That Frat Leader (TFL SERIES #1)

BOOK 3- Chapter 24

CHAPTER 24

"And I let go of her so she could be happy with Damon."
-HDA

"Sisipot pa ba 'yon? Duwag talaga siya." Inis nang sabi ni Ian dahil mahigit dalawang oras na kaming naghihintay kay Charles.

"Sinubukan na siyang tawagan ni Kuya Damon, pero hindi siya sumasagot." Sabi naman ni Arza.

"Edi umalis na tayo. Hindi na 'yon sisipot."

Hindi siya sinagot ni Arza. Huminga ako ng malalim. Bigla akong kinabahan dahil alam kong may binabalak si Charles. Kung hindi siya sisipot, bakit? Anong gagawin niya? Paano si Marie?

"Ate Gibrielle!" Tawag nina Arza nang maglakad ako palayo sa kanila.

Sinundan nila agad ako nang lumapit ako sa pwesto nina Damon. Lahat sila nakatingin sa akin. Hinawakan agad ni Damon ang kamay ko pagkalapit ko sa kanya.

"I'll call Charles." Sabi ko.

"Don't,"

Umiling ako. "Kinakabahan ako sa binabalak niya. Paano si Marie? Kailangan niyang sumipot ngayon!"

"Kung talagang balak niyang ibalik si Marie ngayon, nagpakita na siya kanina pa."

"Pero patalikod lumaban si Charles."

"I know. That's why I don't like your presence here. I don't want to jeopardize you."

"Pero ito ang gusto ni Charles. Dapat tayong dalawa lang dito. Sigurado nakita na niyang mas marami tayo kaya hindi na siya sumipot."

"Then he's really coward. Gibrielle, I can go here myself. Pero hinding-hindi ako papayag na sumama ka dahil mapanganib si Charles."

Napailing na lang ako. Hindi kailanman mapapanatag si Damon hangga't nandito ako. Naiintindihan ko 'yon. Pero kakaiba mag-isip si Charles lalo na kung hindi masunod ang gusto niya. I just want him to stop.

Kinuha ko ang cellphone ko sa bulsa. Dinial ko ang number na ginamit ni Charles para itext si Damon. Nag-ring ito at mas kinabahan ako nang sagutin niya ito.

"I was waiting for your call, Gibrielle." Bungad niya.

Nagkatinginan kami ni Damon. Sumenyas siyang i-speaker phone ko pero kaagad dinagdagan ni Charles ang kanyang sinasabi.

"Subukan mong i-loudspeak papatayin ko si Marie."

Umiling na lang ako kay Damon. Pinisil niya ang kamay kong hawak niya.

"Nasaan si Marie?" Matatag kong tanong.

"It's for me to know and for you to find out." Humalakhak siya.

"Charles, please ibalik mo na siya. Ako na lang. Sa akin ka naghihiganti diba? Huwag mo na siyang idamay."

"Gibrielle!" Sigaw ni Damon.

"Aww. Ayaw ng boyfriend mo e. Nagseselos yata." Tawa ulit ni Charles sa kabilang linya.

"Nasaan ka? Ilabas mo si Marie. Lumabas ka. Huwag kang duwag!" Sigaw ko.

"Take it easy, Gibrielle. Magkikita rin tayo soon."

"Si Marie? Nasaan si Marie?"

"Bakit mo hinahanap ang karibal mo sa puso ni Damon? Ano? Nawawalan na siya ng oras sayo dahil sa paghahanap diba? Hihintayin mo pa bang masaktan ka dahil ikaw mismo mararamdaman mong hindi na ikaw ang nasa puso niya?"