ملك..بقينة شكم شهر بغرفة ايجار وبقى شي قليل من فلوسنا! ،،
زينب:"بقن بس ذني الفلوس اذا خلصن شلون ؟
ملك:"اوووف خل ندور شغل
زينب:"دورنة هواية وماكو يردون شهادة
ملك:"مو آلة وضيفه حتى إذا نشتغل بمحل
زينب:"أي باجر نطلع ندور الصالونات والمحلات ،،
زينب:"ملك اتصلوا عليه من المكتب ويردون عاملات
ملك:"يا مكتب؟
زينب:"لج المكتب الي خلينة بي أسمائنا ورقم الموبايل
ملك:"اها نسيت يعني هم نشتغل خادمات !
زينب:"لعد شنسوي منين ناكل منين ننطي ايجار ،،
ملك..رحنة الصبح للمكتب واخذونة البيت ،،
زينب:"وااااو شوفي ملك ولا بالأحلام
ملك:"قابل هوة بيتنا عليمن فرحانة ؟
زينب:"ولج شكد اشتغلت ماشفت هيج بيت هذا قصر
ملك:"صلي على محمد لا يحترك البيت ههه ،،
أبو علاء:"تفضلوا بنات انتم العاملات الجدد مو ؟
زينب:"أي عمو
أبو علاء:"تفضلوا بالحديقة هسه تجي الحجية تتفق وياكم بس أعتقد تريد بس وحدة .
ملك:"شلون اذا رادو بس وحدة ؟
زينب:"خل نشوف المرة بلكي تشغلنا اثنينه، ،
أم سلمان:"صباح الخير
ملك/زينب:"صباح النور
أم سلمان:"تفضلوا بنات استريحو
زينب:"شكراً خالة
ملك:"ولج يا خالة هههه
أم سلمان:"هههه براحتكم امي .
نبدي نتفق على العمل احنة عدنا طباخ يعني مراح تطبخون وعدنا أبو علاء مسؤول على الحديقة بس يبقى التنظيف انتم شلونكم بالتنظيف؟
زينب:"كولشي نعرف ست انظف ونطبخ ونغسل أي شي
أم سلمان:"ههه شاطرات وأنتي شو ساكتة شنو اسمج؟
ملك:"اسمي ملك
أم سلمان:"اسما على مسمى شنو هذا الجمال شكد عمرك؟
ملك:"عشرين سنة
أم سلمان:"ما شاء الله شباب وجمال وأدب وين اهلكم شلون اشتغلتو هذا الشغل ؟
ملك:"بدينة نسولف للحجية قصتنا ونسينا نفسنا عاملات انسانة مؤمنة وحنونه هواية حبيتها من طريقة كلامها ،،
أم سلمان:"لا حول ولا قوة الا بالله الله يساعدكم عزيزاتي ان شاء الله راح ترتاحون ويانة اسمعوا بنات اعتبروا نفسكم توضفتو من اليوم
زينب:"اشكرج ست هواية فرحتينا
أم سلمان:"اسمعن احنة عائلتنا زغيرة وماعدنة أطفال ولا بنات حلوات مثلكم ههه هذا البيت الي والابني ابني زوجتة متوفية وعندة بس اثنين شباب احفادي الله يحفظهم الكبير أمير والثاني سمير بس اكللكم من هسة أمير عصبي على والدة ويحب دائما غرفتة نظيفة ومعطرة اما سمير انسان مرح وبسيط ومراح يضوجكم ،
ملك:"ان شاء الله نكون عند حسن ضنك
أم سلمان :"ان شاء الله يلا تعالوا ادليكم على غرفتكم، ،،
ملك..دخلنا وي أم سلمان البيت ما شاء الله مثل القصر شوفتنا المطبخ والصالون وغرفة الطعام وغرفتها بس تعبت وما اندلينا غرفة الولد وابوهم ،،،
زينب:"ولج ملك كرصيني
ملك:"شكو شبيج؟
زينب:"ولج احنة بحلم شفتي البيت ؟
ملك:"بسم الله ماشاء الله
زينب:"لج شوفي غرفتنا عمرج نمتي على هيج جرباية؟
ملك:"هههه راح تموتين من الفرح وما تتهنين، ،،،
أم سلمان:"تعالوا بنات هاي ملابس الشغل ودخلوا للمطبخ ساعدو فيصل الطباخ ،،
ملك/زينب:"صباح الخير
فيصل :"صباح النور
أم سلمان:"عاملات جدد شتحتاج كللهم اني اروح بعد ما أوصيكم بنات مثل ما اتفقنا ؟
فيصل :"أهلا وسهلا، ،،،
أمير :"مرحباً فيصل اليوم ريحت الأكل واصلة للشارع ههه
ملك..دخل أمير للمطبخ عطرة ترس المطبخ التفتت شفت شاب وسيم نظراتة بيها سحر لبسة أنيق حتى الساعة البيدة تختلف كان شاب مميز ومثل الساحر من شفت شخصيته ونظراتة وضحكتة وي فيصل كأنما اني بحلم عمري ماشفت شخص بوسامتة ونظرات عيونة. .
