فراشات بلا أجنحه

الجزء السابع عشر

.....نازك الحمراني..........
..
..................
فراشات بلا اجنحه

رائد وكف مصفصف بين خاله...ورؤى
بسرعه رفع ايده دكم قميصه
لأن چان ماخذ راحته بنومته

تقرب من خاله يبرر......

بس سبقه خاله ضربه راشدي

-هيچ دك ألناقصه رويئد.،واني جنت أتعارك وي أبوك
علمودك....

لك ناكر المعروف...ماحترمت شيباتي...واني أكول
ليش يترك كربلا..

ويجي ألبغداد.....ياحيف بيك تعبي.....لو كايلي
خالي أريدها...

أنطيك ياها وأني الممنون.....

لأن أمربيك على أيدي

لك أبوك المخبل رغم خباله...بس يخاف العرض

أنت عليمن طالع.....

زين بنتي منو بعد ياخذها..
وهي أبن خالها تتوسله...

ومااعرف شنو الدك الناقصه المسويها وتتوسلك

بس لازم أقتلها واغسل عاري....

ولا تتوسلك....

صفن رائد على خاله
ودموع خاله

الي طالما كان أله السند...والأمان

رؤى تبجي ونظراتها تتوسله....وكف مقابيل خاله
لازم يبرر...

-خالي والله ماصار شي...أنت شتعرف تطلع مني هيج عيبه...

زين هي اسنين كدام عيني هي وغيرها من بنات خوالي

ليش أله من زوجت صرت أدور هيج سوالف

صاح الخال بصوت عالي...

-مو مرتك الكل يعرف أكبر منك ووو.. ...
ميريد يكمل يذكرها بقبح وجهه

كافي رائد تبرر النفسك لأن بنتي سمعتها دكلك حرام....

-خالي أقسم بالله أني مريتي غانيتني عن النسوان
حتى لو موحلوه..

خالي أرجوك.....صدكني

-زين شعدها يمك

وليش تصيح حرام....فهمني عقلي رح يوكف.....

-لأن رؤى چانت؟؟.......رؤى شافت سكوت رائد من الخوف خلاها تتلبک....

فرکت ايدها....
شفافها يبست من ألخوف والبجي...

-بابا لا هو وعدني يزوجني...
واني تذكرت حجيه
وهسه متحسفه
لأن چذاب..........وكتله حرام عليك ياجذاب

موقف رائد بين مقهور الوضعها
وبين حاقد عليها.....

أذا يحچي الحقيقه هي تنظر"وخاله...

وذا سكت ياخذ خاله نظره عليه....

بس ك رجال لازم يوكف موقف رجولي.....دنج راسه
مااحس أله ايد خاله على خده مره ثانيه....