وصلت للمطار وماكو شي فكري وابالي ...اريد اعرف سهر شراح تسوي ...انتظار موعد الطيارة احسه سنين ...
وادك ع سهر ..ماكو مغلق ..جن جنوني ....
زينة اتصلت ...بس ماريد احجي ..شي .
جاوبت ..
عمار ارجع ..لاتروح ..
زينة ..عوفيني هسة ..
عمار اذا تروح الي بيني وبينك ينتهي ...
هوة اصلا منتهي ..ويجمعنه ورق واطفال ..وفلوس ...
خوش..الا اندمك ..
هههههه سديته ...
تندمني ..اخ ربي ..وين راحت سهر ..
احس راسي نار ..طبيت غسلت ..باوعت بلمراية ..عمار انت ضعت ..هنا ..بجيت ..بجيت اييي وبحركه ..لان ماكدر اخسر سهر ..احبها ...جنت اضحك من اسمع رجال يحب مرة ويخسر بيته او شي ..اسمي جاهل او مخبل ..هسة اني تخبلت ..وكفت مسحت دمعي ..وغسلت ..وجهي كلت اقوى ابو ادهم مو مرة الي تهدك ...اقشمر ع روحي جنت ...
طلعت ..دخنت ..وراها صعدنه للطيارة ورة الاجراءت..وطارت احسب اللحضات والثواني بس اريد تنزل ..تعبت كلش ..
ننزلت كملت الاجراءات ..اول ماطبيت بغداد ادك عليها مجاوب ..ماعد اكو صبر ..اخذت تكسي ..واني كملت باكيت جكاير ..بس ادخن
كتله للسايق حبيبي بس اريد اسواق شي اشتري جكاير ..الولد مقصر وكفني وشتريت ....مشينه ..ضل يسالني شبيك شكلك قلق ..كتله حالة وفاة ...وضل يسأل بيه ..اني احاول اختصر ..
وصلت جريت جنطتي وطبيت للبيت اكو ضوة وصوت جوة ...
فتحت الباب ..لكيت ام سهر ..واخوانها موجودين ..
كتلها وينها سهر ...اهلا عمار حمدلله ع سلامتك ..سهر نايمه مالها خلك تخربطت
شبيها ...
مال حمل عادي..
طبيت للغرفه نايمه ..كعدت يم راسها ..كتلها سهر سهر ..
فزت كامت حضنتني ..
كتلها راح تموتيني شبيج..
وخرت عني ..عمار عوفني ودارت وجهها وتبجي
لزمتها كوليلي شنو السبب بيج مرض ..قابل والله مات الطفل راضي ..ولج ماكدر اعوفج ماكدر افتهمي ...
عمار..اذا تبقى ويايه راح تخسر كلشي ..
شخسر هههه هوة اني خسران ..
عمار جاسم يهددني ..
كمت جاسم منو
طليقي ..
شيريد ..
اووف ماكدر احجي
احجي شيريد احجي لا ضلين تلعبين ع اعصابي..
كالت من جنت مزوجته مصور كل علاقه ويا ويهدد اذا مانطي فلوس يفضحني ...وينشرها بكل مواقع التواصل ..
اني حسيت نهد حيلي كعدت كتلها ..
اكو قانون ومحكمه وناخذ حقنه منه ..
عمار هذا عصابجي ..متعرفه انت شر اسود ..
انطي فلوس ..اجتي يمي ..
كالت لا عوفني مالك ذنب بحياتي .وماضيها ..
دخلت امها ...
كالت كتيله ...
هزت براسها اي ..
والحل شنو ..
كتلهم الي يريدة انطي اله ...
ماقبلت لا سهر ولا امها ..بس ضليت الح ...
اخذت رقمه وتصلت بي ..
مرحبا جاسم ..
ايي منو ..
اني عمار زوج سهر ..
هلا شتريد ..
انت شتريد
اريد مرتي ..
يامرتك هاي زوجتي وحامل مني ..
اي انت اخذتها مني ..
كول شكد تريد ..
بشرط تنطيني كلشي تملكه عنها ...
لا مرتي واحبها ..
كتله اسمع كلمه مرتي ماريد اسمعها ..وميهمني تنشرها او لا زين اعرف سهر شنو وانت سكط لو ماهيج ماتنشر شي يخص عرضك ...
يلا يلا لا ضل تشمر علية ...
شكد تريد ..
كال المبلغ ..
اني صفنت هوايه كلش ..بس سهر تستاهل عيوني وروحي ..كتله سهله باجر يمك ..
سديته منه ..وسهر وامها يحجون ليش لا تنطي هذا هيج هيج ......
كتلهم مالكم دخل منا لباجر ارتب كلشي ...
المهم انسي اعوفج انسي ..ضلو يحجون ..اني المهم سهر متهمني الفلوس
راحت امها ..كتلها سهر متهمني فلوس المهم انتي ..حتى لو اعرف اموت اني ...
اسم الله عليك حبيبي بس ماريد ادخلك بهمومي ...وحياتي السابقه انت مالك اي ذنب بيها ..بس هذا نذل يريد يخرب عليه حياتي ..كال ماخليج تعيشين مرتاحه وصدك سواها ...
