ملك..رحت وي أمير وفهمني على الزواج ولازم اخلي ابوية أمام أمر الواقع وكال بيبي وسمير موافقين، ،،
***
أمير :"نامي اليوم حبيبتي لأنه اكيد البارحه مانمتي وباجر نتزوج
ملك:"اوك تصبح على خير
أمير :"نامي زين لأن باجر ماكو نوم هههه
ملك:"هههه لا أمير لتخوفني
أمير :"ههه اكو وحدة تخاف من حبيبها ؟
ملك:"راح البس بدلة؟
أمير :"لا مو باجر راح نتزوج بدون زفة عقد وشهود وبس من يرجع بابا ويقتنع راح تلبسين أحلى بدلة
ملك:"اوك
أمير :"ضجتي؟
ملك:"لا حبيبي مو ضروري البدلة المهم راح نصير البعض
أمير :"الله حبيبي بلة عيديها حبيبي
ملك:"روح نام
أمير :"اوك تصبحي على خير ،،،
****
ملك..صار الصبح ونزلت لكيت أمير كاعد وسمير والحجية، ،،
أمير :"كعدت عروستي بيبي الله عليج شايفة بحياتج هيج جمال
أم سلمان :"هههه أمير اكعد راحة شكم ساعة وتعقدون، ،،
***
ملك..اجت زينب خلتلي مكياج ولبست فستان ابيض واجة الشيخ والشهود وعقدنة كان أجمل يوم بحياتي ،،،،،
****
أم سلمان:"الف مبروك احبابي ان شاء الله يوافق سلمان وتكمل فرحتنا
سمير :"مبروك يوم الآلي
الجميع :"ههههه ان شاء الله، ،،
****
ملك:"صعدت وردت أدخل الغرفتي
أمير :"وين وين ههههه
ملك:"رايحة اغير ملابسي
أمير :"هههه أي غير بغرفتي
ملك:"بس ملابسي بغرفتي
أمير :"انسي ملابسج جايبلج ملابس جدد،،،،
***
ملك..دخلت غرفة أمير كأي عروس متزوجة حبيبها سعادة ماتنوصف عشنا ليلة جميلة بحياتي ما انساهه، ،،
***
ملك:"صباح الخير
أمير :"صباح الخير يا أجمل عروسة
ملك:"بقيت أتلفت بغرفة أمير يعني احنة صدوك تزوجنا؟
أمير :"ها لا متزوجنة شعندج بغرفتي هههه
ملك:"اكلك سر؟
أمير :"كولي
ملك:"من أول يوم شفتك بي اموت على ضحكتك
أمير :"وأني اموت على كولشي بيج إلا شي واحد
ملك:"شنو؟
أمير :"خجلك مني كافي تخجلين احنة تزوجنا، ،،
ملك..جنة كل يوم ناكل سوى اني وأمير وسمير وبيبي وسمير ينكت ويشبعنا ضحك ،،،،
***
أمير :"شبيج حبيبي ليش صفنتي؟
ملك:"عمري ما عشت هاي السعادة الله لا يحرمني منكم
أم سلمان:"تستاهلين بنيتي
أمير :"والله لا يحرمنا منج حبيبتي
سمير:"ملك فكيها يعني تضوجين تبجين تفرحين تبجين ميصير هيج ههه
أمير :"هههه الله عليك سمير بزواجي شلون تركص؟
سمير:"والله بزواجك أركص كل القاعة خو ملك اشبعها ركص هههه
ملك:"ههههه ان شاء الله
أمير :"عن اذنكم بس ارد على الاتصال، ،،،
****
أمير :'نعم سارة ؟
سارة:"هيج تستقبلني؟ صار 3 ايام من سافروا عمو وبابا وكالو أمير راح ياخذج وتشترون تجهيزات العرس وينك لي هسة؟
أمير :"مشغول
سارة:"أمير شبيك بارد احنا مخطوبين
أمير :"عن اذنج اجاني زبون
سارة:"شوكت تجي علية ؟
أمير :"نزل الموبايل وأخذ نفس عميق ما اعرف اشوف،،،،
****
ملك:"اكو شي حبيبي؟
أمير :"لا حبيبتي اتصال من الشركة، ،،
*****
أمير :"بيبي باجر يجي ابوية
أم سلمان :"أي هوة كال عشر ايام
ملك:"ماحسينة بيها كأنما عشر دقائق
أم سلمان:"أي يمة اللحظات الحلوة تخلص بسرعة، ،،،،
****
ملك:"متكدر تنام حبيبي مو؟
أمير :"ولا يهمج حبيبتي نامي
ملك:"شلون انام وباجر يتحدد مصيرنا
أمير :"لتخافين حبيبتي احنا متزوجين
ملك:"تتصور أبوك راح يتقبل الحقيقة؟
ملك:"نمت ساعة يمكن واسمع صوت أمير وأبو ركضت على الدرج حتى اسمعهم شيحجون ،،،،
****
سلمان:"ملللك ملللك انزلي
ملك:"نعم عمو
سلمان:" ليش رجعتي؟ احجي وياج ليييش رجعتييي
أمير :"بابا ملك صارت زوجتي !!!
سلمان:"التفت على أمير وضربة راشدي ورجع سحب ملك من ايدها
أمير وخر ايد أبو وسحب ملك سلمان لزم ايدة اليسرى وكعد على الكرسي الكل ركضو علي يفركون بصدرة وأخذوا للمستشفى !،،
****
أمير :"طمني دكتور؟
الطبيب:"أزمة قلبية حالياً وضعة مستقر بس احذركم من أي توتر ،،
أمير :"يبوس بيد أبو بابا اكعد اني آسف بابا
سلمان:"تكسر كلامي أمير ؟
سمير:"بابا رجاءاً الدكتور شكال
أم سلمان :"الحمدلله على سلامتك وليدي
سلمان:"ليش هيج امي مو اني منتكل عليج واكول انتي بمكاني ومتسمحين بأي غلط
أمير :"ارتاح هسة بابا بعدين نحجي، ،،
****
ملك..رجع أمير وبيبي للبيت وركضت عليهم طمنوني؟
أمير :"الحمدلله استقر وضعة
ملك:"اني السبب اني السبب
أمير :"كافي حبيبتي لتلومين نفسك
أم سلمان:"اليوم يبقى بالمستشفى وسمير بقى يمة
ملك:"سويتلكم عشة
أمير :"اني ما اشتهي صاعد انام ،،
***
ملك:"لتخاف حبيبي راح يطيب
أمير :"ماكنت متوقع هيج ردت فعلة
ملك:"ولا يهمك هوة والدك ويحبك وان شاء الله يفهمك
أمير :"يعني مزعلانة علي؟
ملك:"لا حبيبي أبد وهسة راح أصلي صلاة الليل وادعيلة
أمير :"اروحلج فدوة حبيبتي
ملك:"اسم الله عليك حبيبي، ،،
***
سلمان:"سمير سمير
سمير:"نعم بابا
سلمان:"ليش نايم على الكرسي روح نام بالبيت
سمير:"لا بابا مرتاح اجيبلك ريوك؟
سلمان:"لا روح للبيت ارتاح وتعال العصر
سمير:"وانت بابا تبقى وحدك؟
سلمان:"روح سمير وتعال العصر
****
سلمان...تردين تخربين حياة ابني ست ملك مو ؟اصبريلي راح اشوفج أبو أمير شيسوي، ،،،
****
يتبع
