ملك..حضنت وسادتي بقوة ونمت ما اعرف احساسي بوقتها سعادة مع خوف مع توتر إحساس غريب بس حلو ،،،،،
****
زينب:"ملك معقولة كاعدة قبلي ومصحصحة؟
ملك:'صباح الخير حبيبتي
زينب:"امممم شنو هذا النشاط والسعادة
ملك:"احبج اموت عليج امووواه
زينب:"لج شكو شوقتيني
ملك:"تعالي اسولفلج بالمطبخ ،،،
*****
أم سلمان:"صباح الخير
الجميع :"صباح الخير
أم سلمان :"جاهز الريوك؟
فيصل :"أي جاهز يلة بنات أخذوا
ملك:"فدوة زينب اني ما اكدر اذا شفت أمير يوكعن من أيدي انتي اخذي
زينب:"هههه ماشي ،،،،
أمير ..من كعدت لحد الآن ماكو ملك يمكن خجلانة مني بعد الي صار البارحه، ،،
****
فيصل :"ها زينب فكرتي ؟
زينب:"أي فكرت
فيصل :"وشنو بشري
زينب:"موافقة
فيصل:"ايييي هيج وكولي من الأول ،،،،
****
ملك:"اكول زينب شعندج وي فيصل كلما أدخل الكاكم تسولفون؟
زينب :"عرض علية الزواج
ملك:"أيا بذاته وأني شيصير أركض اسولفلج
زينب:"والله ما صار هواية من كلي
ملك:"أي وشنو؟
زينب:"وافقت
ملك:"وااااو مبروك حبيبتي
زينب:"شكراً يوم الاج ونسوي عرسنا بيوم واحد
ملك:"اني ما أحب أتزوج بسرعة أحب أعيش قصة حب
زينب:"امممم انام احسنلي، ،،،
***
ملك..هذا أمير يتصل، ،
ملك:"الو أهلا أمير
أمير :"نزلي للحديقة أريد اشوفج
ملك:"أمير بس
أمير :"يلة منتظرج بأي ،،،،
ملك:"الو أمير ،أوف شيريد مني والله أخاف أنزل ،،،،
****
ملك...رحت للحديقة وراسي بالكاع نعم أمير
أمير :"بذات يوم بطولة ما اشوفج ليش هيج؟
ملك:"ماكدرت اشوفك
أمير :"مشتاقلج
ملك:"أمير ما لازم نستمر
أمير :'هههه بعدنة بالبداية
ملك:"أي لهنا وكافي
أمير :"لا مو كافي الله عليج ما مشتاقتلي
ملك:"كلما يتقرب أمير خطوة ارجع ليورة خطوة
أمير :"بس أريد اعرف ليش خايفة؟
ملك:"خايفة من كولشي
أمير :"ما دام اني موجود لتخافين
ملك:"خايفة لا انحرم من هاي اللحظات
أمير :"يعني انتي تحبيني؟
ملك:"على فكرة انت كولش جريء
أمير :"وعلى فكرة انتي كولش خجولة ههه
ملك:"أمير أريد اروح
أمير :"مترحين الا تكولين أحبك
ملك:"لا لا مستحيل ما اكدر
أمير :"يعني راح تنهزمين مثل البارحه
ملك:"أمير رجاءاً
أمير :"اني اترجاج كولي أحبك
ملك:"لتنسى اني منو
أمير :"ميهمني انتي منو ثقي بية وراح تعيشين أجمل أيام حياتك
ملك:"ما اكدر أمير ما اكدر
أمير :"ملك لحظة ملك ،،،
زينب:"صباح الخير
فيصل :"صباح النور
زينب:"هاي شنو ؟
فيصل :"حضرتلج ريوك ههه
زينب:"اشكرك فوفو
فيصل :"خرب عم فوفو نوب فوفو
زينب:"ههههههه أي مو تدلل
فيصل :"شوفي بمناسبة فوفو بيتي بعد أسبوع يكمل ونروح انأثثة على ذوقج
زينب:"الله ياريت فيصل ونعيش بي سوة واستقر
فيصل :"ان شاء الله حبيبتي، ،
ملك:"احم احم
فيصل :"فوتي ملك فوتي
ملك:"صباح الخير على العرسان الحلوين
فيصل :"ههههه صباح الخير اختي يوم الالج،،
أمير :"صباح الخير
الجميع :"صباح الخير
أمير :"اسمع عرسان ما اعرف شنو ؟
فيصل :"هههه أي والله أستاذ أمير ان شاء الله نويت أتزوج
أمير :"مبروك فيصل ومنو سعيدة الحظ
فيصل :"هههه هاي الكدامك
أمير :"منو قصدك ؟
فيصل :"زينب أستاذ
أمير :"أي كول من الأول جلطتني ههه
فيصل :"ليش أستاذ ؟
أمير :"هههه المهم الف مبروك زينب
زينب:"شكراً أستاذ يوم الالك
أمير :"وهوة ينظر الملك قريبا ان شاء الله قريبا، ،،
****
فيصل :"زينب تجين وياي للسوك محتاجين مسواك؟
زينب:"أي ياريت اني هم ضايجة، ،،،
*****
أمير :"فيصل فيصل
ملك:"راح للسوك
أمير :"وزينب؟
ملك:"راحت وياه
أمير :"حلو يعني وحدج بالبيت
ملك :"لا بيبيتك بغرفتها
أمير :"هههه شبيج خفتي؟
ملك:"لا على شنو أخاف
أمير :"وين رايحة ؟
ملك:"ماعندي شغل وراح اصعد
أمير :"ماكو صعدة اكعدي خل نسولف
ملك:"أمير رجاءاً ما أريد اسببلك مشاكل
أمير :"ماكو أي مشاكل بس ثقي بية ،
أم سلمان:"شلونكم ياحلوين
ملك:"الحمدلله
أمير ..مو وكتج بيبي
أم سلمان :"شنو أمير ؟
أمير :"اكول أهلا بيبي تفضلي اكعدي ،،،،،
****
ملك..باليل بعد ما خلصت شغلي وصعدت انام شفت هدية على ميز الغرفة،،،،
ملك:"زينب هاي الج ؟
زينب:"لا اتصورتها الج
ملك:"فتحت الهدية ولكيت فستان كولش حلو وعلي ورقة مكتوب بيها باجر لبسي ،،،
مسج من أمير ...عجبج الفستان ؟
ملك:"ليش أمير ليش تصعب الأمور ؟
أمير :"باجر لبسي ومنتظرج برة بسيارتي باي، ،،
