فراشات بلا أجنحه

الجزء الثاني

🌺مسائكم رحمه🌺...
.....نازك_الحمراني........حبايبي هل مره السرد غيرته الانا المتكلم محبيت الرتابه حبيت التغيير والتنوع
......................
.........................

جانت نيران الحقد مرسومة عالوجوه مثل لوحة مختلطة الالوان وجوهم تشوفهة محمرة
مصفرة بيها متخوفة من الموضوع كلة
بس الزلم هنا تكابر بيها
وبيها من كد الحقد الي عماها صارت ترجف وترعد وهي تصيح...

- الثار ما نرضى الا بالدم ...
رجعت تصدح هل كلمة بين الزلم و اندمجت حروفها من كد ما الكل يصيح بيها ...

جان اكو زلم واکفه من الجهتین....و وصياح الثار تكرر وهل مرة بأكثر حدة واصرار

الثار"ألثار"ألثار...
حجي أبو حاتم لازم أحفاده ياخذون ثاره.....لأن أبنه الوحيد حاتم مات وياه....
ولد حاتم واكفين سبعتهم....وبعيونهم شر"وحزن
وبالهم شي واحد...
أخوهم من أبوهم رضوان هو ياخذ ألثار...

بس مهمهم أنو رضوان هو صاحب المصاب...
صاحب العزا وحده
رضوان كاعد بوسط ألمضيف...
والشماغ منزله على وجهه من ألحزن على جده حجي ابو حاتم

برغم الي مات وياه أبوه...
بس هو يعرف أدموعه تنزل بس على جده ابو حاتم.....
أي بس جده لأن يحبه وحنين عليه
جده الي احتوى من زغره.....

لأن والده حاتم چان مزوج أتلث نسوان
وأزغرهن امه...
الي من عمره سنتين...حتركة بتنور وماتت...
وضل رضوان جوه ايد اخوته ونسوان ابوه....
ولي حاقدات عليه مثل حقدهن على أمه

يضربنه بلخيزران ...
الحد ميغمى عليه........
خلن أخوانه يكرهونه"يحقدون عليه

هنا رضوان حس الدنيا والوكت صار عليه وهو عمره
ثمنطعش سنه....
هسه حس صدك بليتم...من مات جده..

راح جده بعد ماانغدر من عائلة أبو أبو أسامه...
ولو يعرفون عائلة أبو اسامه طيبة حجي أبو حاتم
ماچانو یقتلو علمود چیاس حنطه
ماچان یتمو رضوان الیتیم....

رجعت الأصوات تعلى بلمضيف وهل مره تصيح باسمو رضوان...
بس رضوان زلمه ممزوج...بس رضوان ماعنده مسؤليه
هو ألي ياخذ ثار جده...
وثاره ابوه....من أبو اسامه واخوانه....

هل أصوات تسللت الأذنه
اصوات "حاقده "هاربه من المسؤليه
كفكف أدموعه وكف بحيل صدره...وكال الاخوانه وعمامه.....

-عندي سبع أخوان وعمري ماسمعتهم يصيحون بأسمي
لو يكولون أخونا رضوان...
وصدك كالو اخوك من أبوك
مثل گوم الرافکوك.....
سبعه مابيكم واحد يتمنالي الخير ياولد حاتم...

اعرف من زغركم ماتحبوني...
ومن زغركم حتى المخده تجروها من جوه راسي...تخلوني انام بلكاع

حصتي من الاكل تاخذوها...وانام جوعان..
وعيب على الزلمه بمضيف يكول جوعان

بس أني أكولها حتى يعرفون هل ناس
شنو انتم من أخوه...