انت منقذي ..بقلم نورهان امير المؤمنين

البارت الرابع..انت منقذي

البارت الرابع

.............

لميس بجديه : انا كنت عايزة اشتغل عند حضرتك هنا في الشركه

عصام باستغراب: هنا !!

طب ليه متشتغليش في شركة والدك ده حتي انتي أولي بادارتها من أستاذ سامح

لميس بحزن: لا انا حابه اني اشتغل هنا

ثم تابعت بمزاح : ولا حضرتك مش عايز تشغلني معاك

عصام بنفي سريع موضحا: لا لا لا ازاي تقولي كدة دي الشركه كلها بين ايديكي تقدري تبدأي شغل من بكرة لو حبيتي

لميس برضا: ان شاء الله هكون جاهزة بكرة

شكرا لحضرتك

عصام: شكرا علي ايه يا لميس ده والدك كان ليه فضل كبير اوي ف وصول الشركه للمكان ده

وأنا واثق أن عندك نفس حماس والدك ف الشغل وهترفعي الشركه أكتر واكتر

لميس: بس مكنتش عايزة اشتغل في الإدارة

انا كنت عاوزه ابقي ف مجالي

عصام بابتسامه :مع اني كان نفسي تبقي معايا في الإدارة بس اللي يريحك يا بنتي

ومن بكرة هتنزلي تدريب لمدة شهر مع حد من زمايلك عشان تكتسبي منه خبرة بعد كدة تقدري تبقي لوحدك

لميس براحه : تمام حضرتك أوعدك اني هخليك تفتخر بيا و اني مش هخذل حضرتك

عصام بثقه: وانا متأكد من ده يا لميس

-----------------------------------------------------------------------------------------

في صباح جديد مليئ بالأمل والحياة

استيقظ ابطالنا جميعا باكرا و توجه كلا منهم إلي وجهته

مهاب: ندوش حبيبتي اعملي حسابك اني جاي عندكم النهاردة باليل

ندي بفرحه: بجد يا حبيبي .. طب ايه رأيك تيجي معايا واحنا مروحين بدل ما توصلني وتمشي وتبقي ترجع تاني

مهاب : واحنا مروحين ايه .. مالك يا بنتي ايه الدلقه اللي انتي فيها دي احنا النهاردة من الظهر هنكون ف البيت .. انتي عايزاني البت عندكو طول اليوم

طب بزمتك أهلك يقولو عليا ايه

ندي بسهتنه: يقولو واحد حبيبته وحشتو وقاعد معاها

مهاب بضحك لا يا حبيبتي دول هيقولو عليا رخم

---------------------------------------------------------------------------------------

هايدي: مستر زين المدير طلب حضرتك ف مكتبه

زين وهو يربط الجرافت فهو كالعادة متأخر :

مقالش عايز ايه

هايدي: لا

دخلت هايدي إلي المكتب وتبعها زين