انت منقذي ..بقلم نورهان امير المؤمنين

البارت الخامس..انت منقذي

البارت الخامس

..............

شادي : مين دي اللي متأخرة

يا ابني دي وصلت الشركه قبلك وقابلت المدير بعدين راحت استقبلت الجروب

زين وهو يضرب علي رأسه بقبضة يده: اوباااا

يعني انا عمري ما هعرف ألاقي حد أعلق عليه شماعة فشلي

شادي بضحك : شماعه ايه يا أبو شماعة ده انت كل هدومك ف البوتاجاز

زين مازحا: اه أمال ايه عشان تبقي مكويه يا جاهل اش فهمك أنت في الحاجات دي

شادي وهو يدفع زين بقوة: طب روح ياض من هنا انا عايز الحق الجروب بتاعي

زين ضاحكا: ماشي يا عم المنتظم .. سلام

توجه زين إلي الجروب السياحي المسئول عنه ورحب بهم وعرفهم علي البرنامج السياحي لهذا اليوم

نظر أمامه ليجد تلك الغريبه تحدق به بدهشه

لميس بصدمة : أنت ال tour guide !!!!

زين بابتسامه واسعه : مش ممكن ..ده انتي بتراقبيني بقي وكل ما أروح ف مكان تيجي ورايا

لميس بجدية: لو سمحت التزم حدودك .. احنا زملاء وفي خطوط مينفعش حد فينا يتخطاها

انا بقولك الكلام ده من الأول تجنبا لأي مشاكل

زين : انتي مالك بتتكلمي زي ناظرة المدرسه كدة ليه

نظرت إليه لميس محذرة بنظرة غضب

زين : خلاص خلاص .. يلا اتأخارنا لازم نبدأ ال program

صعدت لميس إلي الباص وزين خلفها وانطلق الباص إلي وجهته .. الأقصر...

زين في نفسه : هتروحي مني فين ده انا معاكي شهر وهفضل وراكي يا قمر لغاية ما ترفعي الرايه

---------------------------------------------------------------------------------------

حل المساء وحان الموعد المنتظر

كانت ندي تتجهز للقاء خطيبها و تنتظره بفارغ الصبر

حقا كان معها منذ ساعات إلا أنها لا تقدر علي فراقه دقيقه واحدة .. هكذا هو الحب

دق الباب معلنا عن قدوم مهاب وعائلته

ندي بفرحه و حماس : بابا أفتح بسرعه

عماد: ما تهدي بقي متعصبنيش عليكي

ندي بحرج : انا اسفه

توجه والدها لفتح الباب مستقبلا خطيب ابنته وعائلته

عماد: اهلا وسهلا اتفضلوا

محمود: يزيد فضلك يا أبو ندي

تتدخل مهاب :سلامو عليكو يا عمي عامل ايه فين ندي