ضليت الليل كله منمته ..ولا اني الي خابرت سهر ..مردت اسرع ...
حته لا اظلم احد ...
بس الي عشته والي مريت بي عرفت ..اني مو بس احب سهر اعشقها لحد الجنون ...الهوى الي مابي اسم سهر يخنك ...الحياه الي مابيها سهر ضلمه ...
ازوجها ...اي عمار ازوجها ..وهيه تحبك..لا تضيع منك ..عشكك ..وحبك ...وتضل تتندم عليه
وارجع وافكر بزينه ...
ليش زينه مايوم حسستيني بحبج ..بهتمامج ..اكثر الايام ..لو تسولفين عن اهلج ..لو تحجين ع اهلي ..لو اريد ذهب فلوس ..فلانه وعلانه ..عدها واثاث ..لو الجهال ..ليش خليتي ..فجوة بيني وبينج ..انقهر وارجع ..واكول سهر التعويض ...
خابرت سهر الفجر ..نايمه كوة جاوبت
الو حبي شكو ..
ماكو سهورة ..
سمعي ..
اسمع ..اكو شي
احبج ..
خرب بيومك ع هاي ولك فززتني ..
لا سهر احبج ..وماكدر بدونج ..سهر ..
تزوجيني ...
سكتت .
الو سهر ..
عمار بيك شي ..حبيبي مريض
تزوجيتي ..
عمار
جاوبي ..
حبي وحياتك..ومرتك ..
مالج دخل رتبت كلشي ..
شلون ..
مالج دخل
تزوجيني ..
عمار اني مو خرابه ابيوت عفيه ..
سهر مفكرتي نهايه علاقتنه شنو ..
لا مفكرت واذا افكر اسكت روحي بحبك ..
شكلتي هسة ..اخر مرة اسالج ..
وراها اذا مجاوبتي اعرف ردج ..وانسحب ..
عمار ..يعني اصير حلالك ...
ي..حبي وتاج راسي هم ..
ولك وابوسك..
ضحكت اي اني ابوسج ..
لعد ..اييييييييييييييييييي....
احبك ..وتبوس احبك ..
انام بحضنك بليل واشم عطرك..
يمه. يمه واصبح بوجهك ..
ولك اييي تعال هسة اخذني ..
ههههه حياتي يمج اسبوع الجاي ..
واهلج شون ..
مالك دخل امي تدري بيك ...راح اكوله باجر ...
لا عليمن باجر هسة اكولها اوكف ..
ولج نايمه ...
اوكف ..راحت ..
اسمع هوسة وحجي ..
جاوبت امها ...
السلام عليكم ..
اني جنت مدد كمت ..
اهلا ام سهر ..
اهلا بيك استاذ ...
امرنا ياغالي ...
والله ام سهر ..ماعرف شكول ..
لاتكول شوكت متجي هلا بيك ...اني اعرف كلشي ومنلكه احسن منك ..وهاي مسكينه ..تعبت ويانه ..واعرف بيها تحبك ..ومالكه احسن منك ...الها
ضليت اشكر منها ..وتفقت وياها ع اسبوع الجاي اجي ويصير خير ..
ختمه وي سهر ..واني فرحان ..الدنيا كلها ماسايعتني ...
باول زواجي مو هيج ...
..وحجيها.. ويايه يخليني هسة اروح اخطبها حتى ماصبر اسبوع ...بس كلت اصبر خلي تجي ام ادهم واضبط وضعي ......
جتي ام ادهم ..بس فراغ بيني وبينها كلش جبير ..هيه ..مقهورة مني ..فوك الي سوته ..وضلت تحجي وتعاتب بيه ...
عمار ...ماتحمل اهلك اني ..
ليش بله ..
ماتحمل وماحب استبرق عساه زوج عليها وكسر خشمها ....مهند
يارب صبرك ..يامرة لا تخليني افقد اعصابي ..
اي اي نسيت شون مهند مرة تعارك ويايه من وراها ...
اكولج عوفي الي راح ..طلعتج برة وصارلنه سنين هنا ومانسيتي ...
درات وجهها لا مانسيت ولا انسة ..
وامي شنو ذنبها ..
امك مممم ..ضل تحجي عليه ومتسكت ..
