انت منقذي ..بقلم نورهان امير المؤمنين

البارت التاسع..انت منقذي

البارت التاسع

...............

كانت ندي تتسوق في المولات المعروف

و تتنقل من مكان لآخر

وكعادة أي عروس مصريه

اشترت ما يكفي ثلاث عرائس غيرها وترغب في المزيد

إيمان بتعب: ايه يا بنتي مش كفايه كدة النهاردة انا تعبت

ندي : تعبتي من ايه يا ماما لسه بدري

في حاجات تاني عايزاها

إيمان : يا بنتي مفيش حد بيشتري كل حاجه ف وقت واحد ،تعالي نروح ونكمل بكرة

ندي بيأس: خلاص يا ماما ماشي

هرن علي بابا عشان يجي بالعربيه قصاد المول

حضر والد ندي بسيارته و وقف مذهولا مما يراه

عماد :ايه ده انتو اشتريتو المول كله ولا ايه،كل دي شنط

ندي بضحك: لا احنا سبنا شويه حاجات عشان صعب علينا نسيب المول فاضي

عماد : طب تعالي يا لمضه أما نشوف هنحط كل الحاجات دي في العربيه ازاي

ايمان:ممكن نوقف تاكسي نحط في الشنط ويمشي ورا العربيه وحد مننا يركب معاه

عماد مؤيدا لها: والله فكرة حلوة خلاص هاتي كام شنطة احطهم في العربيه و اركبي انتي وندي

وأنا هوقف تاكسي واخد فيه باقي الشنط

وبالفعل نفذوا هذا و وصلوا الي البيت وادخل عماد الحقائب الي شقته بمساعدة البواب

رغم أنها اقضدت نهارها بأكمله في التسوق إلا أن فرحتها الغامرة أبعدت عنها أي شعور بالتعب

بينما في نفس الوقت تقريبا كان مهاب ببيت الزوجيه

مع مهندس الديكور و يؤكد عليه الانتهاء من كل التحضيرات خلال أيام قليله

كانت التحضيرات تجري علي قدم وساق

استعدادا لذلك الزفاف المنتظر

-------------------------------------

أما في منزل لميس

كانت تجلس جميله مع صديقاتها بالصالون

حتي دخل عليهم سامح فجأة مقاطعا جلستهم

-لو سمحتي يا جميله عايزك دقيقه

جميله باعتذار : انا اسفه يا جماعه بعد اذنكم مش هتأخر

لحقت بزوجها وهي تتسائل ما الامر الذي كان يريدها فيه

سامح : هو انتي مبتتصليش بلميس؟؟

جميله : لا من ساعة ما سافرت كلمتها مرة واحدة

سامح: لا ازاي لازم تطمني علي بنتك وتشوفيها هترجع القاهرة أمتي

جميله بعدم اهتمام: لميس مش صغيرة عشان أقلق عليها هي بتعرف تدبر حياتها صح