الكوستال

17-يأس

البحر لونه كان اسود,امواجه كانت عاليه , السما كانت عاتمه و النجوم فيها كانت قليله.في نص البحر بنت بتحاول تنقذ نفسها من الغرق و قاعده تنادي "الحقوني",الامواج كانت بتسحبها لورا بس هي كانت بتقاوم و تطلع لقدام و فجأه سابت نفسها للبحر.امواجه العاليه خانتها,البحر باعها للأمواج و الأمواج اشتريت.جسمها غاص في البحر,شعرها الاصفر الجميل كان طاير في اعماقه و عينها العسلي كانت مفتحه.الخضه و الخوف كانوا باينين في عينها لأنها يأست و محاولتش تقاوم.

فتحت عيني مخضوضه و حمدت ربنا ان ده كان حلم.بس بعد ما بصيت على المكان حواليا اتمنيت لو الحلم كان حقيقه.الموت ليا كان اريح.الأوضه المره دي كانت اشبه للسجن.حيطانها الاربعه مكانش بيزينهم غير شباك صغير على الحيطه اللي في وش الباب.الشباك كان مجرد للتهويه,حجمه كان اصغر من اني اطلع راسي منه و كان عليه حديد زي السجون.الأرض كانت متوسخه,لونها مكنتش قادره اميزه و السيراميك كان مكسر.السقف كان مقشر و كان عليه بقع.على الأرض كان في كرسي و سرير.قمت من على السرير و قعدت على الكرسي.اليأس كان مالي قلبي و الخوف كان مسيطر عليا. مكانش عندي استعداد لمحاوله تانيه من محاولاتي الفاشله.حطيت ايدي في جيبي لقيت ان آخر أمل عندي انتهي.حتى المسدس اخدوه مني.قمت من على الكرسي و راسي في الأرض.كنت حاسه بيأس يملى الدنيا كلها.رجعت تاني على السرير.بصيت للصقف و بدأ التفكير يدور في دماغي.سألت نفسي أنا ليه قررت اني استسلم؟,ليه يأست بالسرعه دي؟,ليه قررت اني اقدر اعيش بقيت عمري في الكوستال؟,ليه فضلت اعيش ميته عن اني اعيش عايشه؟,ليه نسيت نصايح بابا و ماما؟,ليه مفكرتش في لين اللي بباها و مامتها اتقتلوا؟.الاسئله كانوا اكتر من انهم يتطرحوا فبدأت ادور على مبررات و اقول لنفسي اني حاولت,حاولت اهرب بدل المره اتنين و تلالته بس فشلت,حاولت اساعد لين بس الموضوع خرج عن ايدي,رينا اختفت و معرفتش الاقيها.الموضوع كان فعلاً صعب و حتى لو قراري مكانش اني استسلم مكنتش هعرف اعمل حاجه .قررت اني هقعد و استنى,لو جاتلي فرصه الهروب,أكيد مش هرفض,لو مجاتليش خلاص هختار اني اعيش في سجن الكوستال,هختار اني اشوف الجانب الحلو في المكان,هتجاهل الناس و هعتبر ان مفيش غيري....... أنا و البحر.