زينة ملخص الكلام انتي محترمتيني ولا احترمتي اهلي ..
والمطلوب شنو ..
لا سلامتج ..مامطلوب شي منج ولا اطلب بعد ..انتي ام اطفالي وبس ...
شنو يعني
بعدين تعرفين ..
كامت من الفراش وتاشر بصبعها ..
لا تهدد ..ولا تخوف بيه ..عندي بيت اهل ..
ماخاف من شي ...ترة ..
عفتها وطلعت ..اي نقاش وحوار ماكو وياها ..
ضليت كاعد بلهول ...
هل الفترة كلها ..اني ممتقرب منها ..ولا هيه سالت او حاولت ...
هسة كمت افسر تصرفاتها ..السابقه ...اني بنسبه الها ..زوج..متمكن ..وفلوس ومرتاحه .. وفقير ...
بس ..لا حب ولا شي ..المهم نفسها وبس ..واهلها .
بقيت بين اطفالي وبس اما هيه ..هيه سحبت روحها مني ...
رحت حجزت ..وكلت الها مثل كل مرة ...عادي اسافر ..وتحسب عليه ايام ..حتى هيه من تسافر ماحجي ...رتبت كلشي هنا ..وكتلها اتاخر ...سافرت ..ووصلت بغداد ..
بوجهي رحت لسهر ...اني وجنطتي خابرتها
ورحت وصلت بيتهم ...
طلعلي رجال ..متوسط العمر دخلت البيت ..قديم وتعبان ..واثاثه هم تعبان بس ميهمني شي المهم ملاكي اشوفها ..طبيت ..كعدت واجتي امها ...بس متشبها ابد سهر احلى ..ومرة ..سهر كالت اني اشبهه ابويه ..
سلمت عليهم وكعدنه نسولف بس خجلان ماعرف شون احجي ...او ابدي الموضوع .عاد ام سهر كالت ..
استاذ احنه عائله فقيرة ..وسهر يتيمه لا عمام ولا خوال ...
واحنه منلكه ...احسن منك ولا احد يحب سهر مثلك ..بس اريد منك تخليها بعيونك....تعرف جانت تشتغل هيه ..حالها من حال البنات اتريد تلبس وتطلع احنه الراتب يادوب ايجار وعيشة ..فشتغلت وساعدت روحها بدومها وطلباتها ...بس بطلها المسكينه من شغلها الله لا يوفقه المدير ..اني ابتسمت ..يجوز علمود فقيرة ..ويتيمه وماعده احد بطلها
اني كتلها ابد لا تحسبين ولا تخافين كلشي اوفر الها بيت ..والي تحتاجه ..وكلشي ..وتعرفون اني مزوج وعندي اطفال ..يعني سهر تبقى بغداد وزوجتي اهناك ..والله يشهد مراح اقصر بشي ...وياها ..اني اخاف الله بيها ..وبام ادهم ..يعني راح احاول اعدل بيناتهم ..
قاطعتني كالت احنه منريد فلوس بس الستر والله ..المهم انتو متفاهمين استاذ
وبدينه بلتفاصيل ..مرادو مقدم او مؤخر اشياء رمزيه المهم البنيه تنسعد حتى زوج امها ...حجه حجايتين وسكت ..كال ربيتها مثل بنتي ..وكبرتها. .احنه متهمنه فلوس هاي وصخ دنيا..وشتريد تقدم او تسوي فهوة راجع الك ..استاذ
.الي عرفته هوة شرطي ..ورد كال ..انت بكيفك الي تريدة سوي ..الي،شفته ام سهر مضبطه كلشي
صح فقرهه ..وكد حالهم ..بس طيبين كلش ...ماعدهم لا طمع ولا طلبات ....ع كد حالهم
قرينه الفاتحه ..واني كلبي يرجف ...يمكن عدتها مرتين واغلط بيها ...هلهلت ام سهر وجتي سهر ..جابت ..بارد ..
اني ..من دخلت دخت ..لابسه ماروني ...وكعب ..والحمرة الحمرا وبياضها وشعرها .والعطر ..صدك ملاك .....وتبتسم بوجهي ...وكعدت ...يمي ..كالت مبروك عريسنا ..مبروك عليك اني ..اني ماعرف شحجي ..ماعرف جاوبتها او لا بقيت كاعد نص ساعه وراها كمت ..
