فراشات بلا أجنحه

مشهد

فراشات بلااجنحه
...مشهد....

انكسر خاطري عليه خطيه ساعه يصوفر
خلي اروح أقنع نبع الحنان..
دخلت للحمام وشفت الملابس بسطله
ويرادلهن شطف...صحت على امي الي دتحضر العشا
-يوم رايحه اصعد فوك السطح اشر الملابس..
لاتشريهن انتي...صاحت عليه
-اي شريهن عدل مو شلون ماچان..حتى مااكويهن
وبسرعه نزلي قبل لا تغرب الدنيه
-صار يوم لاتخافين اشرهن قطعه قطعه..
ويا غروب بعد وقت...توها بلخمسه
بديت أعصر بلملابس واشطفهن
واعبيهن بجدرية مالت ملابس...
خطواتي واني أصعد الدرج...وكلما أتقدم
اسمع صوت صفيره.. وگلبي يخفك
سوده عليه انبح صوته لحتى يشوفني..
صارله ساعه يصوفر.....
فتحت باب السطح
نزلت الجدريه للكاع..ورفعت اول قميص نكته
وشريته وخليت القراصه مال ملابس..
عيوني أدور صادق أشو ماكو....استوه صفيره
يدلي التايه...
اشر الملابس عل حبل وعيوني للسطح مالتهم
أثنين ابيوتنا بسياج واحد...بس عالي
خليت طابوكات...وصعدت عليهن
مديت راسي واشوفه كدامي...كمزني

-هاي شنو صادق فززتني...
وين چنت...ضحك بحسره...وهو يرفع ايده يرتب شعره
الي بكلته تلمع...
-عیون صادق..... وعلي الفحل أنتي
ظالمه راح صوتي
ماكو حمامه مااجت على صفيري...
ماكو طير ماعشعش هنا

حتى حمامات المحافظات اجن...
وانتي ماكو...
من تلاثه ونص للخمس
راح بلعومي
تالي نزلت أسويلي چاي واورث جكاره
وهيچ کلت قبل لایأذن المغرب اصعد..
ماتوقعتچ تجین...
ایدي على سياج..واسمع للسوالفه...
-شلون مااجي غير أموت

-عمري يفدى العمرچ لاتجیبین سیرة الموت..

-خلاص شراح اسوي...
ترى اخواتي يسمني ام السطوح

-عادي وخواني يسموني أبو السطوح ههههه
لا صدك حبي تسنيم اني همات..تعبت
والطيور تعبن...ماخذهن كباله
لأن كلساع مطيرهن...
باچر آجي اخطبچ مابیها مجال...

-صدك تحجي..
-وداعت كل زاجل"وأروفلي"ربيته وكبرته وزوجته
إجي اخطبچ..
ونزوج ونسوینا بیت...
مثل گن الحمام...
-گن حمام...عش طیور...میخالف

-لابربچ مستعجله...تردین تزوجین...لعد شکول اني
صوت رمي قوي صار....من الخوف تحركن الطابوكات
وكعت على رجلي...
ماكدرت أكوم...
مااشوف اله صادق طفر على سطحنا...
وبعيونه خوف عليه...
خوف وحب....
وهو يشوف رجليه
-اووف ربي الحمدالله ماكو كسر
روحي نزلي تسنيم رمي قوي....
عيوني له واني أراقب ملامحه وحركاته
وهو يتفحص أقدامي بحنيه حلوه...
كام وهو يدير راسه على سطوح الجوارين خاف واحد
يشوفه على سطحنا
وهو على السياج جاي يعبر...كال
-حبي الباچر اجي أخطبچ...صادق مایعوف تسنيم
نصیت راسي...
-لا يابه لا تخجلين...ترى جاي اخطب
ماجاي...؟
طفر البيتهم واسمع صوت والدي جوه يغلط
اخذت الجدريه بيدي...
ونزلت بسرعه
والبيت مخبوص الكل يصيح ويغلط
وصوت والدي الي هز البيت...
-دنعل شرفهم من جوارين

.........
حبايبي اشتاقيتلكم كومات...وتعليقات الي تلكوها جوه مالها علاقه بلمشهد...
لان تعليقات قديمه😘😘😘
مااطول عليكم