ملك..دخلت للغرفة فرشت سجادة الصلاة وصليت وبجيت ياربي ما أريد اترك دراستي واتزوج كنت من اضوج بالبداية أصلي وبعدين أكتب بدفتر المذكرات الشخصية،
سعاد :"الو كريم شنو السالفة يومية متأخر؟
كريم :"ما اجي اليوم عندي شغل ،
مصطفى :"مساء الخير
ملك:"مساء النور
مصطفى :"لحد الآن منايمة؟
ملك:"أي مو نمت المغرب وأني أصلي
مصطفى :"ليش ضايجة وين البقية ؟
ملك:"كلهم نامو وعمو ما اجة
مصطفى :"شكو ملك هم ضوجتج أمي؟
ملك:"أي وكمت ابجي
مصطفى :"لا لتبجين كولي يمكن اكدر اساعدج؟
ملك:"تريد تبطلني من المدرسة وتزوجني الأبو خالد
مصطفى :"معقولة صدك تحجين لا لا امي مو طبيعية أبو خالد أكبر من ابوية
ملك:"فدوة مصطفى اني أخاف احجي وياهه وعمو هليام ميجي للبيت احجي وياهه انت
مصطفى :"أني عندي حل بس
ملك:"بس شنو ؟
مصطفى :"أخاف تفهمي غلط بس صدكيني اني أريد خاطرج
ملك:"لا اكيد افهمك انت الوحيد تدافعلي بالبيت
مصطفى :"اني راح اكول الأمي اني اتزوجج وااجر بيت واخلصج من عذاب أمي واخليج تكملين دراسة
ملك..بعد مصطفى ما خلص كلامه عفتة وركضت للغرفة.
مصطفى :"ملك ملك ،
ملك..بقيت للصبح أفكر بكلام مصطفى مرة اكول يريد يستغلني مرة اكول كلامه منطقي لا عندي أم استشيرها ولا اخت ولا صديقة! ،
ملك..بدلت الصبح ملابس المدرسة ولكيت مصطفى منتظرني مثل كل يوم ،
ملك:"صباح الخير
سعاد :"وين؟
ملك:"للمدرسة
سعاد :"فكرتي بكلامي الرجال اليوم يريد الخبر ؟
ملك..وي نفسي كلت بدت من الصبح اني كلمة صباح الخير كوة احجيها شلون الها خلك تسأل من الصبح؟!،
سعاد :"هم صفنت ماما شبيج انتي مو احجي وياج؟
مصطفى :"يمة مو وكتها اتأخرنا يلة ملك امشي ،
ملك..بقى مصطفى الطريق كلة يقنع بية وأني كتلة منا الباجر أفكر واجاوبك،
سعاد :"أهلا أهلا أبو خالد تفضل
أبو خالد:"لا والله مستعجل أبو مصطفى موجود؟
سعاد :"لا والله بالشغل
أبو خالد:"أي بشري وافقت ملك ؟
سعاد :"ان شاء الله توافق من ترجع من المدرسة اسألها
أبو خالد:"أها هاي ملك ومصطفى اجو هسه جنة نسولف بيج
ملك..من شفت أبو خالد اباب بيتنا اختنكت أحس واحد لزمني من ركبتي،
مصطفى :"أهلا عمو تفضل
أبو خالد:"لا لا مستعجل هسه أم مصطفى على اتفاقنة مو تتأخرين علية؟،
ملك..أول ما دخلت للبيت استلمتني سعاد اني طالعة بدون ريوك وجوعانة وعندي باجر امتحانات شلون اسكتها هاي؟،،
ملك:"عمة فدوة ما أريد أتزوج الأسبوع الجاي امتحانات وأريد أركز ومثل متعرفين الثالث صعب
سعاد :"اسمعي ولج توافقين هسة و ورة الامتحانات يصير العرس بعد شتردين؟
ملك :"عمة ما اطيقة هذا الرجال شفتة دقيقة وحده اختنكت
سعاد :"ولج شو انتي طولان السانج شلون يعني تبقين على كلبي؟
مصطفى :"يمة البنية تعبانه خليها تبدل وتتغدة وبعدين احجي وياهه
سعاد :"شكو مصطفى شو كلما احجي وياهه متقبل؟
ملك:"اروح اغير ملابسي ،