كلت باجر نكمل كلشي ...
ونعقد ..
اجي اخذكم ..والي تريدة نجيبه ... بس فكري وبالي يم احمر الشفاه ..سلب روحي مني ..اريد اضوك طعمه ...
كمت ترخصت منهم وطلعت ...
وصلوني للباب ...
بس بقى زوج امها ..الي هوة ..اسمه ..عبدلله ...موجود ..وسهر ويا ..ودعتهم ..وصعدت بسيارة..ورحت ...
بقيت افكر ..
اني اسعد انسان .بلعالم ..ماكو احلة من الي اعيشة ماريد شي من الدنيا . بس سهر ..اريدهاا ..وخلي كلشي ..يصير ..
وصلت ..للبيت ...اهلي تفاجئو بية مكلت ولا حجيت لاحد جاي ......خير اكو شي
لا ماكو شي بس شغل عندي ..مهند شغلك كثران عمار ..
مهند سلامتك ماكو شي فتحت مشروع اهنا ..
اني وصديقي ..ودارتب بي .....خير ان شاء الله عمار ..
اجت امي ..هلا يمه خيرك ..
يمعودين شبيكم متريدوني اجي لو شنو
لا يمة بيت ابوك هذا شنو منريدك تعال تعال ..يمه استبرق سوي عشة ..لا يمه خلي نطلع ..نتعشى برة ..
شاورتني شكو متعارك ..بوستها وضحكت لا ..يمه بس مشتاق الكم وجيت ..وعندي كم شغله اكملها...عليه عموري انت وليدي واعرفك ..
بوستها من اديها كتلها بس ادعيلي الله يوفقني بشغلتي هاي ...
ضلت تدعيلي ...المهم محد قبل يطلع ....طلعنه بس اني ومهند ...سهرنه برة ..وتعشينه ..
عمار بربك متغير ..ولك هاي اعرفهن هلسوالف عاشك
اني اضحك ..
كتله لا ..بس شغل ..
عليك الله ..ولك انت اخوية كولي ..
ولك لا تلح بيش طالبتي لا عشك ولا شي ..
صدك اذكرت زين اجيت لازم انلم الايجار . ونحوله للمصرف وتعرف....ودقق الحساب بعد انت كلشي بيدك ..اي ادري ..هم كلت اكملها ..
ولك لا تنسى خويك بكم فلس ...
خابرت استبرق ..وكلها نامي نتاخر احنه ..لا تنتظرونا
تعشينه ..وسولفنه وضحكنه ..نسيت هم زينه ..وكلشي نسيته ..ابالي سهر وبس واعيش اليوم
بيومها شربت ..اني بس بلمناسبات اشرب بس جنت مرتاح كلش ....اتصلت بيه سهر ...وحاجيتها ..برة ..وتفقت ويايه باجر اروح الها الصبح ...اول شي نعقد وراها نرتب وضعنه..
تدللين ياقمري وملاكي ...احبج ...
ختمته وياها
وبقيت وي مهند سوالف لنص الليل ورجعنه للبيت ..نضحك ..مثل الجهال ...
ونخاف لا امنه تحس علينه. ....
امي اذا كعدت بلعودة والله تطردنه ...
ولك اسكت لا تكوم ...
استاذ عمار تخيل نفسك تنضرب بلعودة ..لو بلاسحله الفتاكه هههههههههه ياهيبه..ياكليه تبقى يافشله الفشله
..ونضحك ..رد كال
جوعان ...
فتحت الثلاجه ..طلعت اكل واكلنه ..
كضينها بلمطبخ انكت ونضحك....وناكل بس محد كعد ولا حس
وماحس الا الصبح احنه نايمين بلمطبخ. .بعد مامخربطي تخربط ...بس متغطين وفراش جوانه ....شلون ومنو ماعرف ..كمت امصدع وراسي يوجعني ...اباوع الساعه ساعه سته..الفجر ...كومت مهند ..ولك كوم كوم فتح عيونه شكو ..كتله ماعرف شجابنه هنا ....
