بقيت ع هلحال يومين اني ..متاذي ..تعبت من التفكير ...وهيه ساكته ..اجت عليه بليل كالت عمار ..
انت متسامحني واني غلطت ..
باجر اروح لاهلي ..وكلشي ماخذ ولا اريد .شي .
لا ذهب ولا بيت ولافلوس ..
ردتك الك وحدك حبك الي يغنيني عن الكون كله ..
اني مقدرة كلشي ..واعرف جرحتك
بس بعد ماتحمل هيج تعاملني وكأنما ماكو اصلا بحياتك ..وكامت تبجي وخلت ايديها ع وجهها ..
اني ماتحملت دموعها جريتها ..وحضنتها..كتلها مسامحج..دموعج تحركني سهر ..اني احبج وماكدر بدونج .. ..
ضليت تبجي وتكول انت .ابوية ..واخويه وورجلي ..وتاج راسي ..لاتعوفني ابد ..
ضلينه نتعاتب ...
وعرفت جاسم ..جانت صغيرة من ازوجته ..نجبرت بي . بس ابد موخوش ادمي ..وداخل سجن اكثر من مرة ..وجان ماذيها ..وبلكوة طلكت منه ..وعافته ...
مرت الايام الحلوة بسرعه ...
وعشت وي سهر ايام ماعشتها بحياتي ولا راح اعيشها .
دللتتي بكلشي ..متوكلني . اذا مو بديها ..او حلكها ..وماشرب الا من ايديها ..حتة سبح هيه تسبحني ...
يعني عشت وياها ملك ..وهيه ملكتي ..وملاكي ..وطفلتي..وقمري ..
نسيت كلشي حتى غلطها نسيته مجبور انساه ..مالكه مثلها ابد ..غمرتني حب..وحنان..
صرت ماريد بلدنيا شي بس سهر اريدها يمي ..
بس مجبور ارجع لبيتي .واطفالي ..
هنا اهلي..كلبو الدنيا بسؤال ..والجواب ..جنت دائما اتهزم ..منهم .......وزينة بدت تسأل تأخرت ...هواية
والجهال خبلوني عليك ...
لازم ارجع ...رجعت لبيتي واطفالي ...
وسهر بقت بلبيت وامها واخوانها يمهاىحسب دوام رجل امها اذا موجود تروح يمهم واذا لا همه يجون يمها ..وجنت ادز الها مصرف ...
حياتي وي زينة نفسها ومتغيررت بس اني تغيرت ..
كمت احس بلذنب ...وياها ..
رغم اني ممقصر بشي وهذا شرع الله وحلاله ..
بس موبيدي ....صرت وياها بعد احسن من قبل ...
صح بيناتنه مشاكل بس ...جنت مثل كل مرة اغلس ...
ورجعت لشغلي ....والمعهد ماشي ..بين تدريس ..وعزف ..واصدقائي ...
تبقى سهر ....اني بمكان وهيه بمكان ...قطعه من قلبي بعيدة عني ...لا مو قطعه روحي كلها مو يمي ..جنت كل 20 يوم اروح بحجه النادي الي فتحته بغداد ...ابقى اسبوع او عشرة ايام وارجع ...
واهلي فهمتهم النادي باربيل ..ودخلت ..بدوامه كذب ...
هنا مهند ....ميصدك بيه ..وعرف بس ماكول اله شي ...
طبعا مشاكل اكو بينه وبين استبرق وامي ...
بس مجنت ادخل ماكو وكت ..من اجي اريد بس اروح يم سهر ..واشبع شوف منها ...
عرفت سهر حامل ....بس فرحت اكثر راح يصير من ملاكي ..قطعه من الجنة ...واتفقت وياها قبل لا تولد ..اعلن زواجي بيها ....والي يصير يصير ..مابقى هيج ..واسفرها يمي ..ونعيش سوهه ..صعب فراكها ..كلش صعب ...
فديوم ...جنت بلبيت ...خابرت سهر رفضته ..لان ماكدر احجي ...
دزت رساله اتصل ...ردت اتصل اكيد ...
اني هم تحججت ونزلت جوة ...
خابرتها ...
ها حبي خيرج خوما بيج شي ...
لا عمار ماكو شي بس اريد اكولك شي مهم ...
كولي حبي ...
عمار
نعم ...
ااحنه لازم نترك بعض ...
شنو
رجعنه للشقه التعبان ...
لا عمار صدك..
ليش سهر ..
مثل مداكلك لازم ...تعوفني ..
اريد افتهم شنو الصار ..
ماكو بس احسن الي والك ..
سهر مو بكيفج شنو لازم ..
عمار ...
اسكتي شنو لعبه يمج اني ...وشنو ذنب الي بطنج ..
عمار عفيه لا صعب الامور ..
كتلها جاجيج .اريد اعرف شنو ..ترة اذا ع سالفه العقد محكمه من اجي اعقد مالج دخل ...ليش دتبيعيني بسرعه ..