فدوة الج انسي ..وكلمه عوفني ماريد اسمعها ابد ..
دقايق وامها كالت اني مضل وكت اروح باجر اروح وحنام بلغرفه ..عمار خوما ضوج ..
لا ام سهر البيت بيتكم ..
بقيت يم سهر بلغرفه ...وحمدت ربي بعدها ويايه ..صح جان يوم متعب بس مجرد ماهيه يمي ...ارتاح ..وهيه ..شكو غضب وتعب ..وخرته عني ...
مر اليوم ونمنه جنت تعبان ...
كعدت الصبح ..ورحت للبنك سحبت فلوس ...
ورجعت للبيت ام سهر ماكو كعدنه ..وتريكنه ..كتلها راح اخابرهه ...
كالت عمار عوفه خلي يولي...
لا لا زم اخلي حد حته نرتاح...
خابرته تفقت ويا بمكان ...
رحت شفته ..شكولة مال مجرمين ...ماعرف سهر الملاك شون زوجت هيج انسان ...
اخذ الفلوس واخذت كل الفيديوات والصور ...وكتله انسة سهر وطلعها من حياتك اني دارس قانون ترة اذبك بمصيبة متطلع منها ..اخذ الفلوس واراح حتى مجاوب
ورجعت ....اول ماطبيت ...
طلعتلي سهر ...ها شصار ....كتلها مصار شي ..اطمئني
جبت نفط وخليتها بتنكه قديمه وحركت كلشي حته ماشفتهن حتى لا انقهر ...المهم هسة ..... الي الراح ميهمني ابد ...ضلت واكفه يمي كتله ماضيج احترك ماريد اسمع شي عنه ابد ...حضنتني وطبينه جوة ...
كتلها سهر شغل هوايه واكف عندي راح اروح اكمله دام اكو وكت ..واكو فلوس لازم اجمعها وفوائد ..واخليها بلبنك ..وانطي منها لاخويه وامي وادز لاختي ...
بليل اجيج ...
مكالت شي ..ودعتها وطلعت وحسيت ..ارتاحيت بعد ماكو شي يتعبني بعد ....راح نرتاح
رحت اتفقت وي ..ابو فراس يجمع الفلوس ..لان المرة السابقه مكدرت اجمعها كلها ...التهيت بزواجي ..منها ...اني اخذ اجار سنه كامل من الأملاك ......واضمها ...
الظاهر جان جامعها ..اخذته ..ورحنه للبنك ..خليتهن ..وطلعت حصص اهلي ....
كملت شغلي ..ابو فراس جان صانع يم ابويه بصغرهه وصديقه وكلش امين ..تقريبا الشغل بأيدة هسة ...شكرت منه ...ونطيته راتبه ...ورجعت ..
خابرت سهر كلشي تمام ..ماكو شي اخاف منه بعد ...
رحت لاهلي ..هنااا بدت ..
قبل لا اسلم ..استلموني زينة مخابرتهم وحاجيه الهم الي صار ...
وبدت رحمه الله عليه ...هلكد ماحجو كلامهم ماعاد افهمه بس الي عرفته اطفالك مرتك خطيه ..
كتلهم خلص خلص زوجت ..لحد يحجي براسي بعد ..قرار واخذته وماكدر اتراجع عنه لان زوجتي حامل ...
هنا الكل سكت ...ورجعو عليه ..
عطت بيهم بسسسس حلال وشرع الله لحد يحجي ويايه ..وزينه ممقصر وياها بشي من اقصر احجو كلامكم ميقدم ولا يأخر عندي ....
بعد مدة الكل اقتنع ...حتى زينة سكتت ...بعد مشاكل هوايه صارت ...اني ..بديت اتغيب عن المعهد لحد ماسديته لان وكت فراغي انترس ..وماعاد ..وكت اعزف ....لان سهر اجمل لحن مر بحياتي...
بقيت بين سهر وزينه ...زينة سكتت.رضت مو حبآ بيه ..حبآ بللي اقدمه الها .....
ومرت الايام
فديوم يم سهر ...وهم اتصل جاسم ..يريد فلوس هلمرة المبلغ اكثر بهوايه ......
كتلها جاسم يريد فلوس ...
كالت عوفه لا تنطي ...
كتلها يكول الف نسخه عندي ...
شسوي اني فهميني ..كامت تلطم ع وجهها وتبجي عوفني عوفني سهر بطنها كبرت ...ابد مو مال اعوفها .....وعرفت راح تجينه..بنيه.. قمر ...ماكدر اضحي بيها ابد ....ماكدر اموت بدونها ...
ضلينه نتناقش اني وياها والحل شنو ..هنا هدد باسمي يعني ينشرها ..ويعرف الكل هيه زوجتي ...بقيت صافن ومتحير ...
سهر كالت عمار حل واحد ونخلص من جاسم ...
كتلها كولي ...
تسمعني ...ومتحجي
ي كولي ...
نقتله ...
شنو
نقتل جاسم ..
ولج شون يعني ..
نقتله خلاص ...نموته
سهر ...
ي عمار نقتله ونعيش حياتنه اني وياك ونسافر ...ونخلص من كلشي اني اعرفه هذا ميجوز مني ...نقتله ...ونرتاح ...
