو شي قليل ..
صح مشاكل بيني وبين اخويه ...
ونعدمت الثقه ...
بس رجعت وكفت ع حيلي ...
رجعت لحياتي ...ولعقلي ..
ولازم ارجع الثقه ..
بس ماكدرت اعزف بعد
كلما اريد اعزف اذكرها كبالي ...
واحس كلبي بي غصة ...واترك كلشي واكوم ...
زينه ورة كل المحاولات بتعدت عني ورفضت اي خط رجعه ...زينه اني جنت بنسبه الها مجرد اله ..وذب فلوس ....يعني بلاختيارين اني غلط ..ولا وحدة منهم حبتني ..الي ...
اما اطفالي اروح اخذهم واشوفهم ..بين فترة وفترة ...
اهلي ...بدو يقتنعون بوجود سهر ..
لان عشت وياهم ...ماكو شي ..اني مو مريض
فديوم دزيت ع مهند ...بشغله ...مهند عاف بيت اهلي وانتقل بيت وحدة علاقتي بي ..مو مثل الاول بس بدت ترجع شويه شويه ...
العصر اجه ..مهند
كعدت ويا ...
كتله اريدك ترجع هنا امي وحدها ..وتعبت ..مابيها حتى تسوي لكمة ...
وماكو احد يمها ..
ودومها تبجي ..
وصحتها تعبت ..
كال عمار اتزوج ...
اني ضحكت ..كتله اخر شي افكر بي ..
كال لا مابيها شي ..ازوج ..
صفنت بكلامه ...
معقوله اكدر بعد ..تدخل انسانه بحياتي ...
كتله الله كريم ارجع يمنه ...
كال هسة دوام الجهال ع العطله اجي ..
اني فرحت وحضنته ...
كتله يلا اريد اطلع وياك ..اليوم ..
سوينه وحدة من طلعاتك ...
عندي شغله وياك ...
بقة يمي ..
اشوف امي تحمد الله والفرحه بعيونها ..
حضرت روحي ..وطلعنه
اخذنه امي ..ودينها يم استبرق ...
وطلعنه بمطعم ...
كعدنه نتعشى ...
ونسولف ...
كتله مهند اريد ..افتح مشروع اني ضجت من هلكعدة ..
كلي عزف لو شنو ..
كتله ماعرف اي مشروع التهي بي طكت روحي ..
هم رزق وهم التهي ..
سهله ..شنو رئيك ..كوفي ..
لا يمعود مالي واهسه ..
محل ملابس ...
هههه شمعرفني بي ...
نزل الاكل ...
وبدينه ناكل ...
كال مطعم...
وانت عليك الادارة بس ...
ولك شفهمني هنوب مطعم ..
ههه ولا اني اعرف ..
شوف اسهل شي وبي رزق..
الاكل ..
بكيفك ...
بس عمورة ..
كول حبي ..
شراكة بيني وبينك ..
صفنت ...عرفت يخاف ..
كتله ماكو مشكلة ...
بيني وبينك ..انت اخوية مو غريب ...
كال عمار اكولك شي بس لا ضوج ..
كول مهند ..
عليك الله سهر حقيقه ..
اني عفت الاكل
ها ضجت ..
لا .مضجت .ي حقيقه والله ...
واتمنى من الله يثبت حقي ...
حتى تصدكون بية مو مريض ..
مهند تعبت ...عمري راح ..صحتي ..
فلوسي ..كرامتي ..تعبان ..وموجوع ..كلش ..
كلي تحبها ...
رفعت راسي صفنت عليه ...
كتله مهند رحمه لاهلك سد الموضوع ..
بعدك تحبها ..معقوله ...عمار صح انت تحسنت ...ورجعت ..لعقلك ..
بس كلما اخابر امي ...تكول اسمع عمار يبجي ..بليل ..
مهند .
.اووف شلك بهلموضوع يمعود ..خليني ناسي ..فدوة ..
لا ماكو هيج حب ..ولك نفرض موجودة ...ومو مريض ..
اني منك اكرهه واشرب من دمها ...
مهند اذا تبقى هيج اروح ..جريت الباكيت ..والسويج ..داكوم جر ايدي ..اكعد ..
عمار اني اسف عفتك ...بوكت محتاجني ..بي ..
بس عبالي مريض ...ومابيدي شي اسوي الك ..
اني مقصر وياك ..سامحني ..وفدوة الك الفلوس ..
وربي ياخذ حقك ..منها ...
هزيت براسي اي ...
نرجع للمشروع شوكت نبلش ..
حب عوفها عليه ...
ولك ابو ادهم فديت ضحكتك ...
خل نكمل اكل ...
كوة كملت اكلي ويا ...
لان فتح عليه باب سادة جنت...
كملنه اكل ..وبدة يشاقة ويضحك ..
شنو رئيك ..نروح ..نسهر ..ونرجع ..للبيت مثل ذيج المرة تذكر ...
اي اذكر هههههه ..لا ولك ..ماريد ..
دكعد امك كوة واكفه صحتها ..تعبانه ..
بربك ...
لا حبي ...
يلا خلي نطلع ...نرجع للبيت ....
طلعنه ..وضلينه نفتر بسيارة ...
درت وجهي وسرحت رحت لذيج الايام الي عشتها ...
اذكر شون جانت تكولي اني بدونك اموت ...
واحبك ...شون جانت تنام بحضني ..تكولي انت ابويه وامي ...نرسمت صورتها ..ع الجامه ..
رجعت ذكرت شسوت بيه ...صحيت ع روحي ..
مهند كال هاااا وين ...
كتله يمك ..
بالي يم امي هسة قلقه علينه ..
ايي خويه امك ..
رحنه للبيت طبينه سلمت ع استبرق ..
ورحت بوست امي ...
كعدت يمها ..كتلها ..راح نفتح مشروع ..اني ومهند ..
يالله خير ان شاء الله ..ربي يحفظكم اليه يايمه ..وضلت ..تدعي النه ...شربنه جاي ..ورجعنه للبيت ..
طبيت لغرفتي اناام ..مكدرت انام اخذت منوم ..عود..انام
ضليت اتكلب ... نمت ..شويه ...
كعدت خابرت مهند ..يلا شسويت ...
كال مرلي اليوم العصر ..
مرت الايام ..ولكينه موقع زين ...وبدينه بشغل ..والتحضير ...
كملنة كلشي ...
وكمل المطعم ...
وبديت اداوم بي ..هيج اكضي وكت ..لو اخذ الجهال ويايه ...
ونضل هناك ..لحد مانعزل ...
بديت ارتاح وملتهي ..بين الشغل ..والعمال ..وسوالفهم
والشقه ..
التهيت ..بلمطعم ..ومهند وامي ..واطفالي ...
تغيرت حياتي ...وكمت ع حيلي ..
ورجعت حياتي طبيعيه ...
