انت منقذي ..بقلم نورهان امير المؤمنين

البارت الثاني..انت منقذي

البارت الثاني

............

في قصر واسع وفخم من يراه

يعرف مدي ثراء من يعيشون به

دخلت لميس ووجهها يشوبه الحزن وآثار البكاء واضحه عليه

وجدت زوج أمها ينتظرها و ملامحه لا تبشر بالخير

سامح :ما لسه بدري يا هانم راجعالي الساعه 3 الفجر

بس مش مشكله انا اصلا عارف أنك متقدريش تسيبي البيت أصل اللي عاش طول عمره ف العز ده ميقدرش علي عيشة الشارع

لميس بحزن وغضب وهي تحاول منع دموعها من الهطول أمام ذلك الوحش البغيض المدعو سامح

انا مش عايزة اتكلم معاك ..وبعدين ده بيتي وبيت بابا الله يرحمه وادخل وأخرج براحتي

وبعدين ان

ا بقعد الوقت ده كله بره البيت

عشان مشوفش وشك

إنما أنت اللي قريب اوي هتخرج من البيت ده ومش هترجعلو تاني

سامح بعينين حمراوين وقد برزت عروقه من جسده

صفعها صفعه مدويه سقطت أرضا علي إثرها

ونزفت الدماء من أنفها الصغير الأحمر من كثرة البكاء

سامح بشر: لو سمعت منك الكلام ده تاني هوريكي انا ممكن اعمل فيكي ايه ..فاهمه يا حلوة

ثم تركها بين دموعها وهمومها ورحل

ظلت تبكي بشدة وتفكر في حياتها البائسة وكيف لأمها أن تتزوج ذلك الكائن وتصدقه وتفضلها علي ابنتها الوحيدة

واستمرت علي هذا الحال حتي غفت من التعب والتفكير

-----------------------------------------------------------

زينب:قوم يا زين اصحي الساعه بقت 7 هتتأخر ع الشغل

زين بنعاس: سبيني أنام يا ماما النهاردة اجازة

زينب باستغراب: اجازة.. اجازة ايه ياابني دي .. من أمتي وفي اجازة يوم التلات

زين وهو يضع الوسادة فوق رأسه :انا اديت لنفسي اجازة يوم التلات

زينب بصوت عالي :قوم يا فاشل هتترفد

ده أبوك قام فطر ونزل الشغل بقالو ساعه وأخوك بردو نزل من شويه

زين وهو يجلس ف الفراش : أخويا نشيط وصحي بدري ونزل عشان يوصل خطيبته الجامعه .. والحب الحب الشوق الشوق يعني مش عشان خاطر سواد عيون الشغل يا زوبا<

زينب: ربنا يحميها ندي يا رب.. من ما خطبها وهي مربياه وممشياه ع العجين ميلغبطوش .. عقبال أما تيجي اللي تربيك أنت كمان

خرجت من الغرفه وسط نظرات ابنها الناعسه

وما أن خرجت حتي استلقي في الفراش من جديد وعاد إلي نومه