ملك:"زينب زينب
زينب:"شكو عوفيني نايمة
ملك:"شو انقطعت الكهرباء ؟
زينب:"نامي ذولي متطفة عدهم الكهرباء
ملك:"لج والله انقطعت ماكو لايت شمعة؟
زينب:"اكو شموع بالمطبخ روحي جيبي ،،
ملك..كنت هواية أخاف من الظلمة واختنك نزلت بهدوء ودخلت للمطبخ ،،
أمير :"الو نعم بابا
سلمان:"كل السمير ينزل يشوف الميزانية اشو انقطعت الكهرباء
أمير :"سمير نايم اني نازل ،،،
أمير ..نزلت اشوف ميزانية الكهرباء وشفت ملك بالمطبخ كان بيدها شمعة وضوء الشمعة على عيونها من غير ما اتكلم صرت مقابيلها نظرة لعيونها كان سوادهن ساحر ،،
ملك:"اني نزلت حتى قصدي اا اني أخاف من الظلمة
أمير :"هههه ليش خايفة هسة اشوف شنو مشكلة الكهرباء
ملك..كنت لابسة ثوب ابيض قصير وشال ابيض وكان أمير لابس بدي ابيض ربع ردن تقريبا كان بلون ايدة وبرمودة سودة ،
أمير :"طلع القاطع نازل
ملك:"اها الحمدلله
أمير :"هههه هاي شنو نازلة حافية ؟
ملك:"ههه أي من نزلت كانت ضلمة
أمير :"اوك طفي الشمعة تصبحي على خير ،،
ملك..رجعت الشمعة للمطبخ وأني مثل الحلمانة أمير حجة وياية وكلي تصبحي على خير اكيد اني دا أحلم ،،
..صعدت نمت وكأنه بعالم ثاني أمير ضحك وياية كانت ابتسامتة مثل السحر،،
زينب:"ملك ملك كومي صباح الخير
ملك:"صباح النور
زينب:"يلا كومي نحضر الريوك، ،،،
ملك..نزلت واتمنى اشوف أمير واكلة صباح الخير بس باوعت من شباك المطبخ وشفتة لابس زي رسمي شغل سيارته وطلع،،،
أم سلمان:"صباح الخير
...صباح النور
أم سلمان:سلمان وأمير طلعوا بشغل وسمير نايم لتحضرون الريوك أريد بس حليب ،،
ملك..أخذت الحليب الغرفة أم سلمان لكيتها لابسة جادر وكاعدة على سجادة الصلاة وتقرة قرآن بقيت انظرلها منظرها كان جميل ،،
أم سلمان :"تعالي ملك ادخلي
ملك:"تقبل الله
أم سلمان:"منا ومنكم
مرتاحة يمنة ان شاء الله؟
ملك:"اصلا ماعرفت الراحة إلا ابيتكم صار أسبوع يمكم كأنما اعرفكم من زمان
أم سلمان :"الحمدلله خلت ايدها على وجها ملك ليش عيونج حزينة بنتي ؟
ملك..من سألتني الحجية كأنما ذكرتني بكل همي وأني اباوع بوجها بجيت بدون كلام!!،
أم سلمان :"لا لا يمة ليش تبجين سدت القرآن وخلت رأس ملك على رجلها
ملك:"الله صار 13 سنة من يوم الي سافرت أمي ما حسيت بهذا الحنان ولا شفت حضن دافي
أم سلمان:"بعدج زغيرة بنتي عيشي حياتج سولفي وضحكي وتونسي انسي زوجة عمك وانسي طفولتج الخير كدامج لا تيأسي،
سمير:"لا لا شنو هاي بديت أغار ليش ملك تاخذين مكاني ؟
ملك..رفعت راسي ومسحت دموعي ،
سمير:"شنو هاي دموع واحضان شبيكم؟
أم سلمان:"هههه بعد ما نخلص من السانة لتخاف محد يأخذ مكانك ،،
ملك..وكفت اباب غرفة أم سلمان واباوع السمير شلون يشاقي جدتة ويضحكها الله على حنانها وطيبتها الله لا يحرمهم من بعض،،،
زينب:"لج شنو ماطلع كلاص حليب
ملك:"هههه اجيت شنو اليوم المطبخ نظيف والبيت نظيف يعني ماعدنة شغل ؟
زينب:"أي ماعدنة شي خل نستأذن من الحجية ونروح للسوك
ملك:"ياريت ،،
أم سلمان:"أي روحن بس لتتأخرن حتى تحضرون العشة وي فيصل
زينب:"أي ساعتين ونرجع
أم سلمان:"ملك هاج أخاف تشترين شي من السوك
ملك:"لا شكراً ممحتاجة شي
أم سلمان:"اكو بنية تدخل للسوك ومتشتري شي ههه اخذي لتخجلين وانتي زينب ذني الج
زينب:"شكراً خالة ايييي قصدي مدام
أم سلمان :"هههه يلة روحن ،،،
ملك..رحنة للسوك واتونسنا واشترينا شغلات حلوة ورجعنا، ،،
ملك..كنت واكفة بالحديقة ودخلت سيارة حمراء مفتوحة ونزلت بنية طويلة وشقراء ولابسة بنطرون وبدي ورافعة شعرها بنضارات شمسية ،،
أبو علاء:"أهلا ست سارة
سارة:"هلو عمو أمير موجود؟
أبو علاء :"أي فوك بغرفتة، ،،
ملك..قتلني الفضول منو هاي سارة وليش سألت على أمير بالذات!!،،
سارة:"هلو خالة
أم سلمان:"أهلا وسهلا تفضلي
سارة:"شكراً صاعدة الأمير
أم سلمان:"بنات آخر وقت شلون تصعد الغرفة شاب وحدها ؟!
سمير:"عادي بيبي زمنا غير زمنكم، ،
ملك..صعدت ورا سارة كان أمير كاعد على كرسي ومشغل اللابتوب وسارة سدت عيونة من ورا منو اني ؟،،
أمير :"هلو سارة شوكت اجيتي؟
سارة:"ليش هيج صار يومين ممتصل علية ؟
أمير :"والله مشغول ،،
ملك..رحت دخلت الغرفتي وسديت الباب هههه من كل عقلج ملك أمير يفكر بيج انتي وين وهوة وين صار لازم اشيلة من بالي،،،
زينب:"وينج ملك تعالي نصب عشة
ملك:"جاية وراج، ،
أم سلمان:"حضرو بعد ماعون على الطاولة سارة راح تتعشة ويانة
زينب :"صار مدام
ملك :"اموت واعرف منو هاي سارة؟
زينب:"شفتيها شلون حلوة ولة سيارتها واو تجنن هاي البنات العايشة، ،،
سمير:"هلو سارة مشتاقين
سارة:"هلو سمير شلونك
سمير:"يلة نتسابق بالأكل مثل كل مرة
سارة:"هههه لا هاي بس بالغدة بالعشة ما أكل مسوية دايت
سمير:"لج انتي وزنج خمسين المن الدايت ؟
سارة:"لا ستين زايدة كيلو
أم سلمان:"سمو واكلو، ،،،
أمير :"بلا زحمة ممكن ليمون
ملك:"صار لحظة
سارة:"شنو هاي عاملة جديدة؟ ،،،
يتبع
