انت منقذي ..بقلم نورهان امير المؤمنين

البارت الحادي عشر..انت منقذي

البارت الحادي عشر

..................

ابعدها زين عنه قليلا لينظر إلي عيناها الباكية

و شعرها المتناثر علي وجهها بعشوائيه

مما جعلها تبدو كطفله بريئه وحزينه

لم ينطق أيا منهم بكلمه

فقط كانت العيون تتحدث بأنقي لغه في الكون

هي لغه الحب ،كانت تتحدث عن تلاقي قلبين

ليشهد البحر والقمر والنجوم والرمال

علي هذه اللحظه

أخرج زين هاتفه واتصل بالأمن ليأخذوا ذلك الشخص

الملقي فوق الرمال

ثم نظر إليها وحاول كسر رهبتها بكلماته المازحه:

-مش ملاحظه ان الحفلات وشها وحش عليكي

كل مرة تبقي هتموتي

ابتسمت لميس وهي تقول في قرارة نفسها

أنها بالفعل كادت تضيع حياتها أكثر من مرة

إلا انه لم يسمح بذلك وكان موجودا دائما لانقاذها

لينطق قلبها بهذه العبارة

أنت منقذي

--------------------------------

نهض سامح عن مكتبه وطرق المكتب بيده بعنف

وصاح بغضب شديد

-ازاي .. يعني ايه يا حيوان أنت

انا غلطان اصلا اني اعتمدت علي واحد غبي زيك

حازم بتوتر: أهدي بس وانا هتصرف

سامح بغلظة :هتتصرف ازاي

روحت بعتلها واحد غبي زيك يقتلها واتقبض عليه

وتقولي هتتصرف

علي ما تتصرف يكون الزفت ده اعترف عليك

حازم مطمئنا له: ميقدرش

لأنه اصلا ميعرفنيش ،انا اتفقت معاه بالتليفون

وبعتلو الفلوس من غير ما يشوفني

والشريحه اللي كلمته منها كسرتها

يعني عمره ما هيعرف يوصلي

سامح وقد هدأ قليلا وأخذ ينفث دخان سيجارته

-وبعدين ، هتعمل ايه

حازم بخبث : عندي خطه تانيه مش ممكن تخيب

سامح مهددا: دي آخر فرصه ليك يا حازم

بعد كدة هيبقي ليا تصرف تاني معاك.. مفهوم!!

خرج حازم من المكتب وهو ينوي علي خطه شيطانية

بعد فشل خطته الأولي في التخلص من لميس

بهدف نهب أموالها