فراشات بلا أجنحه

الجزء الحادي عشر

🌷

رجعتلها روحه وهي تاخذ الرساله من سوسن..
دنت سوسن عليها
وعيونها للرساله
ومقهوره على وضع تسنيم
تريد تغيرلها جو وبضحكه تسألها

-خلينا أنشوف شكاتب حماي......خلت الرساله بورى ظهرها  مثل شي ثمين خاص بيها

-لا محتشوفين شي
بس أني وياه
هيچ كال صادق ألحب أذا الكل عرفه يخرب....كامت سوسن تعدل عبايتها

-أي طردين عيون...
يله عيوني أترخص لا تجي نوريه
وتشوفني جايتكم وانتي ابقي أقري الرساله....مشت خطوتين وكفت
...أحمد كلي أسأليها شنو تريد
وشتحتاج لأن أنتي وصية صادق....
.كامت على حيلها ولاچن من لحظه جانت طريحة الفراش...

-أشكرچ سوسن ....
طلعت سوسن تارکه تسنیم تقراء
وتعيش ألحب بسطور كلمات صادق...فتحتها
وعيونها دامعه من الشوق..
السلام عليكم
أاااه شكد مشتاقلچ حمامتي....
واشکد آتمنی کدامچ هسه وأكول أحبچ..
واشکد بگلبي

حبيبيتي برغم حبي بگلبي محد يعرف بيه
واشكد أحاول مااخلي أحد يعرف حبنا..بس شوقي وحنيني خلاني لازم أكتب ألچ

حمامتي
أولا مشتاق ألچ وتدرین حلمي أدخل عسكريه
لأن الجهاد باب من ابواب ألجنه......

وهنا رغم التعب"والجوع"وتدریب قاسي...بس يهون كلشي
لأن الوطن يريد أبنائه...ولأكثر ألمصبرني هو أنتي

أريد أبشرچ أطمأني
من چنت أشتغل قبل لا ألتحق
جمعت شي قليل لان تعرفين أنطي مصرف الامي
ولا زم تاخذ......
هسه دكولين ليش مجمع قليل برغم أهلي بستانهم
يعيش عشيره.......

بس لازم أنطي مصرف حالي حال اخواني
أمي وأبوچ نفس الطبع هم النهار كله یتعارك

أخواني ميسكتون يجادلوها بالكلام
أني أسكت لان أحب الهدو.......أ

افلوسي ألمجمعهن
بيهن بيت بلعشوائيات....بيت يلم حبنا
يعني أحسن من الاجار...وأحسن من أن نزوج وسط عائلتين تحب ألمشاكل...

فالحمدالله دبرت مكان النا...يعني بيت بيوت نسوينا
ومن الله يرزقني أسوي الأحسن

أحبچ تسنیم...أنتظري رسالتي ألجايه وهذا رقمي
اشتريت موبايل يسموه طابوكه
صدك مستعمل بس أكدر أسمع صوتچ بیه خابریني

كامشه الورقه
تردد برقم ألى أن حفظته على قلبها
كامت تسحب ألنفس كوه تصعد للسطح

خطت خطواتها ِلدرج...
جرت نفس وهي تشوف مكانهم ...
تمشت خطوات
ترتجي على ألسياج..تباوع للحمام يلكط حنطه
صافن مثلها حسته يون...دمعته عيونها على موقف الحمام
(ألحك أو الحب)مالهن خالي من ألماي....ويجوز موجود
بس شوكها هيچ خلاها تتخیل...

أون عليك طول أليل لوجن
ومالوم لعقل بهداك لو جن
مثل طير الحمام عليك ألوجن
وذكرك كل صباح وكل مسيه