فراشات بلا أجنحه

تكمله البارت ماقبل الاخير

فراشات بلا اجنحه
....نازك الحمراني...

بدت تقرا الرسائل وجسمها يرجف قهر
مغص الولاده أجاها..ترجف والموبايل بيدها..

فاتحه حلكها على كذبه الي فاق خيانته..
تعيد قرائت الرسائل...

كلمات مغريه،حميميه..
نار شبت بقلبها متكدر توصفها عقلها بهل دقيقه افكار هواي يسأل ...
شلون أمنت بيه يتوب رجعت للاستوديو

رسائل،صور،مقرفه...تلتفت يمنى يسرى مثل ألتايهه بين الوجع،بين الخيانه
ألم أقوى من ألم..
أحساس أوجع من أحساس ثاني..

ألم الطلق لو ألم ألخيانه...

ضاغطه على شفافها
تريد  تنسى قهر ألخيانه وتفكر بالم الطلوك
وتريد تنسى وجع الطلوك وتفكر بقهر ألخيانه

كاعده على كرسي تلوب ماسكه ظهرها...كامت تمشي خطوه..
تنصي جسمها من الوجع...

ألمن تحجي والكل يعرف شنو بيها...ومحد يساعدعا
بنتها نايمه
صار عمرها سنتين متعلقه بأبوها...

سدت باب الغرفه.....
محضره جنتطت الولاده
دخل ليث لحيته كبرانه لأن حزين على أبوه
أي حزن وهو مخلصها بين ندى،ونهر....أبتسم ألها

-شلونج حبيبتي....أجى يبوسها بعدت منه
صاحت عليه على صفاقته

-ليث ليش....كعدت على كرويته نصى عليها..
يسألها برائه متقنه

-شصاير هل مره..
شكلج تعبانه أخذج للمستشفى
ايده على أفخاذها خايف عليها من الوجع يستشعر رجفت جسمها الموجع منه

تبجي ألمين..تهمس بحشرجه

-ليث رجعت ألهن لو الها ...مو حلفت دين قسم..
وك انت احد مسلطك عليه....مد موبايله

-دوري بيه أصلا ماكو أي شي.....والعباس بريء
شوفي بيمن أحلف بعد...حارت بأمره شسوي..زاد الم الطلوك

حبيبتي كومي اخذج للمستشفى..مكدرت تستوجبه ولا تحجي...

مثل كل مره ياخذها والكل يشوفه الزوج الخايف على زوجته....

اله هي تعرف مكره...دخلت عمليه لأن ماي الرحم ناشف...

كعدت بعد البنج بيد ليث أبنها ...طفل ثاني من اب ماعنده مسؤليه....ضحكته ماليه وجهه

رغم الوجع الي بتسنيم..لكن شافت نظرات وغمز بين ليث وممرضه...
من شاف تسنيم كعدت نصى عليها باس راسها

-حمدالله على السلامه خوفتينا عليج حبيبتي ام حور
وكفت الممرضه تاخذ الطفل من ليث..بين ماتاخذه تعمد ليث يطخها...همست اله بخفه

-أبنك يجنن عليك نفس العيون
ضحك ياشرلها معنا نطلع
يومين هي بلمستشفى وهل ممرضه صارت
بديله عن نهر..

نظرات تسنيم الهم صارت بلا مشاعر...
بسبب التعود...

التعود يقتل أجمل شي داخل الأنسان..يقتل الفرح،الأحساس لذالك نظراتها الهم صارت خاويه...