ملك..مرت 3 سنوات صرت بصف خامس وسعاد خلت كل شغل البيت علية حتى ما الحك اكتب واجبي! ومن اكللها خل تساعدني فرح تكلي بعدها زغيرة وهية ازغر مني بسنة!،
سعاد :"ملك شنو هذا المطبخ ليش ممنضفتة ؟
ملك:"ما الحك عندي واجب وباجر صبحي
سعاد :"كومي ولج هنة شكم ماعون غسليهم
ملك:"كايمة عمة ،
فرح:"عفية ملك تعالي حليلي رياضيات
ملك:"هسة بس اكتب واجبي
فرح:"ماما ماما شوفي ملك اتوسل بيها متساعدني بالرياضيات!
سعاد:"شوف كريم اني مليت من هاي ملك لا شغل لا عمل وفوكاهه صار شهرين حنان ما دزت فلوس شلون يعني نبقى نصرف عليها ؟
كريم:"ليش يا سعاد مو دائماً أدخل الكة البنية تشتغل واذا على فلوس حنان سهلة ،
سلام:"هلو مصطفى
مصطفى :"هلو سلام يلة نروح للمدرسة ؟
سلام:"شوف اكلك مصطفى ترى هاي الشباب الواكفة منتظرين اختك يومية يمشون وراها للمدرسة !
مصطفى :"منو قصدك فرح؟
سلام:"لا يابة هاي الحلوة ملك !
مصطفى :"احترم نفسك سلام الي خلي عينة على ملك افكسها!
سلام:"شوف اذا اني اكذب عليك انتظر شوية بس تجي ملك،
ملك..كانت معلمة الإسلامية هواية تحبني ست ميسون تعرف كل قصتي ،
ميسون :"ملك تعالي حبيبتي
ملك:"نعم ست
ميسون:"كل عام وانتي بخير
ملك:"حتى أني ناسية عيد ميلادي
ميسون :"بس اني ما أنسى انتي تلميذه متميزة واشطر وحدة بالصف تفضلي هاي هديتج،
ملك..فتحت هدية ست ميسون كنت اتصورها لعبة او ملابس بس اتفاجأت من شفت سجادة الصلاة وجادر صلاة وقرآن ،
ملك:"الله ست كولش حلوة بس اني ما أصلي
ميسون :"ليش حبيبتي صار عمرك عشر سنوات؟
ملك:"محد علمني على الصلاة
ميسون:"تعالي حبيبتي نروح الغرفة الصلاة مادام عدكم درس شاغر وأني اعلمج بس اريدج توعديني بعد متركين الصلاة ابدا؟
ملك:"وعد ست مراح اعوفها
ميسون :"احسنتي حبيبتي وصدكيني راح ترتاحين من تصلين ،
ملك..أول يوم دخلت وي ست ميسون وعلمتني على الصلاة هواية ارتاحيت من صليت ،
ملك..وصلت للبيت وفرح كلت الأمها على هدية ست ميسون،
سعاد:"شنو اليوم عيد ميلادج؟
ملك:"أي عمة
سعاد :"وشنو هاي هدية المعلمة؟
ملك:"هاي هديتها وعلمتني على الصلاة
سعاد :"ما شاء الله بالعافية عيني ،
ملك:"أذن المغرب ودخلت للغرفة أصلي وأسمع صوت مصطفى يصيح علية،
مصطفى :"ملك اسمعي بعد ماترحين للمدرسة وحدج اني اوصلج وارجعج!
سعاد :"ليش شكو خايف عليها لا تنخطف؟
مصطفى :"ماكو شي يمة،
أيمن :"اني اكلج يمة هاي ملك ما جنها عشر سنوات الشباب كلها تمشي وراها واليوم مصطفى شافهم!
سعاد :"دهر صابها شوف شمسوية من سالفة هاي المعزاية! ،
مصطفى :"يلة ملك فرح جاهزات؟
ملك:"أي جاهزين
سعاد :"اسمعي عيني ملك من تمشين راسج بالكاع وامشي عدل لا تفضحينة كدام الجيران!
مصطفى :"يلة امشو،