زينب:"ملك ملك ولج نمتي ؟
ملك:"ها ها شكو ؟
أمير :"هههه مو عشر مرات كلت مساء الخير
زينب:"هههه اعذرها أستاذ هية قليلة الكلام
فيصل:"أستاذ أمير البنات عاملات جدد اليوم وصلو
أمير ..معقولة هذا الجمال والأناقة وتشتغل عاملة ؟،،
فيصل :"سمعتني أستاذ أمير ؟
أمير :"أي أي أهلا وسهلا بيكم
زينب :"شكراً أستاذ ،،،
زينب:"ملك ملك شكو ؟
ملك:"اني شايفة هذا الشاب
زينب:"قصدج أمير وين شايفتة؟
ملك:"ما اعرف يمكن يشبها بس اني متأكدة شايفتة
زينب:"وين يشبها أشو شباب منطقتنا قبل يلعبون النفس ههه وبيت أبو الي اشتغلنا وياهم كل واحد شسمنة واصواتهم من يحجون كأنما يتعاركون
ملك:"لا لا مو الي ذكرتيهم اني شايفة مثل اناقتة وصوتة الهادء ونظرات عيونة كلهم مارين علية
زينب:"امممم دخل للمطبخ خمس دقائق شوكت لحكتي تلاحظين كل صفاته؟ ،،
أم سلمان:"بنات رتبو السفرة أبو أمير على وصول
زينب:"صار دقائق ،،،
أبو أمير :"أهلا وسهلا بيكم وصيتيهم امي على عادات البيت وشنو الي لازم يسوونة؟
أم سلمان:"أي أي اطمأن ،،
سمير:"هلو هلو هلو شلونكم كلكم امممم شنو هاي الاكلات اليوم عاشت ايدك فيصل
فيصل :"صحة وهنا أستاذ سمير
سمير:"ماشاء الله منو هذا القمر؟
ملك:"عن اذنكم
أم سلمان:"سمييير أعقل شوية ذني عاملات
سمير:"معقولة بيبي اذا هاي عاملة ملكة جمال العالم منو ؟
سلمان:"ههههه سمير دير بالك تتحارش بيهم
سمير:"لا بابا تعرف ابنك مؤدب
أمير :"ايييي مؤدب جداً ههه
أم سلمان:"لتحجون على سمير هوة شمعة البيت
سلمان:"يوم لتدللينة زايد
أم سلمان:"يستاهل حبيبي سمير
أمير :"أي أي بوسي بي ودللي بس سمير حفيدك
سلمان:"هههه أمير يغار كبرت بابا واتخرجت هههه ،،،
زينب:"الله شكد حلوة عائلتهم شوفي التفاهم والألفة
ملك:"أي الله يحفظهم عائلة متماسكة، ،،
فيصل:"بلا زحمة تكدرون تاخذون الشاي
زينب:"أي اني آخذة
فيصل :"هاي القهوة الابو أمير والسادة الأم سلمان والشاي الأمير وسمير عرفتي هسة؟
زينب:"أي عرفت
فيصل :"مو تخلين شكر همة يخلون أمير ميحبة حلو ،،،
ملك..شباك غرفتنا كان على الحديقة كان اكو مكان بالحديقة يكعدون يشربون بي شاي وقهوة باوعت من الشباك شفت سمير يتشاقة وي أمير ويضحكون كان أمير هادء وضحكتة جميلة من انظر الوجها أنسى اني منو و وين أبقى ابتسم وي ابتسامتة واراقب حركاتة كولشي بي كان حلو ،،،
يتبع
