24-رجوع
"عايشه ازاي؟؟"
"مفيش حل غير كده بقول لك المكان اتفتش كويس جداً"
"بس...بس أنا شوفتها بعيني,شوفت البوس و هو بيقتلها قدامي...شوفت دمها سايح!"
"بجد يا ريم أنا مش عارف اقول لك ايه...الموضوع فعلاً غريب"
حطيت ايدي على عيني و قولت له "معلش يا عمو ممكن ترجعني الاوتيل ؟"
"ريم أنا هجيب لك لين تقعد معاكي انهرده لازم تنشغلي عن الموضوع ده بأي طريقه"
"معلش يا عمو بجد أنا محتاجه اقعد لوحدي... في حجات كتير اوي لازم احسبها"
وشي كان أحمر ,ايدي كانت بترتعش و كان باين عليا الارتباك "أنا بجد مش فاهمه حاجه!....كل حاجه بتحصل حواليا فيها غموض!"
"اهدي يا ريم...الموضوع مش كبير صدقيني.ممكن مثلاً يكونوا لحقوها في المستشفى "
رديت عليه بارتباك"لحقوها في المستشفى ازاي ؟؟ بقول لحضرتك شفت دمها سايح!".
"عادي يا ريم! هو اي حد دمه بيسيح لازم يموت ؟؟! ريم أنا شايف انك لازم ترتاحي"
وصلنا قدام الاوتيل "حمدلله على السلامه يا ست ريم"
"الله يسلمك"
فتحت باب العربيه , خرجت و دخلت الاوتيل و نسيت حتى اقفل باب العربيه ورايا.دخلت الأوضه بتاعتي,غيرت لبسي و اترميت على السرير.حاولت اشغل نفسي عن التفكير بس مقدرتش.التفكير موقفش في دماغي ثانيه.كنت بسأل نفسي اسئله كتير...أنا ليه متضايقه ان احتمال رينا تكون عاشه؟,يمكن علشان مش مصدقه؟ ولا علشان مش عاوزه اعرف رينا باعتني ليه؟.ولا علشان الموضوع كله على بعض مش مريح؟ حاولت انام بس التفكير كان مانعني...فضلت مفتحه عيني في السرير اكتر من ساعتين ,حتى لما قفلت عيني النوم مجاليش.رحت المطبخ,عملت نسكافيه و دخلت البلكونه.احلى حاجه ان عمو اشرف جابني اوتيل بيطل على بحر.رغم حبي و ارتياحي للبحر الا انه كان مسببلي تعب شديد.كل لما ببص للبحر بفتكر الكوستال,رينا,الحراس,التعذيب و طبعاً البوس.مسكت الموبايل و اتصلت على عمو اشرف
"ريم عامله ايه دلوقتي "
"الحمدلله كويسه"
"ايه محتاجه حاجه؟"
"معلش يا عمو كنت عاوزه اسألك على حاجه مهمه"
"طبعاً يا ريم اسألي مش اتفقنا انك هتعتبريني زي باباكي؟"
"ايوه"
"طيب يبقى اسألي على طول من غير مقدمات"
"تمام ...عمو هو البوس..رشدي راح فين؟"
"يعني ايه راح فين؟ اتسجن طبعاً زي الباقي"
"هو انا مسموح لي ازوره؟"
أنت تقرأ
الكوستال
Aksiyonفي عز العتمه و الخوف صوت نقي بيطمني و ضوء خافت بينور و ينطفي مش عارفه ليه ضوءه مش بيدوم بس اكيد .....اكيد في يوم هيدوم.