عمار اروحلك فدوة عوفني وانساني ..مافيدك
نبرة الصوت والكلام جدية ...
سهر ...جاي اني ....
لا تجي وخلص الي بينه ..وسدته ...
بقيت ..مصدوم شنو الي صار ...وليش تريد تعوفني ....
صدك تحجي ..واني ..شنو اموت بدونها ...ماكدر... مجرد مافكر اعوفها اختنك ...
صعدت بدلت ...وسالت زينه وين مجاوبت ..
رحت حجزت لاقرب رحله لبغداد ....ولكيت ..ساعه عشرة بليل .....
رجعت وادك عليها متجاوب ابد ..ادك ع امها نفس الشي ...
تخبلت ...معناها طلعت من البيت ....وعافتني ...
تخبلت ..رجعت للبيت ..مثل المخبل لميت غراضي ...
جتي زينة شكو عمار ...
كتلها رايح لبغداد ..
تخوصرت شكو خير ..
كتلها شغل ...
عفيه شغل يوميه ..
متكولي شنو سالفتك ...
ماكو سالفه ..زينه ..جوزي مني ...
عماار غير افتهم يومية بغداد بغداد ...
شنو جاهل وتروح يوميه يم امك ..اذا متكدر ع افراكهم ..روح كابلهم واكعد ..
ستفزتني..بكلامها ..شمرت الغراض من ايدي ..رحت عليها ..
كتلها والله حجايه وحدة بعد تشوفين شي مشايفته مني بعياط ...
اوي شدعوة ..عيني ..سبينه العنب ...وندارت ..جريتها من شعرها كتلها اسكتي اسكتي ..كااافي ..حسج ماسمعه ..
نصدمت اول مرة بحياتي ..توصل هيج ويانه ...
زادت بعياط وصياح ..والا اخلي اهلي يندموك ومن هلحجي الفارغ ...اني ماعد اتحمل منها شي ..
كتلها اي اهل واخوان الي اني مشغلهم ..لو عايشين من فلوسي. ...سكتت ...
لا عبالج مادري وماعرف كل الف تصرفي عليهم ادري بي ..
ومو من حقي ..اصرف عليهم بس اسكت واغلس واكول ميخالف ...لخاطرج ...
جمدت بمكانها ..
كتلها يلا ام اهلي روحي يم اهلج ..اريد اشوف شون تتحملين ..بيت 100 متر بي 12 نفر ..روحي عيشي وياهم مو مأذيج هسة واهلي واهلي رووحي .وتتحامين بيهم .....ساكته ...مصدومه بيه
اني انهاريت ...
لا طبعا مترحيين هنا بيت وسيارة ..وجهالي احسن مدارس ..واحسن اكل وشرب وصرف ...واني رجال ساكت وفقير وراضي بكلشي بيج ..
وكل هذا وانتي ..نص مرة ...
اني نص مرة ..
اي انتي بشنو مرة بس اكل وشرب وهدوم ..لو اجيب خدامه توفرهن ...الي ..
عمار ماتحمل منك هيج اسكت ...
لا ماسكت عمر كامل كضيته وياج واكول تتغيرين بس لا الطيبه عتبرتيها ضعف ..مني ..واستغفال ..واستغلال لهنا وبس ..وياج ..ياريت تطلعين من حياتي . .اني تعبت منج ..مرتاحيت وياج ابد ...ياراحة الي كضيتها انام بلهول ..واغلب الوكت تنكين اهلك هيج وهيج .مرت اخوك .وياريت عايشة ةياهم انتي عشتي شكد سنه سنتين..وخليتيني اطلع مثل المخبل ..اذكرج لو ناسيه .. لو اهلي واهلي .واولا نفسج وراها اهلج واني باخر شي ..وعمري كله اسمع منج .حجج بلاطفال والبيت ..واي حقوق وياج ماكو ..
عمار ...هذا مو انت الي اعرفك ..
لا اني ..زينة ..تغيرت ..كرهتيني بعيشتي ..و.بسببج اني مزوج وبسببج زوجتي تريد تعوفني ...
مزوج لطمت ع صدرها ...
اي مزوج ...
عدك اطفال ...
ها سألين ع الاطفال ...اعرف سبب سؤالج تخافين لا اموت واحد يشارك اطفالج الورث مو ...زينه اني دارسج ..واعرفج ..وساكت لخاطر ولدي وبس ..
نصدمت ......ماعاد تكدر تحجي شي ..
..كمت رجعت ع جنطتي واسمعها تحجي ..
كملت الجنطة ...طلعت يمها ..كتلها بكيفج تبقين ابقي ..ترجعين لاهلج ..تطلكين..ولدي اخذهم منج ...
عماار تعال احاجيك عمااار عماررر .
عفتها وطلعت ....
ارتاحيت هم سنين ع صدري مثل الحجر ونزاح مني ...
اخذت تكسي ورحت للمطار ..
