فراشات بلا أجنحه

الجزء الثامن

...بارت الثامن🏵
....نازك الحمراني...

.............
طلع هادي للبستان وياه تسنيم...يدردم...
ويلخف السروال...
مايرفض طلب الأبوه ولي يريده يجيبله التمر ...
ويحمل اسلاله للبيت...
أخذ وياه تسنيم بعد ماضربها راشدي.. لأن ممرتبه كنتوره...وشايله خشمها عليه

ضايجه منه
وهو يدردم عليها..
علاقتهم مد وجزر...مبنيه على عدم الاحترام
بسبب
وضع البيت...
دائما الضحيه تسنيم لأن البنت الصغيره..ولأن تاركه المدرسه محملها مهمة ملابسه....  بعصبيه

-باعي حقيره... مو مثل ذاك اليوم....من أنزل عثك التمر إطشرينه لا تحركي هواي...

-لاتغلط...واني أمعليه أنت شمرته چان وكع علیه...

-وذا وكع عليچ الوسفه....دیله بسرعه خلينا نكمل
أريدچ من تخلصین ...ترجعین تکوین ملابسی...
ومحمد ياتسنيم أذا لكيتهن شلون ماجان مكويات أجنزج وراي دوام

-لابله خوفتني.....وكف بطريق البستان عصبي
رفع ايده يريد يضربها....

هل أيد الي شافها صادق من مسافه
تريد تنمد على حبيبته...
شمر الكرك البيده ركض بطريقه غير مباشره
حتى ميحسس هادي...لأن حس الايد أنرفعت عليه....صاح..

-لك هاااااادي.....أندار على صوت يصيح أسمه نزل ايده عن أخته
شاف صديقه وجاره صادق....
عض أصبعه متخوف
يحب صديقه صادق...بس ميريد مشاكل وي أبوة

-خرب بليس باع حظي هسه أبوي يشوفنا نسولف
وشيفكنا من الحچي...مو تفتنين عليه ترى هذا صاحبي
وأخو دنيا ...والله اذا سمعت رائد يعرف أني أحجي
وي صادق أجنزج...

-أوي شعليه بيكم...رايحه أفرش الكواني منتظرتك

أبتعدت تريد تغطي خجلها...ونظرات صادق الها يغمز
يكلها مخليته يضربج...
كعدت يم النخله الي متوسط بستانهم.....أشوي واجى هادي شمر الحبل....
يتسلق النخله برشاقه...
بيده المنجل يكطع العثك......شمره شالته وخلت بلکونیه....
متخوفه وتمنت ميجي صادق لأن متوتره كلش
....مرت الدقايق
بین محصول تلث نخلات التمر هي وهادي ألي كلها...
آخذ بيده سله...
اجت تمشي وياه.

-لا لا روحي رجعي نسيت المنجلة روحي جيبي
لأن هذا منجل أبوي

-ماابيه حيل أنت جيبه....صاح

-روحي أم أللسان ........وكفت وهو راح
تباوع الظهر تراقبه شلون تركها هنا وحده...

تعرف صادق مو بعيد عنها ورى النخله يراقبها
تمنت تتوسل اخوها....متبقى هنا
لأن تعرف نفسه كل وضعها يتغير من تشوف صادق

وحتى الي ميلاحظ رح يلاحظ حبها...يارب نطيني القوه
ألتفت بعد ماحست أله بعطره.....وحرارة جسمه

-ألمن جاي لايشوفنا احد ماحود......بابتسامه واثقه

-حبيت بس  أكلچ أحبچ...بس هسه لازم أسألچ..