فراشات بلا أجنحه

الجزء السابع وعشرون

...

❤مسائكم محبه❤
....نازك الحمراني.....
.....برتوت .

#فراشات_بلا_اجنحه....

مو كل الاشياء نختارها.. .ولا كل شيءنحبه يصير النا ولا كل شغله نختارها نلكاها ...أكو اشياء تنفرض علينا
ولازم نرضى بيها....ومنها الزواج...
وبين النصيب والنصيب والقدر....هناك مقبره أندفنت بيها نصف مشاعر الناس....

تسنيم تحاول تنطي ليث مجال خصوص باكثر من موقف يثبت حبه الها..
بدت تتقبله بكل احاسيسها..لكن طيف صادق عمره ماتركها...

بدت تحاول تخلي ليث يترك الشرب متحجج بكلمه
-الخاطرج كل اسبوع قوطيه...

تسكت عنه الاجل متتكرر بحياتها تعاسة أمها وخواتها
لكن القدر رسم نقش بجبين الأم انطبع بوجهه بناتها

مرت الاشهر بين حرب عمتها وحمواتها الكل بدى يكرها
متحجج أنو متلوك اليث ناعمه وزغيره

بيومها راحت الاهلها زياره لان تشوف اختها نهال...
بعد ولادتها المتعسره....

دخلت للبيت بعد أن ودعت ليث بأبتسامه حلوه
سلبت قلبه ياشر الها بعيونه انو يرجعون للبيت..

اشرت لا..،دخلت عيونها للسياج وضحكة صادق الي كلما تنظف الطرفه تشوفه...

صوت منال زوجة باقر..من ورى الباب مشت تسنيم تفتحه التقت عيونها والضحكه ماليه عيون منال...
وجهه راجعه النظاره بيه...

-شلونج تسنيم خيه ماشاء الله رجلج يجنن وين لكيتي
مجاوبت تسنيم اله بسوال ثاني

-شنو التغيير منال وج معرفتج...ضحكت منال فرحانه

-وج عيني باقر وكع ذيج الوكعه أخت الموت..جان يتشربخ على النخله يلقحها...وعلى ظهره الوكعه

وتعرفيني رغم ظلمه اليه بس هو جناحي وسندي لان بعد عيون امي وابو الله يرحمها محد يسأل عليه..

داريته ماي العيون..وجان ضايج مني..بقيت اغسل اله
اداريه اطلع من الفجريه اشتغل شغله..لحتى امه متحاسبنا...

هو مجرد ماصار زين...طلع الضامهن الفلوس وشرينا كاع وعلى راحتنا بنيناها اني وياها ودريد واحمد...

وهسه صاير مايحلف اله براسي...من صدك ربج عوض تعبي وياه،عوض دموعي وعمتي قاطعته لان كالت اله
بس تعزل تنسى أمك....هو مكال باطل

تقربت تسنيم تباوس منال فرحانه الها وتشمها لان من ريحة صادق...

ودعتها داخله للبيت ادور على حمامتها الاورفلي..تريد تاخذها وياها....

دورتها جوه الدرج بقفصها ماكو ركضت الأمها تسألها متناسيه تسلم...والحزن بوجهه

-يمه وين الاورفلي مالتي...